ᔪᓚᐃ 4, 2023 – ᐃᖃᓗᐃᑦ, ᓄᓇᕗᑦ – ᑲᓇᐃᑎᐊᓐ ᓄᐊᑦ ᖃᖓᑕᓲᖁᑎᖏᑦ ᑎᑎᕋᓚᐅᒻᒪᑕ ᑐᔅᓯᕋᐅᑎᒥᒃ ᑐᔅᓯᕋᐅᑎᓕᐅᖁᔨᓪᓗᑎᒃ (RFP) ᐃᓄᓐᓄᑦ ᐊᒻᒪᓗ ᓄᓇᖃᖅᑳᒃᓯᒪᔪᑦ ᓴᓇᓯᒪᓂᓕᐅᖁᔭᐅᓪᓗᑎᒃ ᐅᓪᓗᒥ. ᑐᔅᓯᕋᐅᑎᒥᒃ ᑐᔅᓯᕋᐅᑎᓕᐅᖁᔨᒍᑎ ᐱᓕᕆᐊᖑᖁᔨᒻᒪᑦ ᑐᔅᓯᕋᐅᑎᓕᐅᖁᔨᒻᒪᑕ ᓄᑖᕈᕆᐊᑦᑕᐅᖁᓪᓗᒋᑦ, ᐱᓕᕆᖃᑎᒌᓕᖁᓪᓗᒋᑦ ᐃᓕᖅᑯᓯᒃᑯᑦ ᐊᒻᒪᓗ ᐱᐅᓂᔅᓴᐅᓕᑦᑎᑕᐅᓗᑎᒃ ᐱᓕᕆᒍᓯᕆᓲᖏᓐᓂ ᐊᓐᓄᕌᖃᑎᒋᑦᑎᑦᑎᒍᑎᖏᑦ. ᐊᓐᓄᕌᖃᑎᒌᒍᑎᑦ ᓄᑖᕈᕆᐋᑦᑎᑕᐅᓂᐋᑦᑐᑦ ᓴᖅᑭᔮᑦᑎᑦᑎᑎᐋᓐᓂᓴᐅᖁᓪᓗᒋᑦ ᑲᓇᐃᑎᐊᓐ ᓄᐊᑦᑯᑦ ᐃᓕᖅᑯᓯᒃᑯᑦ ᐊᒻᒪᓗ ᐃᓂᖃᓕᓪᓗᑎᒃ ᓄᓇᓕᓐᓂ ᐱᔨᔅᓯᖃᑦᑕᑦᑕᖏᓐᓂ.
ᓵᓚᔅᓴᑦᑎᑕᐅᔪᖅ ᓴᓇᓯᒪᓂᓕᐅᓐᓂᒻᒥ ᓈᕆᒐᔭᒻᒪᑦ ᐃᓪᓘᓐᓇᓕᒫᖏᓐᓂᒃ ᐊᑭᓖᕙᑦᑐᑦ−ᓵᙵᕙᑦᑕᖏᓐᓂᒃ ᐊᓐᓄᕌᖃᑎᒌᒍᑎᒋᔭᐅᔪᓂᒃ. “ᑕᐅᑐᒐᖃᕋᑦᑕ ᑲᓱᖃᑎᒌᑦᑎᑦᑎᒍᒪᓪᓗᑕ, ᐅᐱᒋᔭᐅᑦᑎᐋᖁᓪᓗᒋᑦ ᐃᓄᐃᑦ ᐊᒻᒪᓗ ᓄᓇᖃᖅᑳᒃᓯᒪᔪᑦ ᐃᓕᖅᑯᓯᖏᑕ ᐊᑐᕆᐋᖃᖃᑦᑕᖅᓯᒪᔭᖏᑦ, ᓴᖅᑭᔮᑦᑎᑕᐅᓗᓂᓗ ᐅᓪᓗᒥᐅᓕᑦᑐᖅ ᐊᑐᑦᑕᐅᓲᖑᓕᑦᑐᖅ ᐊᒻᒪᓗ ᐊᑐᓪᓚᕆᑦᑐᑦ ᒪᑯᓇᓃᑦᑐᑦ ᐋᖅᑭᖃᑎᒌᑦᑎᑦᑎᓇᓱᐋᓂᒻᒨᖓᔪᑦ ᐊᒻᒪᓗ ᓴᙱᓂᑦᑖᑦᑎᑦᑎᒍᑎᒋᔭᐅᔪᓄᑦ”, ᐅᖃᓚᐅᒻᒪᑦ ᓯᐊᓪᓕ ᑎ ᑲᐅᕆᐊ, ᑐᖓᓕᐅᓗᓂ ᐊᖓᔪᖄᖑᑲᐃᓐᓇᑦᑎᑕᐅᔪᖅ, ᓂᐅᕕᐋᔅᓴᓂ, ᐊᑐᐃᓐᓇᐃᑎᑦᑎᕕᒻᒥ ᐊᒻᒪᓗ ᐱᔭᐅᑎᑕᐅᔪᓂᒻᒥ. “ᐃᓕᖅᑯᓯᒃᑯᑦ ᐋᖅᑭᔅᓯᒪᓂᐅᔪᑦ, ᓲᓪᓗ ᐃᓄᔅᓴᒃ, ᐱᒻᒪᕆᐋᓗᖏᓐᓇᒻᒪᑦ ᑲᓇᐃᑎᐊᓐ ᓄᐋᑦᑯᓐᓄᑦ ᐊᒡᓚᖁᑎᒋᔭᐅᓪᓗᓂ. ᐅᑭᐅᑦᑕᑦᑐᒻᒥ ᖃᖓᑕᓲᖁᑎᖃᑦᑎᐅᒐᑦᑕ ᓯᕗᓪᓕᐅᑎᓪᓗᑎᒍ. ᐊᓐᓄᕌᖃᑎᒋᓐᓂᕆᔭᕗᑦ ᓴᖅᑭᔮᑦᑎᑦᑎᒋᐋᖃᒻᒪᑦ ᑭᒃᑰᓂᕆᔭᑦᑎᓐᓂᒃ ᐊᒻᒪᓗ ᓇᒧᑦ ᖃᖓᑕᖃᑦᑕᓂᕆᔭᑦᑎᓐᓂᒃ.”
ᐃᓚᒋᔭᐅᒃᑲᓐᓂᓪᓗᑎᒃ, ᑲᓇᐃᑎᐊᓐ ᓄᐊᑦ ᐊᑐᑦᑕᐅᖁᔨᓕᒻᒪᑕ ᓄᓇᖃᖅᑳᒃᓯᒪᔪᓂᒃ ᑭᓱᖃᑦᑎᑦᑎᕙᑦᑐᓂᑦ ᓴᓇᖁᔨᓪᓗᑎᒃ ᐊᔾᔨᐅᖏᑦᑐᓂᒃ ᐃᓚᒃᑲᓐᓂᖏᓐᓂᒃ; ᐊᑎᖃᕕᓐᓂᒃ ᓂᕕᖓᑖᓂᒃ, ᖁᖓᓱᕈᓐᓂᒃ, ᖁᖓᓯᕈᔅᓯᒪᒍᑎᓂᒃ, ᐊᒻᒪᓗ ᐅᓕᑲᑖᓂᒃ, ᐅᐱᒍᓱᓪᓗᑎᒃ ᓴᖅᑭᔮᑦᑎᑦᑎᓗᑎᒃ ᐊᒻᒪᓗ ᑲᓱᔅᓯᒪᖃᑎᒌᓕᑦᑎᑦᑎᓗᑎᒃ ᑲᓇᐃᑎᐊᓐ ᓄᐊᑦᑯᑦ ᐃᓄᐃᑦ ᒪᙳᓪᓚᕆᐋᓗᖏᓐᓂᒃ.
“ᑕᒪᓐᓇ ᖁᕕᐋᓇᓚᕆᒻᒪᑦ ᐱᓕᕆᐊᒃᓴᖅ ᐅᕙᓐᓄᑦ ᐃᓅᓂᕆᔭᓐᓄᑦ ᐊᖓᔪᖄᖑᖃᑕᐅᓪᓗᖓ ᖃᖓᑕᓲᖁᑎᖃᕕᒋᔭᑦᑎᓐᓂᒃ. ᓂᕆᐅᑦᑎᐋᑉᐳᖓ ᐱᖃᑦᑕᓂᐋᓂᕆᔭᓐᓂᒃ ᑐᔅᓯᕋᐅᑎᒋᔭᐅᔪᓂᒃ ᐃᓘᓐᓇᓕᒫᖏᓐᓂᒃ ᓴᓇᑐᔪᐋᓗᓐᓂᒃ ᓴᓇᓯᒪᓂᓕᐅᖃᑦᑕᓐᓂᐋᑦᑐᓂᒃ ᐊᒻᒪᓗ ᓴᓇᙳᐋᑦᑎᐅᕙᑦᑐᓂᒃ ᖃᐅᔨᒪᔭᓐᓂᑦ ᓄᓇᓕᓐᓃᒻᒪᑕ ᐅᕙᒍᑦ ᐱᔨᔅᓯᖃᑦᑕᑦᑕᖏᓐᓂ,” ᐅᖃᑉᐳᖅ ᑎ ᑲᐅᕆᐊ.
ᑳᓐᑐᕌᒍᑎ(ᑦ) ᑐᓂᔭᐅᓂᐋᑦᑐᑦ ᑐᔅᓯᕋᐅᑎᓕᐅᔅᓯᒪᔪᒧᑦ(ᓄᑦ) ᐊᕿᒍᑎᓯᒪᑦᑎᐋᓐᓂᖅᐹᖑᔪᒧᑦ ᐱᓕᕆᐊᒃᓴᒧᑦ, ᐊᑦᑕᓐᓇᑦᑕᐃᓕᒪᓂᒻᒧᑦ, ᐊᒻᒪᓗ ᓴᓇᓯᒪᓂᖃᕆᐋᖃᑦᑎᑕᐅᓂᖏᓐᓄᑦ. ᑕᐃᒃᑯᓄᖓ ᐱᒍᒪᓂᖃᑦᑐᓄᑦ ᖃᐅᔨᒃᑲᓐᓂᕈᒪᒍᔅᓯ ᐊᑏ ᐅᕘᓇ ᓇᕿᓚᐅᕈᒃ ᑕᑯᖁᓪᓗᑎᑦ ᐃᓘᓐᓇᓕᒫᖏᓐᓂᒃ ᑐᔅᓯᕋᐅᑎᒥᒃ ᑐᔅᓯᕋᐅᑎᓕᐅᖁᔨᒍᑎᓂᒃ.
ᑲᓇᐃᑎᐊᓐ ᓄᐊᑦ ᐱᓕᕆᒍᒪᓪᓚᕆᒻᒪᑕ ᐃᑲᔪᕈᒪᓪᓗᑎᒃ ᐃᓄᓐᓂᒃ ᐊᒻᒪᓗ ᓄᓇᖃᖅᑳᒃᓯᒪᔪᓂ ᐃᓚᒌᑦᑐᓂᒃ, ᓄᓇᓕᓐᓂᒃ, ᐊᒻᒪᓗ ᓇᒻᒥᓂᖁᑎᓕᓐᓂᒃ ᐱᒐᓱᐋᕈᒪᔪᓂᒃ ᒪᑭᒪᒐᓱᐋᓐᓪᓂᒻᒥᒃ ᓇᒻᒥᓂᖅ−ᑕᑎᒋᓗᑎᒃ ᐊᒻᒪᓗ ᐱᕈᑉᐸᓪᓕᐋᓂᒻᒥᒃ. ᑲᓇᐃᑎᐊᓐ ᓄᐊᑦ ᐊᐅᓚᑕᐅᒻᒪᑦ ᐃᑉᐱᒍᓱᑦᑎᐋᓐᓂᒻᒧᑦ ᐃᓄᓐᓂᒃ ᐊᒻᒪᓗ ᓄᓇᖃᖅᑳᒃᓯᒪᔪᑦ ᐃᓕᖅᑯᓯᕆᕙᓚᐅᑦᑕᖏᓐᓂᒃ, ᐱᖅᑯᓯᖏᓐᓂᒃ, ᐊᒻᒪᓗ ᐃᓕᖅᑯᓯᖏᓐᓄᑦ, ᐊᒻᒪᓗ 100 ᐳᓴᓐᑎᖓ ᐃᓄᓐᓂᒃ ᓇᒻᒥᓂᕆᔭᐅᓪᓗᓂ.
ᑐᑭᓯᒋᐊᒃᑲᓐᓂᕈᒪᒍᑯᑦ ᐅᕝᕙᓘᓐᓃᑦ ᐱᕙᓪᓕᐊᔪᓕᕆᔨᓄᑦ ᑐᔅᓯᕋᐅᑎᓂᑦ, ᖃᐅᔨᒋᐊᕐᕕᒋᓗᒍ:
ᐊᓂ ᑖᒻᓕᓐᓴᓐ, ᐊᐅᓚᑦᑎᒡ, ᑐᓴᐅᒪᔾᔪᑎᓕᕆᓂᕐᒧᑦ
(343)551-0294
mediarelations@canadiannorth.com
About Canadian North:
Canadian North is a 100% Inuit-owned airline connecting people and delivers essential goods throughout Canada’s North – safely, reliably and always with friendly and caring customer service. Canadian North Airlines services 25 communities within the Northwest Territories, Nunavik and Nunavut, as well as Ottawa, Montreal, Edmonton – with a versatile fleet of Boeing 737, ATR 42 and ATR 72 Freighter aircraft. Canadian North is also the premier charter services provider for large resource sector clients requiring dependable, efficient and economical fly-in/fly-out air service and it operates flights across North America and beyond for sports teams, cruise lines, tour operators and many others. Canadian North is wholly-owned by Makivik Corporation and Inuvialuit Development Corporation, and has been in operation since 1946.
