ᓄᓇᓕᒻᒥᐅᑕᐃᑦ ᑲᑎᖃᑎᒌᑦᑎᑕᐅᓲᖑᒻᒪᑕ ᑑᓂᖅ ᑕᐃᒻᒧᑦ, ᐊᕐᕌᒍᑕᒪᑦ ᖁᕕᐊᓱᒍᑎᖃᓐᓂᖅ ᐃᓄᐃᑦ ᐱᖅᑯᓯᖏᓐᓂᒃ ᐊᒻᒪᓗ ᐅᐱᕐᖔᕈᒃᑲᓐᓂᓐᓂᖓᓂᒃ ᐃᖃᓗᓐᓂ..
ᖁᕕᐋᓱᒍᑎᖃᓐᓂᖅ ᐱᒋᐊᓚᐅᒻᒪᑦ ᐊᐃᕆᓕ 11−ᒥ ᑎᑭᓪᓗᒍ 20 ᐊᒻᒪᓗ ᐊᑎᑦᑖᑦᑎᑕᐅᓯᒪᓪᓗᓂ ᑐᓂᒻᒥᒃ, ᐃᒻᒥᓂᔅᓱᑦᑎᓂᒃ ᑐᓃᑦ ᐃᓄᖏᓐᓂᒃ. ᑐᓃᑦ ᐊᑯᑭᑦᑑᑉ ᓄᓇᖓᓂᒥᐅᑕᐅᓚᐅᒻᒪᑕ ᐊᒻᒪᓗ ᑲᓇᓐᓇᖓᓂ ᑲᓇᑕᐅᑉ ᐅᑭᐅᑦᑕᑦᑐᖓᓂ ᑕᒪᐅᙵᓚᐅᑦᑎᓐᓇᒋᑦ ᓯᕗᓕᕆᔭᐅᓚᐅᑦᑐᑦ ᐅᓪᓗᒥᐅᓕᑦᑐᖅ ᐃᓄᓐᓂᒃ ᑕᒪᐅᙵᑐᒥᓂᐅᓗᑎᒃ ᐊᓛᓯᑲᒦᖓᓪᓗᑎᒃ ᒥᔅᓵᓂ 1,000 ᐊᕐᕌᒍᐃᑦ ᐊᓂᒍᔅᓯᒪᓕᑦᑐᓂ.
ᑑᓂᖅ ᑕᐃᒻ ᑲᑎᖃᑎᒌᑦᑎᑦᑎᓲᖑᒻᒪᑦ ᐃᓚᒌᓂᒃ, ᐱᖃᓐᓇᕇᓂᒃ ᐊᒻᒪᓗ ᓂᐅᕐᕈᓯᒪᔪᓂᒃ ᑲᑎᖃᑎᒌᒍᑎᖃᖃᑦᑕᓐᓂᖅ ᐱᒋᐊᓚᐅᔅᓯᒪᓪᓗᓂ 1965−ᒥ ᖁᕕᐊᓱᖃᑎᒌᒍᑎᖃᓪᓗᑎᒃ ᖃᓄᐃᓘᕈᑎᖃᓐᓂᐅᔪᓂᒃ ᐊᒻᒪᓗ ᐱᙳᐋᖃᑎᒌᒍᑎᖃᓪᓗᑎᒃ ᑕᐃᒃᑯᓂᖓ ᓴᖅᑭᔮᑦᑎᑦᑎᔪᓂᒃ ᐊᒻᒪᓗ ᐊᓯᐅᔨᔭᐅᑦᑕᐃᓕᒪᔪᓂᒃ ᐃᓄᐃᑦ ᐃᓕᖅᑯᓯᖏᓐᓂᒃ ᐊᒻᒪᓗ ᑭᙳᕐᖑᑎᔭᒋᓐᓂᒃ. ᓄᓇᓕᒻᒥ ᖃᓄᐃᓘᑦᑎᑦᑎᒍᑎᑦ ᑕᒪᑐᒪᓂ ᐊᕐᕌᒍᒥ ᐱᖃᓯᐅᔾᔨᓚᐅᑉᐳᑦ ᐸᓚᐅᒐ (ᐸᓚᐅᒑᓕᐊᕆᓯᒪᔪᖅ)−ᐸᓚᐅᒑᓕᐅᓕᐅᑎᓗᑎᒃ, ᕿᒧᒃᓯᓪᓗᑎᒃ ᓱᑲᓂᑭᓴᐅᑎᓗᑎᒃ ᐊᒻᒪᓗ ᐃᖃᓗᓕᐅᑎᓗᑎᒃ..
ᐊᓯᖏᑦ ᐱᙳᐋᓐᓂᐅᔪᑦ ᖁᕕᐊᓱᒍᑎᑐᐃᓐᓇᐅᒻᒪᑕ, ᐊᒻᒪᓗ ᑲᓇᐃᑎᐊᓐ ᓄᐊᑦ ᐅᐱᒍᓱᑦᑎᐊᒻᒪᑦ ᑮᓇᐅᔭᖃᑦᑎᑦᑎᓂᒻᒥᓂᒃ ᓱᕈᓯᓐᓄᑦ ᒪᑭᕝᕕᐋᒥ ᒪᓐᓂᖑᐊᓂᒃ ᓄᐋᑦᑎᓗᑎᒃ ᓇᓂᓯᒐᓱᐋᑦᑎᑕᓗᑎᒃ, ᐃᓚᒌᑦ ᑎᓱᕋᓐᓂᒻᒧᑦ ᐅᓪᓗᖓ, ᕗᕋᐃᔭᓐ ᑐᕈᐃᑎᓐ ᐃᖅᑲᐅᒪᔭᐅᓗᓂ ᕼᑭᑦᑐᑦ ᐱᙳᐊᕕᔾᔪᐊᓪᓗᑎᒃ ᐊᒻᒪᓗ ᐃᖃᓗᓐᓂ ᐱᒋᐅᖅᓴᓕᓵᖅᑐᑦ ᕼᐋᑭᒧᑦ ᑲᑐᔾᔨᖃᑎᒌᑦ ᐱᙳᐋᓪᓗᑎᒃ. ᐃᓐᓇᓐᓂᒃ ᓄᐊᑦᑎᑎᑦᑎᓚᐅᒥᒐᑦᑕ ᓇᓂᓯᒐᓱᐋᓪᓗᑎᒃ ᑎᑎᖅᓯᒪᔪᓂᒃ ᑭᓱᑐᐃᓐᓇᓐᓂᒃ ᓇᓂᓯᒐᓱᐋᓪᓗᑎᒃ, ᐃᓚᒋᔭᐅᓗᓂᒃ ᐱᖅᑯᓯᒃᑯᑦ ᐃᓄᐃᑦ ᕿᓚᐅᔾᔭᓂᖓ, ᑲᓇᐃᑎᐊᓐ ᓄᐊᑦ ᐅᐸᖃᑦᑕᑦᑕᖏᓐᓄᑦ ᓄᓇᙳᐊᖅ ᐊᒻᒪᓗ ᒪᓐᑐᕆᐋᓪ ᑭᓱᑐᐃᓐᓇᖅᑖᕐᕕᒃ ᑕᑯᕚᓐᓂᓪᓗ.
ᖃᓄᐃᓘᑦᑎᑦᑎᓃᑦ ᐊᔅᓱᐋᓗᒃ ᖁᕕᐊᒋᔭᐅᔪ ᓄᓇᓕᑦᑎᓐᓄᑦ, ᓄᓇᕗᒻᒥᐅᓄᑦ ᐊᒻᒪᓗ ᓂᐅᕐᕈᖃᑦᑕᑦᑐᓄᑦ − ᐊᒻᒪᓗ ᑲᓇᐃᑎᐊᓐ ᓄᐊᑦ ᐃᖅᑲᓇᐃᔭᑦᑎᖏᓐᓄᑦ. ᐅᖃᓕᒫᕆᐊᓪᓚᒃᑲᓐᓂᕈᓐᓇᑦᑐᑎᑦ ᑕᒪᒃᑯᓂᖓ ᑐᓂᑦ ᑕᐃᒻ ᐃᑭᐊᕿᕕᖓᒍᑦ.
