ᖃᖓᑕᓂᕐᒥ, ᑕᐃᒪᓐᓇᑦᑎᐊᖅ ᐊᒻᒪ ᐱᓕᕆᑦᑎᐊᕐᓂᖅ ᐱᒻᒪᕆᐊᓘᒻᒪᑎᒃ, ᑕᐃᒪᓐᓇᑦᑕᐅᖅ ᐱᒻᒪᕆᐊᓘᒻᒥᔪᖅ ᐃᓱᒪᕗᑦ ᖃᓄᐃᖏᑦᑎᐊᖁᓪᓗᒋᑦ.
ᖃᐅᔨᒪᒐᑦᑕ ᑕᖃᔾᔪᑕᐅᕙᑦᑐᑦ, ᑕᖃᓯᒪᓂᖅ, ᐊᒻᒪ ᐃᓱᒪᒃᑯᑦ ᐊᒃᓱᕉᑕᐅᔪᑦ ᖃᐅᔨᔭᐅᑦᑎᐊᓲᖑᓐᖏᒻᒪᑕ.
ᑕᐃᒫᒃ ᑲᓇᐃᑎᐊᓐ ᓄᐊᑦ−ᑯᑦ ᐅᐱᒍᓱᑉᐳᑦ ᐃᑲᔪᖅᑐᐃᔪᓐᓇᕐᒪᑕ ᑲᒪᑦᓯᐊᖅᑐᑦ ᓄᓇᕗᒻᒥ ᐅᖄᓚᐅᑎᒃᑯᑦ ᐃᑲᔪᖅᑎᖏᓐᓄᑦ, ᐊᑭᖃᕐᓇᓂ ᐊᒻᒪ ᑐᓴᖅᑕᐅᔭᕆᐊᖃᖏᑐᒃᑯᑦ ᐱᔨᖅᑎᕋᖅᑐᑎᒃ ᐊᑐᐃᓐᓇᐅᑎᑕᐅᔪᖅ ᐅᓪᓗᓕᒫᖅ ᐅᓐᓄᐊᓕᒫᖅ ᐱᓇᓱᐊᕈᓯᓕᒫᖅ ᐃᑲᔪᖅᑐᐃᓪᓗᑎᑦ ᑭᓇᑐᐃᓐᓇᑦᑎᐊᓂᒃ ᓄᓇᕗᒻᒥ. ᐅᖄᓚᐅᑎᒃᑯᑦ ᐅᖄᓚᕕᔅᓴᖅ ᐊᑐᐃᓐᓇᐅᑎᑦᑎᔪᖅ ᐱᓕᒻᒪᓴᖅᑕᐅᓯᒪᔪᓂᒃ ᐃᓅᓯᓕᕆᔨᓂᒃ ᖃᓄᑐᐃᓐᓇᑦᑎᐊᖅ ᐃᑲᔪᖅᑐᐃᔪᓐᓇᖅᑐᑎᑦ ᐃᓱᒫᓘᑕᐅᔪᓂᒃ − ᑕᖃᔾᔪᑕᐅᕙᑦᑐᓂᒃ ᐊᒻᒪ ᓯᕘᕋᓂᕐᒥᑦ ᕿᔅᓴᖅᑐᓄᓪᓗ, ᓱᕈᕐᓇᖅᑐᓂᒃ ᐋᖓᔮᓇᖅᑐᓂᒃ ᐊᑐᖃᑦᑕᓂᕐᒧᑦ, ᐊᒻᒪ ᐊᓯᖏᓪᓗ. ᑕᕝᕙᓂᑦᑕᐅᑎᒋ ᓂᓪᓕᐊᖃᑎᖃᕈᒪᒍᕕᑦ ᐅᕝᕙᓘᓐᓃᑦ ᐃᑲᔪᖅᑕᐅᖏᓐᓇᕈᒪᒍᕕᑦ, ᑲᒪᑦᓯᐊᖅᑐᑦ ᐱᓕᕆᔨᖏᑦ ᓈᓚᒍᒪᑐᐃᓐᓇᖅᑐᑦ.
ᑐᑭᓯᒃᑲᓐᓂᕈᓐᓇᖅᑐᑎ ᐅᕙᓂ: nunavuthelpline.ca
ᑎᓕᐅᖅᐸᒻᒥᔭᕗᑦ ᐃᓄᐃᑦ ᐃᖅᑲᓇᐃᔭᖅᑏᑦ ᖃᐅᔨᒋᐊᖁᓪᓗᒋᑦ ᐃᑲᔫᑎᑦᑕ ᒪᑉᐱᖅᑐᒐᓂ ᐃᓱᒪᒃᑯᑦ−ᖃᓄᐃᖏᑦᑎᐊᖁᓂᕐᒥᒃ: ᐃᓄᐃᑦ ᐃᖅᑲᓇᐃᔭᖅᑏᑦ ᐃᓱᒪᒃᑯᑦ ᖃᓄᐃᖏᑦᑎᐊᕐᓂᖅ
ᑲᓇᐃᑎᐊᓐ ᓄᐊᑦ−ᑯᑦ, ᐱᓕᕆᐊᖃᓪᓚᕆᒍᒪᕗᒍᑦ ᐃᓕᖅᑯᓯᕆᔭᐅᓂᐊᖅᑐᒥᒃ ᐃᓱᒪᒃᑯᑦ ᖃᓄᐃᙱᑦᑎᖁᔨᓂᕐᒥᒃ ᑕᐃᒪᓐᓇᓴᐃᓐᓇᖅ ᑲᒪᒋᔭᐅᓗᓂ ᐊᒻᒪ ᑲᒪᒋᔭᐅᑎᐊᕐᓗᓂ ᐊᐅᓚᑦᑎᔾᔪᑎᑦᑕ ᐃᓚᖓᒍᑦ.
