ᓄᓇᕗᒻᒥ ᓯᓚᑦᑐᖅᓴᕐᕕᒃ ᐃᓕᓐᓂᐊᖅᑎᖏᑦ ᐱᓯᒪᔭᖏᑦ ᑐᓂᔭᐅᑐᐃᓐᓇᖅᑐᑦ ᓱᓇᒃᑯᑖᑦ ᑐᓂᐅᖅᑲᖅᑕᐅᔪᑦ ᐅᕙᒍᑦ ᐊᑭᖃᖏᑦᑐᓂ ᐊᓐᓄᕌᔅᓴᔭᓂᑦ ᑐᓂᔭᐅᑐᐃᓐᓇᖅᑐᓂᑦ ᐊᒻᒪ ᐊᑭᓖᓪᓗᑎ ᓯᕗᒧᑦ.
ᑐᓂᔭᐅᑐᐃᓐᓇᖅᑐᑦ ᐃᓚᒋᔭᖓ Canada Goose ᑭᓱᓕᕆᔾᔪᑎᓄᑦ ᐱᓕᕆᕕᖓ ᐱᓕᕆᐊᒧᑦ, ᑐᓂᓯᑐᐃᓐᓇᖅᑐᑦ ᐊᒥᐊᒃᑯᖏᓐᓂ ᐊᓐᓄᕌᔅᓴᔭᐃᑦ, ᐃᓯᕆᐅᑎᑦ, ᓯᖀᕈᑎᑦ, ᐃᓗᐊᓃᑦᑐᓄᑦ ᐊᒻᒪ ᑭᓪᓕᖏᓐᓄᑦ ᐅᖓᓯᑦᑐᒦᑦᑐᓄᑦ ᐅᑭᐅᑕᖅᑐᒥ ᓄᓇᓕᓐᓄᑦ. ᑲᓇᐃᑎᐊᓐ ᓄᐊᑦ ᐅᐱᒍᓱᑦᑐᑦ ᐱᓕᕆᖃᑎᒋᒋᓪᓗᒋᑦ Canada Goose ᑖᔅᓱᒥᖓ ᐱᓕᕆᔭᐅᔪᒥᑦ, ᖃᖓᑕᓲᒃᑰᑎᑦᑐᒋᑦ ᓱᓇᒃᑯᑖᑦ ᐊᑭᖃᕐᓇᑎ ᐊᒻᒪ ᑐᓂᐅᖅᑲᑕᐅᓪᓗᑎ ᐃᓄᓐᓄᑦ ᒥᖅᓱᖅᑎᓄᑦ ᑖᒃᑯᓄᖓ ᓄᓇᓕᓐᓄᑦ.
ᑐᓂᓯᕋᑖᓚᐅᖅᑐᒍ, ᑖᓐᓇ ᐱᓕᕆᖃᑎᒌᓐᓂᐅᔪᖅ ᑐᓂᓯᑐᐃᓐᓇᑎᑦᑎᓚᐅᖅᑐᖅ 5,500 ᑭᓗᒍᕌᒻ Arctic Tech−ᒧᑦ ᐊᓐᓄᕌᔅᓴᔭᐃᑦ ᐊᒻᒪ ᐊᓯᖏᓐᓂ ᓱᓇᒃᑯᑖᓂᑦ ᖃᓄᐃᓘᕐᓂᖃᖅᑐᓂ ᐃᖃᓗᓐᓂ ᓅᕕᐱᕆ 12.
ᑖᒃᑯᓇᙵᑦ 500 ᓄᓇᓕᒻᒥᐅᑕᐅᔪᑦ ᐊᓂᓚᐅᖅᑐᑦ ᐊᖏᔪᓂ ᐊᔾᔭᓯᓪᓗᑎ ᑕᓪᓕᒪᐅᓚᐅᖅᑐᑦ ᐃᓕᓐᓂᐊᖅᑏᑦ ᐅᕙᙵᑦ ᐊᒥᕐᓂ ᓴᓇᐅᒐᐃᑦ ᐊᒻᒪ ᐊᓐᓄᕌᓕᐅᓂᕐᒧᑦ ᐱᓕᕆᐊᒥᑦ ᓄᓇᕗᒻᒥ ᓯᓚᑦᑐᖅᓴᕐᕕᒻᒥ. ᑖᓐᓇ ᐱᓕᕆᐊᖅ ᐃᓚᒋᓕᐅᔾᔨᔪᖅ ᐃᓄᐃᑦ ᐊᒻᒪ ᖃᓪᓗᓈᑦ ᖃᐅᔨᒪᔭᖏᓐᓂ ᐊᑐᐃᓐᓇᕈᐃᓗᑎ ᐊᒥᕐᓂᑦ, ᓴᓇᓯᒪᔪᓕᐅᕐᓗᑎ ᐊᒻᒪ ᒥᖅᓱᕐᓗᑎ ᓴᓇᒐᔅᓴᓂᑦ. ᐃᓕᓐᓂᐊᖅᑏᑦ ᓴᖅᑭᑎᑦᑎᓚᐅᖅᑐᑦ ᖃᐅᔨᒪᓂᐅᔪᓂᑦ ᐊᒻᒪ ᖁᓚᖏᓐᓂᖃᓂᕐᒧᑦ ᑲᔪᓯᑦᑎᐊᕐᓂᖃᕐᓗᑎ ᐱᓕᕆᓂᐅᔪᒥᑦ, ᓴᓇᓪᓗᑎ ᐊᑎᒋᓂᑦ ᑕᒪᒃᑭᑦ ᐱᐅᔪᓪᓗᑎ ᐊᒻᒪ ᐱᑕᖃᕆᐊᖃᖅᑐᑎᑦ ᓄᓇᖃᖅᑐᓄᑦ ᐅᑭᐅᖅᑕᖅᑐᒥ ᓄᓇᓕᓐᓂ.
ᖃᓄᐃᓘᕐᓂᖃᓚᐅᖅᑎᓪᓗᒋᑦ, ᐃᓕᓐᓂᐊᖅᑏᑦ ᓴᓇᒍᓐᓇᓚᐅᖅᑐᑦ ᐊᑎᒋᓂᑦ ᐃᓚᓯᓪᓗᑎ Canada Goose ᑐᓂᔭᐅᑐᐃᓐᓇᖅᑐᓂᑦ ᐊᒥᕋᔭᐃᑦ ᑐᓂᔭᐅᑐᐃᓐᓇᖅᑐᑎ ᓄᓇᓕᒻᒥ ᓂᐅᕕᕐᕕᒧᑦ ᐅᑭᐅᕐᑕᖅᑐᒥ ᓄᑦᑐᖅᓯᐅᑏᑦ ᐊᒻᒪ ᐊᓯᖏᓐᓂ ᑐᓂᔭᐅᔪᓂᑦ ᓯᓚᑦᑐᓴᕐᕕᒻᒥᑦ, ᐊᖏᔪᖅᑳᖓᓐᓂ ᓕᓯ ᐊᓕᖅᑲᑐᖅᑐᖅ ᐊᒻᒪ Northmart ᓂᐅᕕᕐᕕᒃ.
ᐅᐱᒋᔭᐅᓪᓗᑎ ᑖᒃᑯᐊ ᐊᔪᖏᓐᓂᖃᖅᑐᑦ ᐃᓕᓐᓂᐊᖅᑏᑦ, ᐱᔭᕇᖅᓯᓚᐅᖅᑐᑦ ᐄᐳᕈ 2025: ᐊᓃᑲ ᐋᑯᓗᔾᔪᒃ, ᐋᓕᓴᓐ ᕿᓚᕝᕙᖅ, ᐃᐊᒪᓕ ᕿᓚᕝᕙᖅ, ᓰᓇ ᕿᓚᕝᕙᖅ ᐊᒻᒪ ᕉᓵᓇ ᐅᑦᑐᕙ. ᐊᒻᒪ ᖁᔭᓐᓇᒦᒃᑲᓂᖅᑐᒋᑦ Canada Goose!
ᓄᓇᕗᒻᒥ ᓯᓚᑦᑐᖅᓴᕐᕕᒻᒥ ᐃᓕᓐᓂᐊᖅᑏᑦ ᓴᓇᓚᐅᖅᑐᑦ ᐆᒥᖓ ᐊᔾᔨᒌᖏᑦᑐᓂ ᐊᒥᐊᓕᓐᓂ ᐊᑎᒋᒥᑦ ᓱᓇᒃᑯᑖᖃᖅᑎᑎᓪᓗᑎ Canada Goose ᐊᓐᓄᕌᔅᓴᔭᐃᑦ ᑐᓂᔭᐅᑐᐃᓐᓇᖅᑐᓄᑦ.
