ᑕᖅᑭᓕᒫᖅ ᖁᕕᐊᓱᒍᑎᖃᕐᓂᐅᔪᖅ ᐅᑭᐅᕐᒥᑦ ᐊᒻᒪ ᓄᓇᓕᒻᒥ ᐱᖃᓐᓇᕇᓐᓂᕐᒧᑦ ᐱᒋᐊᓚᐅᖅᓯᒪᔪᖅ 30 ᐊᕐᕌᒍᓂ ᖄᖏᖅᓯᒪᓕᖅᑐᓂᑦ ᐊᐳᑎᒥᑦ ᐃᓪᓗᓕᐅᖅᑐᑎ ᓴᓇᔭᐅᓯᒪᔪᑦ ᐱᖃᓐᓇᖏᓐᓄᑦ ᔨᐊᓗᓇᐃᕝᒥ, ᓄᓇᑦᓯᐊᖅ.
ᐅᓪᓗᒥ, ᐊᐳᑏᑦ ᐃᓪᓗᓐᖑᐊᓕᐅᖅᑕᐅᔪᑦ ᐊᑕᐅᓯᐅᔪᖅ ᐃᓚᒋᔭᖓ ᐊᕐᕌᒍᑕᒫᑦ ᓯᓅᑭᖕ ᐅᑭᐅᕐᒥ ᖁᕕᐊᓱᒍᑎᖃᓂᕐᒧᑦ, ᐱᖅᑯᓯᓄᑦ ᐊᑐᖅᑕᐅᕙᑦᑐᖅ ᐅᐸᑦᑕᐅᖃᑦᑕᖅᑐᖅ ᐳᓚᕋᖅᑎᓄᑦ ᓇᑭᑐᐃᓐᓇᖅ ᓯᓚᕐᔪᐊᒥᑦ.
ᐊᔅᓱᕈᕈᓐᓇᖅᑐᑦ ᐊᒻᒪ ᐊᔪᖏᓐᓂᖃᖅᑐᑦ ᐱᓕᕆᔩᑦ ᑎᑭᓯᒪᔪᑦ ᒪᕐᕉᓄ ᑕᖅᑮᓐᓄ ᐊᐳᑎᒥᑦ ᐃᓪᓗᖑᐊᓕᐅᖅᐸᑦᑐᑦ ᖁᐊᖑᑎᓪᓗᒍ ᔨᐊᓗᓇᐃᕝ ᐃᒪᖓ. ᐱᔭᕇᖅᓯᒪᔪᑦ ᓴᓇᓯᒪᔪᑦ ᐊᖏᓂᖃᕈᓐᓇᖅᑐᑦ 12,000 ᑭᑉᐹᕆᑦᑐᑦ ᐃᓯᒐᐃᑦ, ᐅᕝᕙᓘᓐᓃᑦ ᐱᖓᓱᓂ ᑯᐊᑕᖏᓐᓂ ᐊᖏᓂᖏᑦ NHL ᕼᐊᑭᕐᕕᖏᓐᓂ. ᑕᑯᔅᓴᐅᑎᑦᑎᔪᑦ ᑕᑯᕋᓐᓈᕕᒻᒥ ᓂᔾᔭᐅᓯᔭᓂᕐᒧᑦ, ᑕᑯᕋᓐᓈᑎᑦᑎᓂᕐᒧᑦ ᐊᒻᒪ ᑖᓂᓯᓂᕐᒧᑦ, ᓴᓇᔭᐅᓯᒪᔪᓂᑦ ᑕᑯᔅᓴᐅᑎᑦᑎᓂᕐᒧᑦ, ᑲᑎᒪᕕᔅᓴᐅᔪᒥ, ᑳᐱᑐᕐᕕᒃ ᐊᒻᒪ ᑎᓱᕋᕐᕕᒃ ᓱᕈᓯᕐᓄᑦ.
ᖁᕕᐊᓱᒍᑎᖃᓂᖅ ᑕᑯᔅᓴᐅᑎᑦᑎᒻᒥᔪᑦ ᐱᐅᔪᓂᑦ ᐊᐳᑎᓂᑦ ᓴᓇᔭᐅᓯᒪᔪᓂᑦ. ᑖᒃᑯᐊ ᓴᓇᔭᐅᔪᑦ ᐊᐳᑎᒥᑦ−ᓴᓇᖑᐊᑎᓪᓗᒋᑦ ᑲᑎᒪᓂᖓ, ᒫᓐᓇ 9−ᖓᓃᓕᖅᑐᖅ ᐊᕐᕌᒍᖓᓂ, ᑕᐱᕇᑦ ᑲᓇᑕᓕᒫᒥᑦ ᐊᒻᒪ ᑕᕆᐅᑉ ᐊᑭᐊᓂ ᓴᓇᖑᐊᖅᑐᑎ 10′ x 10′ ᐊᐳᑎᓂᑦ. ᑕᒪᑐᒪᓂ ᐊᕐᕌᒍᒥ ᐃᓱᒪᒋᔭᐅᔪᖅ ᐅᓇᐅᓚᐅᖅᑐᖅ ᐅᖃᐅᓯᒃᑯᑦ ᐅᓂᒃᑳᖑᖃᑦᑕᖅᓯᒪᔪᑦ, ᐱᔪᒪᓂᖃᖅᑎᑦᑎᔪᑦ ᓴᓇᔭᐅᓗᑎ ᓇᐃᑦᔅ, ᐃᓪᓗᓐᖑᐊᑦ ᐊᒻᒪ ᐅᓂᒃᑳᑎᒍᑦ ᐆᒪᔪᐃᑦ. ᐊᑐᓂ 10 ᑕᐱᕆᑦ – ᐊᒥᓲᓚᖑᓯᒪᔪᑦ – ᑎᓴᓂᑦ ᐅᓪᓗᓂ ᐱᔭᕇᖅᓯᒋᐊᖃᓚᐅᖅᑐᑦ ᓴᓇᖑᐊᖅᑕᖏᓐᓂ, ᑕᑯᔅᓴᐅᑎᑕᐅᖏᓐᓇᖅᑐᑦ ᑎᑭᒐᓱᐊᕐᓂᖓᓄᑦ ᓄᖑᖏᓐᓄ ᒫᑦᓯ.
ᓇᒻᒥᓂᖃᖅᑐᑦ ᐃᑲᔪᖃᑦᑕᐃᓇᖅᑐᑦ ᐊᒻᒪ ᐱᑕᖃᖅᑎᑎᓪᓗᑎ ᑭᓱᑐᐃᓐᓇᕐᓂᑦ ᐅᕝᕙᓘᓐᓃᑦ ᐱᔨᑦᑎᖅᑕᓂᑦ ᖁᕕᐊᓱᒍᑎᖃᓂᕐᒧᑦ. ᐊᑯᓂᐅᔪᒥᑦ ᐃᑲᔪᖃᑦᑕᖅᑐᖅ, ᑲᓇᐃᑎᐊᓐ ᓄᐊᑦ ᐅᐱᒍᓱᑦᑐᑦ ᑮᓇᐅᔭᑎᒎᖏᑦᑐᖅ ᐃᑲᔪᕐᓗᑎ ᖃᖓᑕᓲᒃᑰᑎᑦᑎᓗᑎ ᑕᑯᕋᓐᓈᑎᑦᑎᔨᓂᑦ ᖁᕕᐊᓱᒍᑎᖃᓂᕐᒧᑦ. ᑐᓂᔭᕗᑦ ᐃᑲᔪᖃᑦᑕᖅᑐᑦ ᓄᓇᓕᒻᒥ ᖁᕕᐊᒋᓗᒋᑦ ᐱᐅᔪᒻᒪᕆᓐᓂ ᐅᑭᐅᒃᑯᑦ ᓴᓇᔭᐅᓯᒪᔪᓂᑦ, ᑕᕝᕙᑦᑕᐅᑎᒋ ᑕᑯᕋᓐᓈᑎᑦᑎᓂᕐᒧᑦ ᐊᒻᒪ ᐳᐃᒍᕋᔅᓴᐅᖏᑦᑐᓂᑦ ᖁᕕᐊᓱᓐᓂᕐᒥᑦ ᓄᓇᓕᒻᒥᐅᑕᓄᑦ ᐊᒻᒪ ᐳᓚᕋᖅᑎᓄᑦ ᐊᕐᕌᒍᖃᑎᒌᖏᑦᑐᓄᑦ.
ᐅᖃᓕᒫᒃᑲᓐᓂᕈᓐᓇᖅᑐᑎᑦ ᖁᕕᐊᓱᒍᑎᖃᓂᕐᒧᑦ ᒥᔅᓵᓄᑦ ᖃᕋᓴᐅᔭᒃᑯᑦ ᑐᑭᓯᒋᐊᕐᕕᖓᒍᑦ.
