ᐊᑐᓚᐅᖅᑐᓂ ᐊᕐᕌᒍᓂ, ᐋᖅᑭᒃᓯᓯᒪᓕᕋᑦᑕ ᒪᑭᑕᑦᑎᐊᕈᓐᓇᖅᑐᓂᒃ ᐊᑦᑕᓐᓇᖅᑕᐃᓕᒪᓂᒻᒧᑦ ᐊᐅᓚᑦᑎᓂᕐᒧᑦ ᐱᓕᕆᔾᔪᑎᒥᒃ (ᐊᑦᑕᓐᓇᖅᑕᐃᓕᒪᓂᒻᒧᑦ ᐊᐅᓚᑦᑎᒍᑎᑦ ᐱᓕᕆᔾᔪᑎᒃᑯᑦ [SMS]) ᐊᒻᒪᓗ ᑎᒥᖁᑎᐅᑉ ᐱᐅᓚᖅ ᐱᔭᐅᓂᐅᓴᑐᐃᓐᓇᖅᑎᑦᑎᔪᖅ (QA) ᐱᓕᕆᕕᖁᑎᓄᑦ ᑕᐃᒃᑯᓄᖓ ᐱᓕᕆᒍᒪᑦᑎᐊᖅᑐᓄᑦ ᖁᕝᕙᓯᓐᓂᖅᐹᒥᒃ ᐊᑦᑕᓐᓇᖅᑕᐃᓕᒪᓂᒻᒥᒃ ᐊᒻᒪᓗ ᐱᐅᓚᑦ ᐱᓕᕆᔾᔪᑎᓕᐊᕆᓯᒪᔪᓂᒃ ᐃᓚᓕᐅᑎᓯᒪᓗᑎᒃ ᑕᐃᒪᖓᓕᒫᖅ ᐱᐅᓂᖅᓴᐅᓕᖅᑎᑦᑎᒐᓱᐊᓐᓂᒻᒧᑦ. ᐊᑦᑕᓐᓇᖅᑕᐃᓕᒪᓂᒻᒧᑦ ᐊᒻᒪᓗ ᐱᐅᓚᖅ ᐊᑐᐊᒐᖁᑎᕗᑦ ᐊᒻᒪᓗ ᐱᓕᕆᔾᔪᓰᑦ ᓈᒻᒪᒻᒪᑕ ᐱᓕᕆᐋᖑᑦᑎᐊᕋᓱᒋᐊᖃᓂᖏᓐᓄᑦ ᓴᓇᕕᖁᑎᑦ ᒪᓕᒃᑕᐅᖁᔭᐅᖏᑦ ᐃᓚᒋᔭᐅᓪᓗᑎᒃ ᐊᑐᑦᑎᐊᖃᑦᑕᕋᑦᑎᒍ ᑎᒥᖑᖅᑎᑕᐅᓯᒪᔪᖁᑎᑦᑕ ᐱᒍᒥᓇᖅᑐᖁᑎᖏᑦ ᐊᑦᑕᓐᓇᖅᑕᐃᓕᒪᓂᒻᒧᑦ.

ᐱᓕᕆᕕᒃ ᐃᖃᓇᐃᔭᖅᑎᑦᑎᓲᖑᒻᒪᑦ ᐊᔪᖏᑦᑐᒻᒪᕆᐋᓗᓐᓂᒃ ᐱᓕᕆᒍᓐᓇᐅᑎᓕᓐᓂᒃ ᐊᒻᒪᓗ ᐃᖃᓇᐃᔭᖃᑦᑕᖅᓯᒪᓪᓗᑎᒃ ᑕᒻᒪᖅᓯᒪᔪᖅᓯᐅᓐᓂᒻᒥᒃ ᑕᐃᒃᑯᐊᓗ ᐱᓕᕆᖃᑦᑕᐃᓐᓇᓲᖑᓪᓗᑎᒃ ᐱᐅᓈᖅᓯᒪᔪᓂᒃ ᑕᒻᒪᖅᓯᒪᔪᖅᓯᐅᓐᓂᒻᒥ ᐱᓕᕆᓂᕆᔭᒻᒥᓐᓂᒃ ᐃᓗᐊᓂ ᐱᖓᓱᑦ ᐱᓪᓗᐊᑕᐃᑦ ᐊᐅᓚᓂᓕᕆᔭᐅᔪᓂᒃ ᐱᓕᕆᕕᓐᓂ – ᐋᖅᑭᐅᒪᑎᑦᑎᓂᒻᒥ ᐊᒻᒪ ᓴᓇᓯᒪᓂᓕᕆᓂᒻᒥ, ᖃᖓᑕᔪᑦ ᐊᐅᓚᔾᔪᑎᖏᓐᓂ ᐊᒻᒪᓗ ᑮᓇᐅᔭᓕᐅᕋᓱᐊᖅᑐᓂᒃ, ᐃᓚᒋᔭᐅᓪᓗᑎᒃ ᐊᔾᔨᒌᖏᑦᑐᓂᒃ ᓂᐅᕕᐊᒃᓴᖁᑎᖃᒃᑎᑦ ᐊᒻᒪᓗ ᐱᔨᑦᓯᕈᑎᖃᒃᑎᑦᑎᕙᒃᑐᓂᒃ.

ᑎᒥᖁᑎᑦᑕ ᐱᐅᓚᖅ ᐱᔭᐅᓂᐅᓴᑐᐃᓐᓇᖅᑐᖅ ᐊᒻᒪᓗ ᐊᑦᑕᓐᓇᖅᑕᐅᓕᒪᓂᕐᒧᑦ ᐊᐅᓚᑦᑎᓂᒻᒧᑦ ᐱᓕᕆᔾᔪᑎ ᐱᔭᐅᑎᑦᑎᒍᓐᓇᒻᒪᑦ ᐃᒻᒥᓂᖅᓱᖅᑐᑦ ᑕᒪᖅᓯᒪᔪᖅᓯᐅᓂᖏᓐᓂᒃ ᐋᖅᑭᐅᒪᑎᑦᑎᓂᒻᒥ, ᖃᖓᑕᔪᑦ ᐊᐅᓚᔾᔪᑎᖏᓐᓂᒃ ᐊᒻᒪᓗ ᐅᓯᔭᐅᔪᓂᒃ ᐊᒻᒪᓗ ᓄᓇᒥ ᐱᓕᕆᐊᖑᔪᓄᑦ ᐊᐅᓚᔾᔪᑎᓂᒃ.