ᑲᓇᐃᑎᐊᓐ ᓄᐊᑦ ᑲᒪᒋᔭᖃᕐᓂᐊᕐᓂᕋᖅᓯᒪᓂᖓ ᐃᓕᖅᑯᓯᕐᒥᒃ, ᐃᓄᖕᓂᒃ ᐊᒻᒪᓗ ᐱᕙᓪᓕᐊᔪᓕᕆᓂᕐᒥᒃ ᐱᕕᖃᖅᑎᑦᑎᔨᐅᓂᐊᕐᓗᓂ ᐅᑭᐅᖅᑕᖅᑐᒥ ᐊᖅᓴᕐᓃᑦ ᐃᖅᑲᓇᐃᔭᕐᕖᑦ ᑕᑯᒃᓴᐅᑎᑦᑎᓂᖏᓐᓅᕈᓐᓇᖅᓯᓚᐅᖅᑐᑦ ᐊᒻᒪᓗ ᑲᑎᒪᕐᔪᐊᕐᓂᖏᖕᓄᑦ ᕖᕝᕗᐊᕆ 17-20−ᐅᑎᓪᓗᒍ.
ᑖᓐᓇ ᐅᑭᐅᖅᑕᖅᑐᒧᑦ ᓯᕗᒃᑲᖅᑖᕆᔭᖅ ᐋᑐᕚᒦᓚᐅᖅᑐᖅ,ᐊᒻᒪᓗ ᐅᐱᒍᓱᓚᐅᖅᑐᑕ ᐃᓚᒋᔭᐅᒐᑦᑕ ᐃᓕᓴᕆᔭᐅᓯᒪᔪᑦ ᖃᖓᑕᔫᓕᕆᔩᑦ ᐃᑲᔪᖅᑎᐅᓪᓗᑎᑦ, ᐊᐃᑉᐸᕗᓪᓗ ᑲᒻᐸᓂᐅᖃᑎᒋᔭᕗᑦ ᐃᓄᐃᑦ ᖃᖓᑕᔫᖏᑦ.
ᐅᖓᑖᓃᑦᑐᑦ 150−ᐅᓪᓗᑎᑦ ᑕᑯᒃᓴᐅᑎᑦᑎᓚᐅᕐᒪᑕ ᐊᒻᒪᓗ 1,000-ᖑᓪᓗᑎᑦ ᑲᑎᒪᔭᖅᑐᖅᓯᒪᔪᑦ, ᖃᓄᐃᓕᐅᕐᓂᐅᔪᖅ ᑲᓱᖅᑎᑦᑎᓂᖃᓚᐅᖅᑐᓂ ᓄᓇᓕᓐᓂ ᐃᓄᐃᑦ ᓄᓇᖏᖕᓂᒃ ᐊᒻᒪᓗ ᑲᓇᑕᑉ ᓂᒋᐊᓃᑦᑐᑦ ᓇᒻᒥᓂᖁᑎᓖᑦ ᐱᓕᕆᐊᖃᕈᒪᔪᑦ, ᑲᔪᖏᖅᓴᐃᔾᔪᑕᐅᓪᓗᓂ ᐱᓕᕆᖃᑎᒌᒍᓐᓇᕐᓂᖏᓐᓂᒃ. ᐃᑲᔪᖅᑐᐃᓂᕗᑦ ᐃᑲᔪᓚᐅᖅᑐᖅ ᑲᑎᒪᔭᖅᑐᖅᓯᒪᔪᓂᑦ, ᑕᑯᒃᓴᐅᑎᑦᑎᔪᓂᑦ ᐊᒻᒪᓗ ᐃᓚᐅᖃᑕᐅᔪᓂᑦ ᑕᑯᒃᓴᐅᑎᑦᑎᓂᕐᒨᖅᑎᑦᑎᓪᓗᑕ ᕿᑭᖅᑖᓗᒻᒦᙶᖅᑐᓂᑦ ᐊᑭᑭᓪᓕᒋᐊᖅᓯᒪᔪᓂᒃ ᖃᖓᑦᑕᐅᑎᖃᖅᑎᑦᑎᓪᓗᑕ ᐊᒻᒪᓗ ᐊᓯᔭᐅᔾᔪᑎᓂᑦ ᐱᔨᑦᑎᕋᖅᑐᑕ.
ᑕᐃᑲᓃᓚᐅᕐᓂᕗᑦ ᑕᑯᒃᓴᐅᑎᑦᑎᓂᕐᒥ ᑲᒪᒋᓂᐊᕐᓂᕋᖅᓯᒪᔭᑦᑎᓐᓂ ᖃᐅᔨᔭᒃᓴᐅᒃᑲᓐᓂᓕᖅᑎᑦᑎᓂᖃᓚᐅᕐᒪᑦ ᐱᕙᓪᓕᐊᓂᖅ ᐱᕈᖅᐸᓪᓕᐊᑎᖃᑕᐅᓗᓂ ᐊᕕᑦᑐᖅᓯᒪᔪᒥ. ᓇᓪᓕᐅᓂᖅᓯᐅᕈᓐᓇᓚᐅᕐᒥᔪᒍᑦ ᐅᑭᐅᖅᑕᖅᑐᒥ ᐃᓕᖅᑯᓯᖓᓂᒃ ᐊᒻᒪᓗ ᑕᑯᒃᓴᐅᑎᒋᐊᒻᒪᕆᑦᑐᒍ ᐳᓚᕋᖅᑐᓕᕆᓂᖅ ᐊᒻᒪᓗ ᓄᓇᓕᓐᓂ ᓴᓇᙳᐊᖅᑎᐅᔪᑦ. ᐊᒻᒪᓗ ᖁᔭᓕᓚᐅᖅᑐᒍᑦ ᑲᓱᖅᑎᑦᑕᑐᒋᑦ ᓄᓇᓕᒻᒥᐅᑦ, ᖁᕕᐊᓱᓚᐅᖅᑐᑎᑦ ᖃᖓᑕᓲᕐᒥ ᐃᑭᒪᔪᒥᓂᐅᓪᓗᑎᑦ ᓂᕆᑎᑦᑎᓂᕆᕙᑦᑕᑦᑎᓐᓂ ᐱᑕᖃᐅᖅᑐᓂ ᐆᓇᖅᑐᖅ ᑯᑯᓱᓐᓂ ᐃᒥᒐᒃᓴᖅ, ᓯᕙᑦ ᐊᒻᒪᓗ ᓂᐊᖃᐅᔭᖅ ᐃᒧᓯᒪᔪᖅ.
