Skip to content

ᑲᓀᑎᐊᓐ ᓄᐊᕐᔅ ᓄᐃᑦᓯᒋᐊᓪᓚᐳᑦ ᑐᕋᐃᓐᓇᑐᒥᒃ ᐊᕐᖁᑎᑦᓴᒥᒃ ᐃᖃᓗᓐᓂᑦ- ᑰᑦᔪᐊᒧᑦ

ᑕᒐᑦᓴᐅᑎᒋᒃᑯᑦ ᓄᐃᑎᑕᐅᒋᐊᓖᑦ ᒫᑦᔨ 15, 2022, ᐋᑐᕚ, ᐊᓐᑎᐅᕆᐅ – ᑲᓀᑎᐊᓐ ᓄᐊᕐᔅ ᑐᓴᕐᑎᑦᓯᕗᑦ ᐅᒃᑯᐃᕐᓯᒋᐊᓪᓚᓂᕐᒥᒃ ᑐᕋᐃᓐᓇᑐᒥᒃ ᐊᕐᖁᑎᑦᓴᒥᒃ ᐃᖃᓗᓐᓂᑦ, ᑰᑦᔪᐊᒧᑦ, ᐊᒻᒪᓗ ᒪᓐᑐᔨᐊᓪᓚᒧᑦ, ᖃᖓᑕᓂᑦᓴᒧᑦ ᒫᓐᓇ ᐃᓕᑦᓴᓕᐅᕈᓐᓇᓕᕐᐳᑦ canadiannorth.com.    

ᓇᐅᓕᒫᓄᑦ ᖃᓄᐃᖏᑦᓯᐊᕐᓂᓕᕆᔩᑦ ᐊᖓᔪᖅᑳᖏᑦ ᑐᓴᕐᑎᑦᓯᓚᐅᕐᒪᑕ ᑰᕕᑦᒧᑦ-ᐊᑑᑎᓯᒪᔪᑦ ᖃᖓᑕᓂᕐᒧᑦ ᑐᕋᐃᓐᓇᓇᖏᑦᑐᓂᒃ ᓄᓇᕗᒻᒥ ᐊᒻᒪᓗ ᓄᓇᕕᒻᒥ ᐊᑐᕈᓐᓀᑎᑦᓯᓚᖓᓕᕐᓂᒥᓐᓂᒃ ᐱᓇᓱᐊᕈᓰᑦ ᐊᒥᓲᖏᑦᑐᑦ ᐊᑑᑎᓕᕐᑎᓪᓗᒋᑦ, ᑲᓀᑎᐊᒃᑯᑦ ᑐᓴᕐᑎᑦᓯᒋᐊᓪᓚᒍᓐᓇᓕᕐᐳᑦ ᐱᓪᓚᕆᒻᒥᒃ ᖃᖓᑕᓂᕐᒧᑦ ᐊᖅᑯᑎᑦᓴᒥᒃ ᑖᒃᑯᓄᖓ ᓄᓇᓕᓐᓄᑦ ᐃᓄᐃᑦ ᓄᓇᖓᓐᓂ. ᐱᒋᐊᕐᓗᓂ ᐁᕐᕆᓕ 14, 2022, ᒪᕐᕈᕕᓪᓗᓂ ᖃᖓᑕᓂᖃᖃᑦᑕᓛᓕᕐᑐᖅ ᐁᑉᐸᖓᓐᓂ ᐊᒻᒪᓗ ᓯᑕᒪᖓᓐᓂ, ᐱᕕᑦᓴᓯᐊᒥᒃ ᓄᐃᑦᓯᓗᑎᒃ ᐱᓇᓱᐊᕈᓯᕐᓂ ᑭᑲᕐᓇᑯᑖᑕᖃᑐᐊᕐᐸᑦ ᐅᕝᕙᓗᓘᓐᓃᑦ ᐱᓇᓱᐊᕈᓯᐅᑉ ᐃᓗᐊᓂ ᐱᓇᓱᐊᕐᓂᒧᑦ ᑐᕌᖓᔪᒥᒃ ᖃᖓᑕᒍᑎᖃᓚᖓᔪᓄᑦ. 

“ᐊᓕᐊᓱᒻᒪᕆᑦᓱᑕ ᐱᒋᐊᓪᓚᑎᑦᓯᓯᕗᒍᑦ ᑕᒪᒃᑯᓂᖓ ᖃᖓᑕᕕᑦᓴᐅᓚᖓᔪᓂᒃ ᐊᑑᑎᕐᖃᔭᓚᐅᕈᓐᓀᑕᑎᓐᓂᒃ ᐊᕐᕌᒎᓐᓂᒃ ᒪᕐᕉᓐᓂᒃ ᓄᕙᓐᓇᔪᐊᖅ ᑰᕕᑦ ᐱᑦᔪᑎᒋᓪᓗᒍ. ᑕᒪᓐᓇ ᐃᓱᒪᕐᓱᕈᓐᓇᖏᓐᓂᖅ ᐲᖅᑕᐅᓚᖓᓕᕐᒪᑦ ᑲᓇᑕᓕᒫᒥ ᑕᕐᕋᒥᓗ, ᐱᒋᐊᕐᑎᑦᓯᒋᐊᓪᓚᓂᖅ ᐃᖃᓗᓂᑦ – ᑰᑦᔪᐊᒧᑦ ᒪᓐᑐᔨᐊᓪᓚᒧᑦ ᖃᖓᑕᓂᕐᒥᒃ ᐊᖅᑯᑎᖃᕐᓂᖅ ᐃᓱᐊᕐᓂᓴᐅᓚᖓᓕᕐᑐᖅ ᐃᓚᒌᖑᔪᓄᑦ ᐊᐅᓚᒐᓱᐊᕐᑐᓄᑦ, ᐃᓚᓐᓈᕇᓄᓪᓗ ᑭᖕᖒᒪᒋᓪᓚᕆᑦᑕᑎᓐᓄᑦ. ᓇᑯᕐᒦᒃ ᖃᖓᑕᖃᑦᑕᑐᖁᑎᕗᑦ ᐊᑯᓂ ᕿᓄᐃᓵᓚᐅᕐᒪᑕ ᓇᓗᓇᕐᑐᑰᖃᑦᑕᑎᓪᓗᑕ ᐊᒻᒪᓗ ᑐᖕᖓᓱᑦᑎᑦᓯᕗᒍᑦ ᐃᑭᑎᑦᓯᒋᐊᓪᓚᓂᕐᒥᒃ ᐃᓕᑦᓯᓐᓂᒃ.” ᐅᓇ ᖃᖓᑦᑕᐅᑎᑦᓴᓕᕆᔩᑦ ᖃᖓᑦᑕᔫᓕᕆᔩᓪᓗ ᐊᖓᔪᖅᑳᖓᑕ ᓄᖓᓕᖓ ᐋᓐᑐᕉ ᐴᑉ,  

-30- 

ᑲᓀᑎᐊᓐ ᓄᐊᕐᔅ ᒥᑦᓵᓄᑦ: 

ᑲᓀᑎᐊᓐ ᓄᐊᕐᔅ ᐱᒋᔭᐅᒻᒪᑦ 100%-ᒧᑦ ᐃᓄᓐᓄᑦ ᖃᖓᑦᑕᔫᖁᑎᒋᔭᐅᑦᓱᓂ ᐃᓄᓐᓂᒃ ᐱᑐᑦᓯᒪᑎᑦᔨᔪᖅ ᐅᓯᑲᑦᑕᑎᐅᑦᓱᓂᓗ ᑲᓇᑕᐅᑉ ᐅᑭᐅᕐᑕᑐᖓᓂ-ᐊᑦᑕᓇᖏᑦᑐᒥ, ᓇᓗᕐᖁᓐᓇᖏᑦᑐᖅ ᐊᒻᒪᓗ ᑐᖕᖓᓇᕐᑑᑦᓱᓂ ᑌᒪᖕᖓᑦ ᑲᒪᑦᓯᐊᓲᒍᑦᓱᓂᓗ ᖃᖓᑕᓚᖓᔪᓂᒃ. ᑲᓀᑎᐊᓐ ᓄᐊᕐᔅ ᖃᖓᑦᑕᔫᖓ ᐱᒍᑦᔨᖃᑦᑕᐳᖅ ᓄᓇᓕᓐᓂᒃ 25-ᓂᒃ ᑕᒡᒐᓂ ᓄᓇᑦᓯᐊᒥ, ᓄᓇᕕᒻᒥ ᐊᒻᒪᓗ ᓄᓇᕘᕐᒥ, ᐊᒻᒪᓗ ᐋᑐᕚᒥ, ᒪᓐᑐᕆᐊᓪᓚᒥ, ᐃᓐᒪᓐᑕᓐᒥ – ᐊᒻᒪᓗ ᑐᕌᓐᑐᒥ – ᐊᑐᖃᑦᑕᓱᑎᒃ ᖃᖓᑦᑕᔫᓂᒃ ᐊᖏᓂᕐᓴᓂᒃ 737 ᐊᒻᒪᓗ ATR 42-ᓂᒃ ᖃᖓᑦᑕᔫᓂᒃ. ᑲᓀᑎᐊᓐ ᓄᐊᕐᔅ ᓵᑕᕐᑕᐅᓲᖑᒋᕗᖅ ᐱᒍᑦᔨᑦᓱᑎᒃ ᐱᒍᑦᔭᐅᒋᐊᓕᓐᓂᒃ ᐊᖏᔫᑎᓂᒃ ᐅᓯᒋᐊᖃᑐᐊᕐᒪᑕ ᑲᒪᒋᔭᐅᑦᓯᐊᕆᐊᓕᓐᓂᒃ, ᑲᔪᓯᑦᓯᐊᕈᓐᓇᒪᑕ ᐊᒻᒪᓗ ᐊᑭᑭᑦᑑᑦᓱᑎᒃ ᖃᖓᑕᑎᑕᐅᔪᓄᑦ ᐱᒍᑦᔭᐅᒋᐊᓕᓐᓄᑦ ᐊᒥᐊᕆᒃᑲᒥᐅᑦ ᑕᕐᕋᖓᓂ ᐊᒻᒪᓗ ᐊᓯᒋᐊᓪᓚᖏᓐᓄᑦ ᐱᖕᖑᐊᕆᐊᕐᑐᑐᓄᑦ, ᐅᒥᐊᕐᔪᐊᒃᑰᕆᐊᕐᑐᑐᓄᑦ, ᐳᓚᕋᑎᓄᑦ ᐊᒻᒪᓗ ᐊᓯᖏᓐᓄᑦ ᐊᒥᓱᓄᑦ. ᑲᓀᑎᐊᓐ ᓄᐊᕐᔅ ᐱᒋᔭᐅᓪᓚᕆᑉᐳᖅ ᒪᑭᕝᕕᒃ ᑯᐊᐳᕇᓴᒧᑦ ᐊᒻᒪᓗ ᐃᓄᕕᐊᓗᐃᑦ ᐱᕙᓪᓕᐊᑎᑦᓯᓂᕐᒧᑦ ᐃᓕᑕᕆᔭᐅᒪᔪᖁᑎᖏᓐᓄᑦ.  

ᖃᐅᔨᒋᐊᓪᓚᒍᒪᒍᕕᑦ, ᐅᕗᖓ ᖃᐅᔨᒋᐊᕈᓐᓇᐳᑎᑦ: 

ᑭᕙᓐ ᖃᑉᓗᑦᓯᐊᖅ
ᑲᒪᔨᒻᒪᕆᐅᖃᑕᐅᔪᒧᑦ, ᐱᔪᒥᓇᕐᓭᒍᑕᐅᔪᓄᑦ ᐊᒻᒪᓗ ᑐᓴᐅᒪᐅᑎᓕᕆᓂᕐᒧᑦ
ᑲᓀᑎᐊᓐ ᓄᐊᕐᔅ
mediarelations@canadiannorth.com 

Share this News:

Share on facebook
Share on twitter
Share on linkedin