ᒪᐃ 13-ᖑᑎᓪᓗᒍ, 13 ᐊᕐᕌᒍᐊ ᐅᑭᐅᖅᑕᖅᑐᒥ ᑲᔪᖏᖅᓴᐅᑎᑦᑎᐊᕙᐃᑦ ᓵᓚᖃᐅᓯᐊᖅᑎᑦᑎᓲᖅ (AIP) ᐱᓕᕆᐊᖑᓚᐅᖅᑐᖅ ᐋᑐᕚᒥ ᐅᓛᔪᔅ ᐃᒡᓗᖁᑖᓂ ᖁᕕᐊᓱᒍᑎᖃᖅᖢᑎᒃ, ᐃᓄᒃᑐᑦ ᐱᓐᖑᐊᖅᑎᑦᑎᓪᓗᑎᒃ, ᐊᒻᒪᓗ ᓄᓇᓖᑦ.
ᐅᓇ ᐊᔾᔨᒋᔭᐅᓐᖏᑦᑐᖅ ᑕᐃᒪᖓᓂᑦ ᓇᓪᓕᐅᓐᓂᖅᓯᐅᓲᖅ, ᐅᑭᐅᖅᑕᖅᑐᒥ-ᐊᐅᓚᑕᐅᔪᖅ ᐃᓱᒪᓕᐊᕈᑎᑦ ᐃᑲᔪᖅᑐᑦ ᐊᑯᓂ ᐊᓯᖑᕈᑎᔪᓐᓇᖅᑐᓂᒃ ᑕᒪᐃᓐᓂᒃ ᐅᑭᐅᖅᑕᖅᑐᒥᒃ.
ᑲᓇᐃᑎᐊᓐ ᓄᐊᑦ ᐅᐱᒍᓱᒃᐳᖅ ᐃᓚᐅᔪᓐᓇᕋᒥᒃ ᖁᕕᐊᓇᖅᑐᒥᒃ ᐊᑯᓂᐅᔪᒃᑯᑦ ᑕᒪᑐᒧᖓ ᑮᓇᐅᔭᖃᕐᑎᑦᑎᓕᕋᒥᒃ. ᐊᖓᔪᖅᑳᖅ ᐊᒻᒪᓗ ᑐᑭᒧᐊᒃᑎᖓ, ᓯᐊᓕ ᑎ ᑲᕆᐊ, ᑐᓂᓯᓚᐅᖅᑐᖅ ᐊᑕᐅᓯᕐᒥᒃ ᑕᒪᑐᒪᓂ ᐊᕐᕌᒍᒥ ᐱᑖᖅᑎᑕᐅᔪᓂ, ᑲᔪᓯᔪᖅ ᑲᒻᐸᓂᖓ ᐊᖏᖅᓯᒪᔪᖅ ᐃᑲᔪᕐᓗᓂ ᓄᑖᓂᒃ ᐱᓕᕆᔾᔪᑕᐅᓕᖅᑐᓂᒃ ᐊᒻᒪᓗ ᓴᖕᖏᓂᖅᑖᖅᑎᑦᑎᓂᖅ ᓄᓇᓕᖕᓂᒃ ᐱᔨᑦᑎᕋᖅᑕᑎᓐᓂᒃ.
ᓯᐊᓕ ᐅᖃᐅᓯᖃᓚᐅᖅᑐᖅ ᓄᓇᕕᒻᒦᑦᑐᖅ ᕿᒧᒃᔪᐃᑦ ᐊᖑᑎᑦ ᑲᑐᔾᔨᖃᑎᒌᑦ ᑮᓇᐅᔭᖃᖅᖢᑎᒃ $425,000 ᑲᔪᖏᖅᓴᐅᑎᖏᑦ ᐱᓕᕆᐊᕆᔭᖏᑦ ᑲᑎᑦᑎᓲᑦ ᒪᒃᑯᒃᑐᓂᒃ ᐊᒻᒪᓗ ᐃᓐᓇᑐᖃᕐᓂᒃ ᐊᖑᓇᓱᒋᐊᖅᑎᓪᓗᒋᑦ ᐊᒻᒪᓗ ᐃᓄᒃᑎᑐᑦ ᓴᓇᔪᓐᓇᕐᓂᕐᒥᒃ ᐱᔭᕆᐅᖅᓴᑎᓪᖢᒋᑦ. ᐅᑯᐊ ᐱᓕᕆᔾᔪᑕᐅᔪᑦ ᐋᕿᒃᓱᖅᓯᒪᑐᐃᓐᓇᓐᖏᑦᑐᑦ ᖃᐅᔨᒪᓂᕐᒥᒃ ᐊᒻᒪᓗ ᐊᔪᕈᓐᓃᖅᑎᑦᑎᕙᓪᓕᐊᑐᐃᓐᓇᓐᖏᑦᑐᑦ ᒪᒃᑯᒃᑐᓂᑦ ᐊᖑᑎᓂᒃ ᑭᓯᐊᓂᖅᑕᐅᖅ ᓴᖕᖏᒃᑎᖃᑦᑕᖅᑐᑦ ᐱᐅᓯᑐᖃᖏᑦᑎᒍᑦ ᑭᓇᐅᓂᖅᑎᑦ ᐊᒻᒪᓗ ᐃᒻᒪᑲᓪᓚᓂᑦ ᐃᓚᒥᖕᓄᑦ ᐊᑕᔾᔪᑎᓖᑦ.
ᑭᖑᓪᓕᖅᐹᖅ ᑐᓴᖅᑎᑦᑎᓚᐅᖅᑐᖅ ᐅᖓᑖᓂ $3.7 ᒥᓕᐊᓐ ᑮᓇᐅᔭᒃᓴᖅ ᐃᑲᔪᖅᑐᖅ ᐱᒋᐊᖅᑎᑦᑎᓪᓗᑎᒃ ᐅᕝᕙᓘᓐᓃᑦ ᐊᖏᒡᓕᒋᐊᕐᓗᒋᑦ ᐃᖏᕐᕋᓯᑎᑕᐅᓯᒪᔪᑦ ᐱᒋᐊᖅᓯᒪᔪᑦ ᐅᑭᐅᖅᑕᖅᑐᒥᑦ ᓯᕗᓪᓕᐅᑎᒋᐊᓕᖕᓂᑦ ᐊᒻᒪᓗ ᖃᐅᔨᒪᔨᒻᒪᕆᖕᓂᑦ.
ᐳᖅᑐᓛᖅ ᓵᓚᖃᐅᓯᐊᖅ $1 ᒥᓕᐊᓐ Bibia Nàtsät Ku, ᐅᓇ ᓄᓇᖅᑲᖅᑳᖅᓯᒪᔪᑦ-ᐊᐅᓚᑕᐅᔪᖅ ᐃᕐᓂᓱᒃᓰᕕᒃ ᐊᒻᒪᓗ ᕿᑐᕐᖓᒃᓴᖃᖅᑐᓄᑦ ᐋᓐᓂᐊᕕᒃ ᐱᓕᕆᑎᑦᑎᔾᔪᑕᐅᔪᖅ ᔫᑳᓐ. ᐊᓯᖏᑦ ᓵᓚᖃᐅᓯᐊᑦ ᐱᑎᑕᐅᓚᐅᖅᑐᑦ ᐃᓚᒋᔭᐅᓪᓗᑎᒃ ᓄᓇᕗᒻᒥᑦ-ᐃᖏᕐᕋᓯᑎᑕᐅᓯᒪᔪᖅ ᐊᐅᓪᓗᑎᔪᖅ ᐃᓐᓇᑐᖃᐃᑦ ᐃᓕᓴᐃᔨᑦ, ᐃᓕᓐᓂᐊᕐᕕᑦ ᓯᓚᑖᒍᑦ ᐃᓕᓐᓂᐊᖅᑎᑦᑎᓂᖅ ᑕᐃᒫᑦᓯᐊᓐᖏᑦᑐᓄᑦ ᒪᒃᑯᒃᑐᓄᑦ, ᐊᒻᒪᓗ ᐊᐅᖏᑦ ᓱᑲᖃᓗᐊᖅᑕᐃᓕᑎᑦᑎᓂᖅ.
ᐅᓇ ᒐᕗᓄ ᔭᓄᓗ ᒥᐊᕆ ᓴᐃᔭᓐ ᐅᖃᓚᐅᖅᑐᖅ ᒪᑐᐃᖅᓯᓪᓗᓂ. “ᐱᐅᓂᖅᐹᑦ ᐋᕿᒃᓱᔾᔪᑕᐅᔪᓐᓇᖅᑐᑦ ᓴᕿᑕᐅᓯᒪᔪᑦ ᐅᑭᐅᖅᑕᖅᑐᒥᑦ, ᐅᑭᐅᖅᑕᖅᑐᒧᑦ.”
ᐅᓇ ᐅᑭᐅᖅᑕᖅᑐᒥ ᑲᔪᖏᖅᓴᐅᑎᑦᑎᐊᕙᐃᑦ ᓵᓚᖃᐅᓯᐊᑦ ᖃᐅᔨᑎᑦᑎᕙᒃᑐᖅ ᐊᕐᕌᒍᑕᒫᑦ, ᐊᒻᒪᓗ ᑲᓇᐃᑎᐊᓐ ᓄᐊᑦ ᐅᐱᒍᓱᒃᑐᑦ ᐃᓚᒋᔭᐅᔪᓐᓇᕋᒥᒃ.
ᐃᓕᑦᑎᒃᑲᓐᓂᕈᓐᓇᖅᑐᑎᑦ ᑕᒪᑐᒥᖓ ᐅᑭᐅᖅᑕᖅᑐᒥ ᑲᔪᖏᖅᓴᐅᑎᑦᑎᐊᕙᐃᑦ ᓵᓚᖃᐅᓯᐊᑦ ᖃᕆᓴᐅᔭᒃᑯᑦ ᒪᑐᐃᕐᓗᒍ: https://arcticinspirationprize.ca/
