ᐊᑐᓚᐅᑦᑐᓂ ᐊᒥᓲᖏᑦᑐᓂ ᑕᖅᑭᓐᓂ, ᑲᓇᐃᑎᐊᓐ ᓄᐊᑦ ᐅᐱᒍᓱᑦᑎᐊᑦᑐᓂ ᐃᑲᔪᓚᐅᒻᒪᑦ ᐃᓕᒋᒃᑐᓂᒃ ᑭᒡᒐᑦᑐᐃᔪᓂᒃ ᑕᒪᒃᑭᖏᓐᓂᒃ ᓄᓇᕗᒻᒥᒃ ᐊᒻᒪᓗ ᓄᓇᔅᓯᐊᒻᒥᒃ 2026 ᑲᓇᑕᒥ ᑰᓕᑦᑏᑦ ᐊᔪᙱᓛᖑᒍᓯᐋᕈᑎᒥᒃ.
ᓯᒃᑳᑦᓯᒃᑯᑦ ᓵᓚᔅᓴᕋᓱᐋᓕᑦᑎᓪᓗᒋᑦ ᐆᒻᒪᑎᙳᐊᑦ, ᐃᑲᔪᔅᓱᐄᓚᐅᕋᑦ ᐃᓕᒋᑦᑐᓂᒃ ᐅᐃᒍᓗ (ᓄᓇᕗᑦ) ᐊᒻᒪᓗ ᐃᓕᒋᑦᑐᓂᒃ ᑲᐅᑉᒪᓐ (ᓄᓇᔅᓯᐊᖅ), ᑕᐃᔅᓱᒪᓂᐅᑎᓪᓗᒍ ᒪᓐᑕᓇᐅᑉ ᑲᑭᓪᓚᐅᑎᓕᑦ, ᐃᑲᔪᔅᓱᐃᓚᐅᕋᑦᑕ ᐃᓕᒋᑦ ᓴᒪᒐᓪᓯᑭᒃᑯᓂᒃ (ᓄᓇᕗᑦ).
ᐃᓘᓐᓇᑎᒃ ᐱᖓᓱᑦ ᐃᓕᒋᑦ ᑭᒡᒐᑦᑐᐃᓚᐅᒻᒪᑕ ᐃᒻᒥᓂᒃ ᓇᒻᒥᓂᖅ ᐊᒻᒪᓗ ᓄᓇᓕᒻᒥᓐᓂᒃ ᐅᐱᒍᓱᑦᑎᐊᑦᑐᑎᒃ, ᐱᒍᓐᓇᑦᑎᐋᑦᑐᑎᒃ, ᐊᒻᒪᓗ ᓵᓚᔅᓴᕈᒪᑦᑎᐊᑦᑐᑎᒃ, ᐊᒻᒪᓗ ᐅᐱᒍᓱᑦᑎᐊᓚᐅᑦᑐᒍᑦ ᐃᓚᒋᔭᐅᓂᑦᑎᓂᒃ ᐱᓕᕆᑎᓪᓗᒋᑦ ᑕᒪᒃᑭᖏᓐᓂ ᓯᑯᓕᐊᕆᓯᒪᔪᒥ ᐊᒻᒪᓗ ᓯᑯᓕᐊᕆᓯᒪᔪᒦᖏᒃᑲᓗᐊᑦᑎᓪᓗᒋᑦ.
ᐃᑲᔪᔅᓱᐄᓂᖅ ᐅᑭᐅᑦᑕᑦᑐᒻᒥ ᐱᙳᐋᑦᑎᐅᔪᓂᒃ ᐊᒻᒪᓗ ᓄᓇᓕᒻᒥᒃ ᐱᒋᐊᑦᑎᑦᑎᒍᑎᑦ ᐱᒻᒪᕆᐋᓗᒻᒪᑕ ᐃᓚᒋᔭᐅᓪᓗᑎᒃ ᑲᓇᐃᑎᐊᓐ ᓄᐊᑦᑯᑦ ᐱᓕᕆᒍᒪᑦᑎᐊᓂᖏᓐᓂᒃ ᓄᓇᓕᓂᒃ ᐱᔨᔅᓯᑦᑕᖏᓐᓂᒃ, ᐊᒻᒪᓗ ᐅᐱᒍᓱᑦᑎᐋᕋᑦᑕ ᖁᕕᐊᓱᒍᑎᖃᓐᓂᒻᒥᒃ ᐊᔪᖏᑦᑎᐊᓂᖏᓐᓂᒃ, ᓵᓚᐅᑦᑕᐃᓕᒪᒍᓐᓇᓂᖏᓐᓂᒃ, ᐊᒻᒪᓗ ᑲᔪᓯᒍᒪᑦᑎᐊᓂᖏᓐᓂᒃ ᑖᒃᑯᐊ ᐃᓕᒌᑦᑐᑦ ᑕᑯᕋᓐᓈᑦᑕᐅᑎᒍᓐᓇᓐᓂᖏᓐᓂᒃ ᑲᓇᑕᓕᒫᑉ ᑕᑯᕋᓐᓈᑦᑎᑦᑎᕕᖓᓄᑦ.
ᑲᓇᐃᑎᐊᓐ ᓄᐊᑦ ᐃᑲᔪᔅᓱᐄᓂᐋᒻᒥᒻᒪᑦ ᓄᓇᕗᑉ ᐃᓕᒌᑦᑐᖁᑎᖏᓐᓂᒃ ᐱᙳᐋᓂᕆᓂᐋᑦᑕᖏᓐᓂ ᑲᓇᑕᒥᐅᑕᐃᑦ ᑲᑎᑕᐅᓯᒪᓗᑎᒃ ᒪᕐᕈᐄᓕᖃᖓᓗᑎᒃ ᑰᓕᑏᑦ ᐊᔪᙱᓛᖑᒍᓯᐋᕋᓱᐋᓂᖏᓐᓂᒃ ᐱᒋᐊᓪᓗᑎᒃ ᒫᔾᔨ 21-27−ᒥ.
