ᔪᓚᐃ 9 ᐅᓪᓗᖅ ᐊᑐᖅᑕᐅᓗᐊᖅᐸᙱᑦᑑᓪᓗᓂ ᐅᓪᓗᕆᔭᐅᓚᐅᕐᒪᑦ ᐅᑭᐅᖅᑕᖅᑐᒥ ᓇᓪᓕᐅᕐᓂᖅᓯᐅᕈᑎᖃᓚᐅᖅᑐᑕ ᓄᓇᕗᑦ ᐅᓪᓗᖓᓂ ᐊᓕᐊᓇᐃᑦᑑᓪᓗᓂ, ᓂᕿᖃᖅᑐᓂ ᐊᒻᒪᓗ ᓄᓇᓕᓐᓂ ᓂᕿᖃᑦᑎᐊᕈᓐᓇᑲᐃᓐᓇᑦᑎᐊᕐᓂᖅᓴᐅᓚᐅᖅᑐᓂ
ᓄᓇᕗᑦ ᐅᓪᓗᖓᓂ, ᑲᓇᐃᑎᐊᓐ ᓄᐊᑦ−ᒃᑯᑦ ᐱᓕᕆᖃᑎᖃᓚᐅᖅᑐᑦ ᐋᑐᕚᒥ ᓲᓯ ᑭᐅ ᑑᓇᔅᓯᓂᒃ ᐃᖃᓗᓐᓄᑦ ᐊᐅᓪᓚᖅᑎᑦᑎᔪᒥᓂᐅᓪᓗᑎᑦ ᐅᖓᑖᓃᑦᑐᓂᑦ 2,000 ᑕᐅᑐᒐᖏᑦ ᑑᓇᔅ ᐅᑭᐅᖅᑕᖅᑐᒧᑦ ᑭᒡᒐᖅᑐᐃᓂᖃᖅᑐᑎᑦ ᑐᓂᐅᖅᑲᖅᑕᒥᓂᐅᓚᐅᖅᑐᑦ ᐃᖃᓗᓐᓂ. ᓲᓯ ᑭᐅ ᓂᐅᕕᖅᑎᑦᑎᓚᐅᖅᑐᑦ ᑖᒃᑯᓂᖓ ᑑᓇᔅᓯᓂᒃ ᐊᔾᔨᐅᙱᑦᑐᓂᑦ ᐋᑐᕚᑉ ᓂᐅᕕᕐᕕᖓᓂ, ᑐᓂᓯᓪᓗᑎᑦ ᑮᓇᐅᔭᓂᒃ ᓂᐅᕕᐊᒥᓂᕐᓃᙶᖅᑐᑦ ᑲᑎᓕᒫᖅᑐᒋᑦ $1,271.60, ᑖᒃᑯᓄᖓ ᖃᔪᖅᑐᕐᕕᒃ ᓂᖃᐃᓱᕐᕕᖓ . ᑲᓇᐃᑎᐊᓐ ᓄᐊᑦ−ᒃᑯᑦ ᑮᓇᐅᔭᓂᒃ ᐊᔾᔨᖏᓐᓂᒃ ᑐᓂᓯᓚᐅᕐᒥᔪᑦ, ᑐᓂᓯᓪᓗᑎᑦ ᑲᑎᓕᒫᖅᑐᒋᑦ ᑐᓂᔭᐅᔪᑦ ᐃᒪᓐᓇᐅᓪᓗᑎᑦ $4,271.60ᐃᑲᔪᖅᑐᖅᑕᐅᓪᓗᓂ ᖃᔪᖅᑐᕐᕕᒃ.
ᐱᓕᕆᐊᖃᕈᑎᒋᔭᐅᔪᒪᓕᖅᓯᒪᓪᓗᑎᑦ ᐅᑭᐅᖅᑕᖅᑐᖅ ᐱᓪᓗᒍ, “ᑐᖑᔪᖅᑐᒻᒪᕆᒃ” ᑑᓇᑦ ᐊᒥᐊᖓ ᑭᒍᑕᖏᕐᓇᖅ ᐊᒻᒪᓗᑭᑖᓕᐊᕆᔭᐅᓯᒪᔪᖅ, “ᓯᐅᕋᙳᐊᖓᓗ” ᑕᐃᑲᙶᖅᑐᒥᓂᐅᓪᓗᓂ ᐸᐃᒥᒃ, ᐊᒻᒪᓗ ᒥᑭᔫᑏᑦ ᑯᑯᑦ ᐃᖃᓗᙳᐊᖑᑎᑕᐅᓪᓗᑎᑦ. ᐃᖅᑲᐅᒪᔪᔅᓴᐅᕗᑦ ᓲᓯ ᑭᐅᒥᒃ 2024-ᒥ, ᑕᒪᐃᓐᓂ ᑰᖃᕐᕕᒻᒥ ᐃᖅᑲᓇᐃᔭᖅᑎᖏᓐᓂᓗ ᐃᖃᓗᓐᓄᑦ ᐊᐅᓪᓚᖅᑎᑦᑎᓚᐅᖅᓯᒪᔪᑦ 25-ᖓᓐᓂ ᓇᓪᓕᐅᓂᖅᓯᐅᖅᑎᓪᓗᒋᑦ ᓄᓇᕗᑦ ᐅᓪᓗᖓᓂ.
ᑲᓇᐃᑎᐊᓐ ᓄᐊᑦ−ᒃᑯᑦ ᐃᑲᔪᖅᑐᐃᓂᑦᑎᓐᓄᑦ ᖃᔪᖅᑐᕐᕕᑉ ᐃᖅᑲᓇᐃᔮᖓᓂᒃ ᐃᑲᔪᖅᑐᐃᓂᖃᓕᓚᐅᖅᑐᑦ ᐊᒻᒪᓗ ᑲᒪᓂᐊᕐᓂᕋᖅᓯᒪᓂᖏᓐᓄᑦ ᓄᓇᓕᐅᔪᒧᑦ ᑕᒫᓂ ᐊᕐᕌᒍ ᐱᒋᐊᓕᖅᑎᓪᓗᒍ. ᖃᔪᖅᑐᕐᕕᒃ ᐊᑐᓲᑦ ᓴᙱᓂᖓᓂᒃ ᓂᕿᑉ, ᐱᖅᑯᓯᑐᖃᖅᑎᒍᑦ ᓄᓇᓕᐅᔪᒥᓪᓗ ᓴᙵᑦᑎᑕᐅᖁᓪᓗᒋᑦ ᐋᓐᓂᐊᖅᑕᐃᓕᓂᖏᑦ, ᑐᕌᖓᓂᖃᕐᓂᖏᑦ ᐊᒻᒪᓗ ᓂᕿᖃᑦᑎᐊᕐᓂᖏᑦ ᐃᖃᓗᓐᓂ. ᓂᖅᑎᐅᖅᑎᖏᑦ ᑲᑐᔾᔨᓚᐅᖅᑐᑦ ᓄᓇᓕᓐᓂ ᐃᖃᓗᑦᑕᒥᓂᐅᔪᓂᒃ ᐊᒻᒪᓗ ᐱᑦᓯᓕᐅᖅᑐᑎᑦ ᓄᓇᓕᒻᒧᑦ ᓄᓇᕗᑦ ᐅᓪᓗᖓᓂ ᐱᔭᐅᓂᐊᖅᑐᓂᒃ.
ᑭᓯᐊᓂᓕ ᓄᓇᕗᑦ ᐅᓪᓗᖓ ᓂᕿᑐᐃᓐᓇᖏᓐᓅᕐᓂᖃᙱᓚᑦ − ᓇᓗᓇᐃᒃᑯᓯᖅᑕᐅᓯᒪᔪᖅ ᓄᓇᕗᙳᖅᑐᒥᓂᐅᓂᖓᓄᑦ ᑲᓇᑕᒥ ᒪᒃᑯᓐᓂᖅᐹᖅ ᐊᕕᑦᑐᖅᓯᒪᓂᖓ 1999-ᖑᑎᓪᓗᒍ, ᐃᓛᒃᑰᖓᓕᔪᔪᖅ ᓄᓇᑦᓯᐊᕐᒥ. ᓄᓇᕗᑦ ᐊᖏᕐᕋᕆᔭᐅᕗᖅ ᐃᓄᒻᒪᕆᓐᓄᑦ, ᓂᕈᐊᖅᑕᐅᓯᒪᔪᒥᒃ ᒐᕙᒪᖃᖅᑐᑎᑦ ᓴᐳᒻᒥᐅᓯᖅᑕᐅᓯᒪᖁᓪᓗᒋᑦ ᐊᒻᒪᓗ ᐊᑐᕐᔫᒥᑎᑕᐅᖁᓪᓗᒋᑦ ᐃᓄᒻᒪᕇᑦ ᐃᓅᓯᖏᑦ, ᐅᖃᐅᓯᖓ, ᐊᒻᒪᓗ ᐱᖅᑯᓯᑐᖃᑦᑎᐊᕚᓗᖏᑦ.
ᐅᓪᓗᖅ ᑐᑭᖃᑦᑎᐊᕐᒪᑦ ᑕᐃᒃᑯᓄᖓ ᓄᓇᕗᑦ ᐊᖏᕐᕋᕆᓂᕋᖅᑕᖏᓐᓄᑦ − ᑕᒫᓂ ᐃᓅᓚᐅᖅᓯᒪᒐᓗᐊᕈᑎᓪᓘᓐᓃᑦ ᐅᕝᕙᓘᓐᓃᑦ ᑕᒫᓂ ᐃᓅᓯᖅᑖᖅᓯᒪᓕᖅᑎᓪᓗᒋᑦ ᑕᒫᓂᒥᐅᑕᐅᓕᕐᓂᖏᓐᓄᑦ. ᑕᒪᓐᓇ ᐅᓪᓗᖅ ᓄᓇᕗᒻᒥᐅᑕᕐᓄᑦ ᓇᓪᓕᐅᓂᖅᓯᐅᕈᑎᒋᔭᐅᕗᖅ ᐊᒻᒪᓗ ᐸᐸᑕᐅᓪᓗᓂ ᐊᔾᔨᐅᙱᑦᑐᖅ ᐃᓕᖅᑯᓯᖓ ᓄᓇᕗᑦ ᑐᓂᕐᕈᑎᒋᓲᖓ ᑲᓇᑕᒧᑦ. ᐊᒥᓱᓄᑦ, ᑐᑭᓕᒃ ᑐᕌᖓᓂᖃᖅᑐᕐᔫᔮᕐᓂᑦᑎᓐᓂᒃ: ᓄᓇᒧᑦ, ᓄᓇᓕᒻᒧᑦ, ᐊᒻᒪᓗ ᐃᓅᓯᕐᒧᑦ ᑐᙵᕕᓕᒃ ᐱᖅᑯᓯᕐᒥᒃ.
ᓄᓇᕗᑦ ᐅᓪᓗᖓ ᐱᕕᖃᕈᑎᒋᔭᐅᕗᖅ ᖁᔭᒋᔭᐅᓗᑎᑦ ᐃᓕᖅᑯᓯᖃᑦᑎᐊᒻᒪᕆᓐᓂᖏᑦ, ᐱᖅᑯᓯᖏᑦ ᐊᒻᒪᓗ ᐃᑲᔪᕐᓂᖃᖅᓯᒪᓂᖏᑦ ᐃᓄᒻᒪᕇᑦ ᐊᒻᒪᓗ ᑐᑭᓯᐅᒪᓂᖅᓴᐅᑦᑎᐊᓕᖁᓪᓗᑕ ᐃᑉᐱᒍᓱᑦᑎᐊᕐᓗᑕᓗ ᑕᒪᐃᓐᓂ ᓄᓇᖃᖅᑳᖅᓯᒪᔪᑦ ᓄᓇᓕᖏᑦ.
ᖁᕕᐊᓱᒋᑦ ᓄᓇᕗᑦ ᐅᓪᓗᖓᓂ!
