ᐄᐳᕈ 16, 2021 – ᓄᕙᒡᔪᐊᕐᓇᖅ−19 ᐃᖃᓗᖕᓂᑦ ᑲᒪᒋᔭᐅᑎᓪᓗᓂ, ᑲᓇᐃᑎᐊᓐ ᓄᐊᑦᑯᑦ ᐅᓯᑲᑦᑕᕐᓂᓕᕆᓂᖓᑦ ᐊᒃᑐᖅᑕᐅᓯᒪᖕᒪᕆᒃᑐᑦ ᐋᑐᕚᒥ. ᓱᒃᑲᐃᓕᓯᒪᓪᓗᑎᒃ ᓅᑎᕆᓂᕗᑦ ᐅᓯᑲᑦᑕᒐᒃᓴᓂᒃ.
ᒫᓐᓇᔪᖅ ᓇᒡᒐᔾᔭᒧᑦ, ᐄᐳᕈ 19, ᐋᑐᕚᒥ ᐅᓯᑲᑦᑕᕐᓂᓕᕆᕝᕕᕗᑦ ᑎᒍᓯᒍᓐᓇᖏᑲᐃᓐᓇᖅᑐᑦ ᓄᑖᓂᒃ ᐅᓯᑲᑦᑕᕈᑎᒃᓴᓂᒃ. ᐱᓯᒪᑲᐃᓐᓇᓚᐅᒃᑭᑦ ᐅᑕᖅᑭᓗᑎᑦ ᓇᒡᒐᔾᔭᙳᖅᓯᐊᕆᓗᒍ, ᒫᓐᓇ ᑲᒪᒋᒋᐊᓕᕗᑦ ᑲᒪᒋᓚᐅᕐᓗᒋᑦ ᐃᓂᓕᐅᒃᑲᓐᓂᕋᓱᖕᓂᐊᕋᑦᑕ, ᓂᒡᓕᖕᓇᐅᑎᕗᑦ ᖁᐊᒃᑯᕖᓪᓗ ᐃᓂᖃᙱᓗᐊᕐᒪᑕ ᒫᓐᓇ ᑲᒪᒋᑦᑎᐊᕈᒪᒐᑦᑎᒍ ᓇᒃᓯᐅᑎᔪᒪᔭᖅᓯ.
ᐃᖃᓗᖕᓂᑦ ᓱᒃᑲᐃᓕᓯᒪᑲᐃᓐᓇᕐᒥᔪᑦ ᐊᐅᓚᓂᕆᔭᕗᑦ. ᖃᖓᑕᔫᒃᑰᕐᓂᐅᔪᑦ ᐊᐅᓪᓚᕈᖕᓇᖅᑎᒐᓱᒃᑕᕗᑦ ᑕᒪᐃᓐᓂᒃ ᐃᓂᒃᓴᓕᐅᖅᑕᐅᓯᒪᒌᖅᑐᑦ ᐃᖃᓗᖕᓂᑦ ᐅᓪᓗᒥ ᐊᒻᒪᓗ ᐱᓇᓱᐊᕈᓯᐅᑉ ᓄᙳᐊᓂ. ᑭᓯᐊᓂ ᐅᓯᑲᑦᑕᒐᒃᓴᑦ ᐅᓄᕐᓂᖅᐹᖏᑦ ᓅᑎᑕᐅᔪᖕᓇᖏᑲᐃᓐᓇᓛᖅᑐᑦ ᕿᑭᖅᑖᓗᖕᒧᑦ ᓄᓇᓕᖕᓄᑦ.
ᐃᓚᖏᑦ ᐅᓯᑲᖅᑕᒐᒃᓴᑦ ᐋᑐᕚᒥ ᑎᑭᑎᑕᐅᔪᖕᓇᓚᐅᖅᑐᑦ ᐃᖃᓗᖕᓄᑦ ᒥᑭᓐᓂᖅᓴᐅᓪᓗᑎᒃ. ᐊᓯᖏᑦ ᐃᖃᓗᖕᓂᑦ ᐅᓯᑲᖅᑕᒐᒃᓴᑦ ᓅᑕᐅᔾᔮᖏᑦᑐᑦ ᐅᓪᓗᒥ. ᓂᕆᐅᖕᒥᔪᒍᑦ ᐱᓇᓱᐊᕈᓯᐅᑉ ᓄᙳᐊᓂ ᐅᓯᑲᖅᑕᐅᑎᑦ ᖃᖓᑕᔫᑦ ᐊᐅᓪᓛᕈᖕᓇᓛᖅᑰᖏᑦᑐᑦ ᐋᑐᕚᒥᑦ ᐊᒻᒪᓗ ᕕᓂᐸᐃᖕᒥᑦ ᐃᖃᓗᖕᓄᑦ. ᑭᓯᐊᓂ, ᐋᖅᑭᒃᓱᐃᒐᓱᒃᑐᒍᑦ ᐅᓯᑲᑦᑕᒐᒃᓴᑦ ᓅᒐᓱᖕᓂᐊᕐᓗᒋᑦ ᐊᓯᖏᓐᓄ ᕿᑭᖅᑖᓗᖕᓂᑦ ᓄᓇᓕᖕᓄᑦ ᐱᓇᓱᐊᕈᓯᐅᑉ ᓄᙳᐊᓂ.
ᑭᓯᐊᓂ ᐸᕐᓇᐅᑎᓕᒫᕗᑦ ᐊᓯᔾᔨᑲᐅᑎᒋᔫᖕᓇᖅᑐᑦ. ᐃᓂᒃᓴᓕᐅᖅᓯᒪᔪᑦ ᐅᖄᓚᖃᑦᑕᖁᔭᕗᑦ ᐃᓂᒃᓴᓕᐅᕐᕕᑦᑎᓐᓄᑦ ᓇᓗᓇᐃᖅᑕᐅᓛᕐᒪᑕ ᖃᓄᐃᓕᖓᖕᒪᖔᑦ ᖃᖓᑕᕕᒃᓴᖏᑦ.
ᓯᕗᓪᓕᐅᑎᓯᒪᐃᓐᓇᕐᓂᐊᖅᑕᕗᑦ ᓂᕆᔭᒃᓴᑦ, ᐋᓐᓂᐊᖅᑐᓕᕆᔾᔪᑎᑦ ᐊᒻᒪᓗ ᐊᓯᖏᑦ ᐱᔭᕆᐊᖃᒻᒪᕆᒃᑐᑦ ᑕᐃᒪᓐᓇᐃᖏᓐᓇᓚᖓᓪᓗᑎᒃ ᐊᐅᓪᓚᒍᓐᓇᖅᓯᓕᑕᐃᓐᓇᕈᑦᑕ ᓱᒃᑲᐃᓕᓯᒪᙱᓕᕐᓗᑕ. ᒫᓐᓇᐅᔪᖅ, ᐅᓯᑲᑦᑕᕈᑎᒃᓴᓂᑦ ᑐᓂᓯᙱᑲᐃᓐᓇᓚᐅᕈᑎᒃ ᑲᓇᐃᑎᐊᓐ ᓄᐊᑦᑯᓐᓄᑦ ᑐᕌᖅᑐᑦ ᐃᖃᓗᖕᓄᑦ ᐊᒻᒪᓗ ᐃᖃᓗᖕᓂᙶᖅᑐᑦ.
ᖁᔭᓐᓇᒦᒻᒪᕆᒃᑕᕗᑦ ᐱᔨᑦᑎᕋᑦᑕᐅᑎᕙᒃᑕᕗᑦ ᐃᑲᔪᖅᑐᐃᖕᒪᑕ ᐅᑕᖅᑭᑦᑎᐊᕐᒪᑕᓗ ᑲᔪᓯᑎᑦᑎᒐᓱᒃᑎᓪᓗᑕ ᐱᔭᕆᐊᓕᖕᓂᒃ ᓄᓇᓕᖕᓄᑦ ᐊᑦᑕᕐᓇᖅᑐᕐᒦᑎᑦᑎᑕᐃᓕᑎᓪᓗᑕ.
