ᐃᓄᖕᓄᑦ ᓇᖕᒥᓂᖁᑎᒋᔭᐅᓪᓗᑕ ᑲᒻᐸᓂ ᑲᓇᐃᑎᐊᓐ ᓄᐊᑦ−ᒃᑯᑦ, ᐊᑯᓂᐅᔪᖅ ᐃᓚᐅᖃᑕᐅᖃᑦᑕᖅᓯᒪᓕᖅᑐᒍᑦ ᐊᒻᒪᓗ ᐃᑲᔪᖅᑐᐃᕙᑦᑐᑕ ᐊᕐᕌᒍᑕᒫᑦ ᕿᑎᕐᒥᐅᑦ ᐃᖅᑲᓇᐃᔭᕐᕖᑦ ᑕᑯᒃᓴᐅᑎᑦᑎᓂᖓᓂᒃ ᐃᖃᓗᒃᑑᑦᓯᐊᕐᒥ, ᓄᓇᕗᑦ.
ᑕᒫᓂ ᐊᕐᕌᒍᒥ ᑕᑯᒃᓴᐅᑎᑦᑎᓂᖃᓛᖅᑐᑦ, ᕖᕝᕗᐊᕆ 5-7, 24-ᖓᓐᓂ ᐊᕐᕌᒍᕆᓕᖅᑕᖓ.
ᐃᖅᑲᓇᐃᔭᕐᕖᑦ ᑕᑯᒃᓴᐅᑎᑦᑎᓂᖏᑦ ᐱᓕᕆᖃᑎᒌᑎᑦᑎᒍᑕᐅᓲᖑᕗᖅ ᓇᖕᒥᓂᖁᑎᖃᐅᖅᑐᓄᑦ, ᐊᔾᔨᒌᙱᑦᑐᓂᑦ ᓴᓇᕕᓂ, ᒐᕙᒪᒃᑯᓐᓂ ᐊᒻᒪᓗ ᐃᓄᐃᑦ ᑲᑐᔾᔨᖃᑎᒌᖏᓐᓂᒃ ᐱᓕᕆᖃᑎᒌᒍᓐᓇᖅᓯᑎᑦᑐᒋᑦ ᐊᒻᒪᓗ ᑕᑯᒃᓴᐅᑎᑦᑎᓂᖃᖅᑐᑎᑦ. ᑕᒫᓂ ᐊᕐᕌᒍᒥ ᐊᑐᖅᑕᐅᓂᐊᖅᑐᖅ “ᐅᐸᓗᖓᐃᖅᓯᒪᓕᕆᖅ, ᐱᑐᐃᓐᓇᕆᐊᖑᓗᑎᑦ, ᐱᕈᖅᐸᓪᓕᐊᓕᕆᑦ!” ᓇᓪᓕᐅᓂᖅᓯᐅᕈᑕᐅᔪᑦ ᒪᑭᒃᑲᓐᓂᕈᓐᓇᒻᒪᕆᓐᓂᖏᑦ, ᓴᐱᓕᔪᐃᑦᑑᓂᖏᑦ ᐊᒻᒪᓗ ᐱᕚᓪᓕᖅᓯᒪᓂᖏᑦ ᕿᑎᕐᒥᐅᓂ.
ᐅᐱᒍᓱᑉᐳᒍᑦ ᐱᓕᕆᐊᒃᓴᑦᑎᓐᓂᒃ ᐅᑉᐱᕆᔭᐅᔪᓐᓇᖅᑑᓪᓗᑕ ᐱᓕᕆᖃᑕᐅᒃᑲᓐᓂᖅᑎᒍᓐᓇᕋᑦᑕ ᓄᓇᓕᒻᒥ ᖃᖓᑕᓲᓕᕆᔨᐅᓪᓗᑕ ᐃᑲᔪᖅᑎᐅᔪᒍᑦ ᐃᖅᑲᓇᐃᔭᕐᕖᑦ ᑕᑯᒃᓴᐅᑎᑦᑎᓂᖃᖅᑎᓪᓗᒋᑦ. ᑕᑯᒃᓴᐅᑎᑦᑎᕕᕗᑦ ᑕᐃᑲᓂ ᑕᑯᒃᓴᐅᑎᑦᑎᔪᖃᖅᑎᓪᓗᒍ ᐃᑲᔪᕐᓂᖃᓚᐅᖅᑐᖅ ᐅᕙᑦᑎᓐᓂᒃ ᑲᓱᖅᑎᑦᑐᑎᒍᑦ ᓄᓇᓕᒻᒥᐅᓂᒃ ᐊᒻᒪᓗ ᓇᒻᒥᓂᖁᑎᖃᐅᖅᑐᓂᒃ ᐊᒻᒪᓗ ᐅᖃᐅᓯᖃᖅᑐᑕ ᐃᖅᑲᓇᐃᔮᒃᓴᖅᑕᖃᕐᓂᖓᓂᒃ ᓇᓗᓇᐃᖅᓯᓯᓐᓈᖅᑐᑕ ᐱᓕᕆᐊᖃᕐᓂᐊᕐᓂᕋᕐᓂᑦᑎᓐᓂᒃ ᐊᕕᑦᑐᖅᓯᒪᔪᖅ ᐱᕈᖅᐸᓪᓕᐊᑎᓪᓗᒍ.
ᓂᑭ ᕋᐃᑦ, ᐊᔪᙱᑦᑐᓂᒃ ᑲᑎᖅᓱᐃᔨᒻᒪᕆᒃ, ᐅᖃᐅᓯᖃᖅᑐᒥᓂᐅᕗᖅ ᐃᖅᑲᓇᐃᔮᒃᓴᐅᔪᓂᒃ ᐊᒻᒪᓗ ᓄᐊᑦᑎᓲᑦ ᐱᓇᓱᐊᖅᑐᓂᒃ ᑭᖑᕚᖑᓂᐊᖅᑐᓂᒃ ᐃᖅᑲᓇᐃᔭᖅᑎᐅᒐᔭᖅᑐᑦ ᕿᑎᕐᒥᐅᓂ ᐃᖅᑲᓇᐃᔭᕐᕖᑦ ᑕᑯᒃᓴᐅᑎᑦᑎᓂᖃᖅᑎᓪᓗᒋᑦ ᕖᕝᕗᐊᕆ 5-7−ᒥ.
ᑖᑦ ᑦᓴᓕ, ᑐᑭᒧᐊᑦᑎᑦᑎᔨ ᐅᓯᑲᖅᑕᕋᒃᓴᓂᒃ ᐊᒻᒪᓗ ᓇᒻᒥᓂᖁᑎᒋᔭᕗᑦ ᐱᕙᓪᓕᐊᑎᑦᑎᔨᖓ, ᓂᑭ ᕋᐃᑦ−ᓗ, ᐊᔪᙱᑦᑐᓂᒃ ᑲᑎᓱᖅᐃᔨᒻᒪᕆᒃ, ᐅᐸᓗᖓᐃᖅᓯᒪᔫᒃ ᐅᖃᐅᓯᖃᕐᓗᑎᒃ ᓇᒻᒥᓂᖁᑎᖏᔭᐅᔪᓂᒃ ᐊᕐᕌᒍᑕᒫᑦ ᕿᑎᕐᒥᐅᑦ ᐃᖅᑲᓇᐃᔭᕐᕖᑦ ᑕᑯᒃᓴᐅᑎᑦᑎᓂᖃᕐᓂᖏᓐᓂᒃ ᐃᖃᓗᒃᑑᑦᓯᐊᖅ, ᓄᓇᕗᒻᒥ.ᐱᓕᕆᐊᒃᓴᕗᑦ ᖃᖓᑕᓲᓕᕆᔨᐅᓪᓗᑕ ᐃᑲᔪᖅᑎᐅᓂᐊᖅᑐᑕ ᑕᑯᒃᓴᐅᑎᑦᑎᓗᐊᓚᐅᖅᑐᖅ ᑲᒪᒋᓂᐊᕐᓂᕋᖅᓯᒪᓂᑦᑎᓐᓂᒃ ᐊᕕᑦᑐᖅᓯᒪᔪᑉ ᐱᕈᖅᐸᓪᓕᐊᓂᖃᖅᑎᓪᓗᒍ.
