ᒪᑐᐃᔪᒻᒪᓂᑦ ᐅᑦᑑᐱᕆ 17, 2013, ᓇᑦᑎᓕᒃ ᐱᖅᑯᓯᑐᖃᓕᕆᕕᒃ ᑲᑎᕝᕕᐅᖃᑦᑕᖅᓯᒪᔪᖅ ᐊᒻᒪ ᐱᖅᑯᓯᓄᑦ ᑲᑎᕝᕕᔾᓗᐊᑕᐅᓪᓗᓂ ᐅᖅᓱᖅᑑᒥ.
ᓴᓇᓯᒪᔪᖅ ᓴᐳᒻᒥᓗᒋᑦ ᐊᒻᒪ ᑐᓂᔭᐅᓗᑎ ᐱᖅᑯᓰᑦ ᓇᑦᑎᓕᒃ ᐃᓄᖏᓐᓄᑦ, ᐱᖅᑯᓯᑐᖃᓕᕆᕕᐅᔪᖅ ᐱᑕᖃᖅᑎᑦᑎᔪᖅ ᐊᒥᓱᓂᑦ ᑕᑯᔅᓴᐅᑎᑕᐅᑐᐃᓐᓇᖏᑦᑐᓂᑦ. ᐃᓂᐅᔪᖅ ᐃᑦᑕᕐᓂᓴᐃᑦ ᑕᑯᔅᓴᐅᑎᑕᐅᓪᓗᑎ ᑕᑯᔭᒐᖃᕐᕕᒻᒧᑦ ᐊᑐᖅᑕᐅᖃᑦᑕᖅᑐᓂᑦ, ᐃᓐᓇᑐᖃᐅᔪᑦ ᐊᒻᒪ ᓴᓇᖑᐊᖅᑏᑦ ᑕᑯᔅᓴᐅᑎᑦᑎᓪᓗᑎ ᓴᓇᖑᐊᒐᕐᓂᑦ ᐊᒻᒪ ᓴᓇᔭᐅᓯᒪᔪᓂᑦ, ᐊᒻᒪ ᐃᑲᔪᖃᑦᑕᓂᕐᒧᑦ ᐱᓕᕆᐊᑦ, ᐱᖅᑯᓯᑐᖃᕐᓂᑦ ᐃᓕᓐᓂᐊᓂᕐᒧᑦ, ᐊᒻᒪ ᐱᖅᑯᓯᓄᑦ ᖃᓄᐃᓘᖅᑕᐅᔪᓂᑦ ᑲᑎᕝᕕᒋᕙᑦᑕᖓ ᐃᓄᐃᑦ.
ᐅᑯᑎᒎᓇ ᐅᓪᓗᐊᖅ ᐃᓄᐃᑦ ᓴᓇᐅᒐᖏᑦ, ᓂᐅᕕᕐᕕᔅᓴᐅᔪᖅ ᑕᑯᔭᒐᖃᕐᕕᒃ, ᐱᖅᑯᓯᑐᖃᓕᕆᕕᐅᔪᖅ ᐱᑕᖃᖅᑎᑎᒻᒥᔪᖅ ᓄᓇᓕᒻᒥᐅᑕᐃᑦ ᐊᒻᒪ ᐊᕕᑦᑐᖅᓯᒪᔪᒥᑦ ᓴᓇᖑᐊᖅᑎᑦ ᐃᓂᖃᖅᑐᑎ ᑐᓂᓯᓪᓗᑎ ᐃᖅᑲᓇᐃᔭᖅᑕᖏᓐᓂ ᐊᒻᒪ ᓴᓐᖓᑦᑎᒋᐊᖅᑐᒍ ᑮᓇᐅᔭᓕᕆᓂᕐᒧᑦ ᐱᕕᔅᓴᐅᔪᓐᓇᖅᑐᓂᑦ ᓄᓇᓕᒻᒥᑦ.
ᔫᓂᐅᕋᑖᓚᐅᖅᑐᒥᑦ, ᐱᖅᑯᓯᑐᖃᓕᕆᕕᒃ ᖁᕕᐊᓱᒍᑎᖃᓚᐅᖅᑐᑦ ᒪᑐᐃᖅᑕᐅᓂᖓᓄᑦ ᐊᖏᓪᓕᒋᐊᖅᓯᒪᓂᖓ. ᐱᒻᒪᕆᐅᔪᖅ ᐊᑐᖅᑕᐅᓚᐅᖅᓯᒪᖏᑦᑐᖅ ᐱᓕᕆᒋᐊᖃᖅᑕᖏᓐᓂ ᐃᓅᕕᐅᓪᓗᓂ ᐱᖅᑯᓯᓄᑦ.
ᐅᐱᒍᓱᑦᑐᒍᑦ ᐃᑲᔪᕐᓗᒍ ᖃᓄᐃᓘᖅᑕᐅᔪᖅ ᓇᓗᓴᐃᒃᑯᑕᖃᖅᑎᑎᓪᓗᑕ ᓄᓇᓕᒻᒥᐅᑕᓂᑦ ᐅᐸᖃᑕᐅᓗᑎ ᕿᑎᕐᒥᐅᓂᑦ ᐊᕕᑦᑐᖅᓯᒪᔪᒥᑦ. ᑕᓗᕐᔪᐊᒥᑦ, ᑰᒑᕐᔪᒻᒥᑦ, ᐊᒻᒪ ᐃᖃᓗᒃᑑᑦᑎᐊᒥ, ᐊᑕᐅᓯᖅ ᒪᒃᑯᑦᑐᖅ ᐊᒻᒪ ᐊᑕᐅᓯᖅ ᐃᓐᓇᑐᖃᖅ ᐅᖅᓱᖅᑑᒨᓚᐅᖅᑐᑦ ᐊᑐᓂ ᓄᓇᓕᓐᓂᑦ ᐃᓚᒋᔭᐅᓪᓗᑎ ᖁᕕᐊᓱᒍᑎᖃᕐᓂᐅᔪᓂᑦ. ᑕᑯᔅᓴᐅᓂᕆᔭᖏᑦ ᓇᓗᓇᐃᖅᓯᓚᐅᖅᑐᑦ ᑖᒃᑯᐊ ᑕᒪᒃᑭ ᓯᓚᑐᓂᖏᑦ ᐊᑐᖃᑦᑕᖅᓯᒪᓂᖏᓐᓄᑦ ᐊᒻᒪ ᓂᐱᖏᓐᓄᑦ ᑭᖑᕚᖑᓂᐊᖅᑐᓄᑦ ᑭᒡᒐᑐᖅᑕᐅᓚᐅᖅᑐᑦ ᑕᕝᕙᓂ ᐊᔾᔨᐅᖏᑦᑐᒥᑦ ᖃᓄᐃᓘᕐᓂᐅᔪᒥᑦ.
