ᐃᓄᓐᓄᑦ−ᓇᒻᒥᓂᕆᔭᐅᓂᖓᓄᑦ ᐃᖅᑲᓇᐃᔭᕕᒃ, ᑲᓇᐃᑎᐊᓐ ᓄᐊᑦ ᐱᓕᕆᒐᓱᐋᒻᒪᑦ ᑐᑭᖃᑦᑎᐊᑦᑐᒃᑯᑦ ᐱᐅᓂᔅᓴᐅᓕᑦᑎᑕᐅᒍᒪᓪᓗᑎᒃ ᐃᓅᓯᖏᓐᓂᒃ ᐃᓄᖁᑎᑦᑕ, ᐊᑭᓖᕙᑦᑐᖁᑎᑦᑕ ᐊᒻᒪᓗ ᓄᓇᓖᑦ ᐱᔨᔅᓯᖃᑦᑕᑦᑕᕗᑦ.
ᐃᓚᒋᔭᐅᓪᓗᓂ ᐃᑲᔪᕐᓂᕐᒥᒃ ᓄᓇᓕᑦᑎᓐᓂᒃ ᐱᕈᖅᐸᓪᓕᐊᑎᓪᓗᒍ, ᑐᓂᓯᓯᒪᔪᒍᑦ ᐃᓕᓐᓂᐊᕈᑎᒃᓴᓂᒃ 17−ᓄᑦ ᐊᕐᕌᒍᓄᑦ ᐃᓕᓐᓂᐊᖅᑎᓄᑦ ᓄᓇᖃᖅᑐᓄᑦ ᓄᓇᕗᒻᒥ ᓄᓇᑦᑎᐊᕐᒥᓘᓐᓃᑦ ᐊᒻᒪᓗ ᐃᓄᓐᓄᑦ ᐊᕐᓇᓄᑦ ᐃᖅᑲᓇᐃᔭᖅᑐᓂᒃ ᐱᕙᓪᓕᐊᑎᑦᑎᔪᓂᒃ ᐃᖅᑲᓇᐃᔮᖏᓐᓂ.
ᐆᑦᑑᑎᒋᓗᒍ, ᐱᓕᕆᖃᑎᖃᖅᑐᒍᑦ AFOA Canada (ᓄᓇᖃᖅᑳᖅᓯᒪᔪᑦ ᑮᓇᐅᔭᓕᕆᔨᑦ ᑲᑐᔾᔨᖃᑎᒌᑦ ᑲᓇᑕᒥ), ᑮᓇᐅᔭᓕᐅᕋᓱᐊᖅᑎᐅᙱᑦᑐᖅ ᑲᑐᔾᔨᖃᑎᒌᑦ ᐃᑲᔪᓲᑦ ᓄᓇᖃᖅᑳᖅᓯᒪᔪᓂᒃ ᐊᐅᓚᓂᖃᑦᑎᐊᓂᖅᓴᐅᓂᕐᒥᒃ ᓄᓇᓕᖏᓐᓂᒃ ᑲᑐᔾᔨᖃᑎᒌᖏᓐᓂᓪᓗ. ᓇᓗᓇᐃᒃᑯᑕᓕᒃ ᓄᓇᖃᖅᑳᖅᑐᓄᑦ ᐱᓕᕆᔨᒻᒪᕆᐅᓂᕐᒧᑦ ᐊᐅᓚᑦᑎᔨ (CAPA) ᐱᓕᕆᐊᒃᓴᖅ ᑐᕌᒐᖃᖅᑐᖅ ᐱᐅᓯᒋᐊᖅᑎᑦᑎᓂᕐᒥᒃ ᖃᐅᔨᒪᓂᕐᒥᒃ, ᐊᔪᙱᓐᓂᕐᒥᒃ, ᐱᓕᕆᔨᒻᒪᕆᕈᖅᓴᓂᕐᒥᓪᓗ ᖁᑦᑎᓐᓂᖅᓴᒥ ᐊᐅᓚᑦᑎᔨᓂᑦ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓂ.
ᐃᓕᓴᐃᔨᓂᒃ ᑕᑎᖃᖅᐳᒍᑦ, ᐃᓕᓐᓂᐊᖅᑎᖏᓐᓂᒃ ᖃᐅᔨᒪᑦᑎᐊᖅᑐᓂᒃ, ᓇᓗᓇᐃᖅᓯᓇᓱᒃᑐᑎᒃ ᐱᓕᕆᓪᓚᕆᒍᒪᔪᓂᒃ, ᐊᖏᖅᓯᒪᑦᑎᐊᖅᑐᓂᒃ, ᓴᐱᓕᖅᓴᕋᐃᙱᓐᓂᕐᒥᒃ ᐊᒻᒪ ᓯᕗᓕᖅᑎᐅᔪᓐᓇᑦᑎᐊᖅᑐᓂᒃ. ᐊᑐᓕᖁᔭᖏᑦ ᓴᖅᑮᓚᐅᖅᑐᑦ ᑭᖑᓪᓕᖅᐹᒥᒃ ᐃᓕᓐᓂᐊᕈᑎᒃᓴᖅᑖᕐᓂᕐᒧᑦ ᒃᓕᐅᕋ ᓄᐊᒧᑦ.
ᐃᓚᒋᔭᐅᓪᓗᓂ ᐃᖅᑲᓇᐃᔭᖅᑎᑦ ᐱᕙᓪᓕᐊᑎᑕᐅᓂᖏᓐᓄᑦ ᐱᓕᕆᐊᑦᑎᓐᓄᑦ, ᐃᑲᔪᓚᐅᖅᐳᒍᑦ ᒃᓚᐅᕋ ᐊᓯᔾᔨᖅᐸᓪᓕᐊᑎᓪᓗᒍ ᐊᑭᓕᖅᓱᐃᔨᓂᒃ ᐱᔨᑦᑎᕋᖅᑎᓂᒃ ᖃᖓᑕᓲᕐᒥ ᐱᔨᑲᑖᓄᑦ. ᐱᓕᕆᐊᖃᖅᓯᒪᕗᖅ CAPA−ᒧᑦ ᐱᓕᕆᐊᖑᕙᒃᑐᒥᒃ ᓅᑉᐸᓪᓕᐊᓕᕈᒪᓪᓗᓂ ᐊᐅᓚᑦᑎᓂᕐᒧᑦ ᐱᓕᕆᐊᖑᕙᒃᑐᒧᑦ.
ᐊᓕᐊᓇᐃᒍᓱᖃᑎᒋᕙᔅᓯ, ᒃᓚᐅᕋ! ᓂᕆᐅᒃᐳᒍᑦ ᐃᖅᑲᓇᐃᔭᑯᑖᕐᓂᐊᕋᕕᑦ ᑲᓇᐃᑎᐊᓐ ᓄᐊᑦᑯᓐᓂ.
