ᐊᐃᕆᓕ 28, 2023, ᑲᓇᑕ, ᐊᓐᑎᐅᕆᔪ: ᑲᓇᐃᑎᐊᓐ ᓄᐊᑦ ᖃᖓᑕᓲᑎᓕᕆᔨᒃᑯᑦ ᐅᓪᓗᒥ ᑐᓴᖅᑎᑦᑎᓚᐅᖅᐅᑐᑦ ᓄᑖᑦ ᐊᐅᔭᒃᑯᑦ ᐃᓂᒃᓴᕆᓂᐊᖅᑕᖏᓐᓂᒃ, ᐃᓚᓯᓪᓗᑎᒃ ᐃᓂᖃᕈᓐᓇᕐᓂᖏᑕ ᐅᐱᕐᖔᖅ ᐊᒻᒪ ᐊᐅᔭᒃᑯᑦ. ᖃᖓᑕᓲᓕᕆᔨᒃᑯᑦ ᑐᕌᒋᔭᖃᖅᑐᑦ ᐱᐅᓂᖅᐹᒃᑯᑦ ᑭᒡᓕᖃᖅᑐᓂᒃ ᐊᒥᓲᓂᖏᑦ ᖃᖓᑕᐅᑎᓄᑦ ᐊᒻᒪ ᐃᒃᓯᕙᐅᑕᐃᑦ ᐊᙳᑎᒪᓂᐊᕐᓗᑎᒃ ᑎᓕᔭᐅᓯᒪᔪᑦ ᑕᒪᐃᓐᓂᑦ ᓄᓇᓕᓐᓄᑦ ᐱᔨᑦᑎᕋᕐᕕᒋᕙᒃᑕᒥᓂ.
ᑲᓇᐃᑎᐊᓐ ᓄᐊᑦᑯᑦ ᐱᕚᓪᓕᖅᓯᒪᔪᑦ ᐱᔨᑦᑎᕋᐅᑎᓄᑦ ᑕᒪᒃᑭᑲᓴᐃᑦ ᖃᖓᑦᑕᐅᑎᓕᕆᓂᕐᒧᑦ ᑐᓴᐅᒪᖃᑦᑕᐅᑎᓂᕐᒧᑦ, ᐊᒻᒪ ᐊᑕᐅᑦᑎᒃᑯᑦ ᐅᑎᖅᑐᓂ ᓄᖅᑲᙱᑦᑐᑎᒃ ᖃᖓᑕᓪᓗᑎᒃ ᐱᓪᓗᐊᑕᕐᓄᑦ ᓂᐅᕕᐊᒃᓴᓕᕆᓂᕐᒧᑦ ᖃᖓᑕᑎᑕᐅᔪᑦ ᑲᔪᓯᔪᓄᑦ ᐅᕝᕙᓘᓐᓃᑦ “ᑐᕌᒋᔭᑦ ᐱᔨᑦᑎᕋᐅᑎᑦ” ᐊᒎᑎᖏᑦ ᖃᖓᑕᓲᒧᑦ ᑐᓴᐅᒪᖃᑦᑕᐅᑎᓂᕐᒧᑦ. ᐃᓚᖏᑦ ᓄᓇᓖᑦ ᐊᒥᓲᙱᓐᓂᖅᓴᓂᒃ ᖃᖓᑕᓲᖃᕐᓂᐊᕋᓗᐊᖅᑎᓪᓗᒋᑦ, ᐃᑲᔫᑎᖃᕐᓂᐊᖅᑐᑦ ᐱᔨᑦᑎᕋᐅᑎᓂᒃ ᖃᖓᑕᓲᒥᒃ ᑲᑐᔾᔨᓗᑎᒃ 3 ᐅᕝᕙᓘᓐᓃᑦ 4−ᓂᑦ ᐊᓯᖏᓐᓂᒃ ᓄᓇᓕᓐᓄᑦ (ᑕᒪᓐᓇ ᓴᖅᑭᑎᑦᑎᒐᔪᒃᑐᖅ ᐊᒥᒐᖅᓯᓂᕐᒥᒃ ᐃᒃᓯᕙᐅᑕᓂᒃ ᐊᒻᒪ ᐅᓯᔭᐅᔪᓄᑦ ᐃᓗᓕᖃᕈᓐᓇᕐᓂᖏᑕ ᓄᓇᓕᓐᓄᑦ ᐊᐅᓚᓂᖏᑦ ᑲᔪᓯᔪᓄᑦ ᐅᕝᕙᓘᓐᓃᑦ “ᑐᕌᒋᔭᑦ ᐱᔨᑦᑎᕋᐅᑎᑦ”).
ᓄᑖᑦ ᖃᖓᑦᑕᐅᑎᖏᑦ ᐱᕚᓪᓕᕈᑕᐅᔪᖅ ᑲᔪᓯᓂᖃᑦᑎᐊᕈᓐᓇᖅᑐᓂᒃ ᐊᒻᒪ ᐅᖓᑖᓂ ᐃᓚᓯᓪᓗᓂ 8%−ᓂᒃ ᐃᓗᓕᖃᕈᓐᓇᕐᓂᖏᑕ ᐊᒻᒪ ᑲᓇᑕᓕᒫᒥ ᑲᓇᐃᑎᐊᓐ ᓄᐊᑦ ᑐᓴᐅᒪᖃᑦᑕᐅᑎᓕᕆᓂᕐᒧᑦ. ᐱᕕᖃᖅᑎᓐᓂᐊᖅᑐᖅ ᑲᓇᐃᑎᐊᓐ ᓄᐊᑦ ᐊᑐᑦᑎᖃᕐᓗᓂ ᖃᖓᑕᓲᓕᕆᔨᖏᓐᓂᒃ, ᐊᑐᕐᓂᖃᑦᑎᐊᖅᑐᓂ ᐱᒻᒪᕆᐅᔪᖅ ᒫᓐᓇ ᓴᓇᕝᕖᑦ−ᐊᑐᖅᑕᐅᔪᑦ ᖃᖓᑕᓲᓂᒃ ᐊᒥᒐᖅᓯᓗᐊᕐᓂᖏᓐᓄᑦ.
ᑐᑭᓯᒋᐊᒃᑲᓐᓂᕈᒪᒍᑯᑦ ᐅᕝᕙᓘᓐᓃᑦ ᐱᕙᓪᓕᐊᔪᓕᕆᔨᓄᑦ ᑐᔅᓯᕋᐅᑎᓂᑦ, ᖃᐅᔨᒋᐊᕐᕕᒋᓗᒍ:
ᐊᓂ ᑖᒻᓕᓐᓴᓐ, ᐊᐅᓚᑦᑎᒡ, ᑐᓴᐅᒪᔾᔪᑎᓕᕆᓂᕐᒧᑦ ᑲᓇᐃᑎᐊᓐ ᓄᐊᑦ ᖃᖓᑕᓲᓕᕆᔩᑦ mediarelations@canadiannorth.com
ᑲᓇᐃᑎᐊᓐ ᓄᐊᑦ ᒥᔅᓵᓄᑦ:
ᑲᓇᐃᑎᐊᓐ ᓄᐊᑦ 100% ᐃᓄᓐᓄᑦ ᓇᒻᒥᓂᕆ ᐅᔪᖅ ᖃᖓᑕᓲᓕᕆᔨ ᑲᑎᑦᑎᑦᑎᖃᑦᑕᖅᑐᑦ ᐃᓄᓐᓂᑦ ᐊᒻᒪ ᑐᓂᓯᓪᓗᑎ ᐱᑕᖃᕆᐊᖃᖅᑐᓂᑦ ᑭᓱᑐᐃᓐᓇᕐᓂᑦ ᑲᓇᑕᒥ ᐅᑭᐅᑕᖅᑐᖓᓂ – ᐊᑦᑕᓇᖏᑦᑐᒥᑦ, ᑐᓐᖓᕕᒋᔭᔅᓴᐅᔪᒥ ᐊᒻᒪ ᑐᓐᖓᓇᐃᓐᓇᖅᑐᑦ ᐊᒻᒪ ᑲᒪᑦᑎᐊᖅᑐᑦ ᓂᐅᕕᖃᑦᑕᖅᑐᓂᑦ ᐱᔨᑦᑎᖅᑕᓂᑦ. ᑲᓇᐃᑎᐊᓐ ᓄᐊᑦ ᖃᖓᑕᓱᑦ ᐱᔨᔅᓯᕈᑎᑦ 25 ᓄᓇᓕᓐᓄᑦ ᐃᓗᐋᓂ ᓄᓇᔅᓯᐊᑉ, ᓄᓇᕕᒃ ᐊᒻᒪᓗ ᓄᓇᕗᒻᒧᑦ, ᐃᓚᒋᔭᐅᓪᓗᑎᒃ ᐋᑐᕚ, ᒪᓐᑐᕆᐊᓪ, ᐃᐊᒻᒪᑕᓐ ᐊᒻᒪᓗ ᑳᐅᓪᒍᕆᒧᑦ ᐱᓕᕆᐊᑐᐊᖃᖏᓪᓗᓂ Boeing 737 ᐊᒻᒪᓗ ᐊᕕᒃᑐᖅᓯᒪᓂᕐᒥ ᐃᖏᕐᕋᔾᔪᑎ ᖃᖓᑕᓱᖅ ATR 42 ᖃᖓᑕᓱᖅ. ᑲᓇᐃᑎᐊᓐ ᓄᐊᑦ ᓯᕗᓕᖅᑎᐅᒻᒥᔪᑦ ᓵᑕᑦᑕᐅᔪᓂᑦ ᐱᔨᑦᑎᕋᖅᑎᐅᓪᓗᑎ ᐊᖏᔪᓄᑦ ᑭᓱᓕᕆᔨᓂᑦ ᐱᔨᑎᑦᑕᓂᑦ ᐱᔭᕆᐊᖃᖅᑐᓂᑦ ᑐᓐᖓᕕᒋᔭᔪᒥ, ᐊᐅᓚᓂᖃᑦᑎᐊᖅᑐᒥᑦ ᐊᒻᒪ ᑮᓇᐅᔭᖅᑐᓗᐊᖏᑦᑐᒥ ᑎᑭᖃᑦᑕᕐᓂᖏᓐᓄᑦ/ᐊᐅᓐᓚᖃᑦᑕᕐᓂᖏᓐᓄᑦ ᖃᖓᑕᓲᒃᑯᑦ ᐱᔨᑦᑎᖅᑕᐅᔪᓂᑦ ᐊᒻᒪ ᐊᐅᓚᓂᖃᖅᑎᑦᑎᔪᑦ ᖃᖓᑕᓲᓂᑦ ᒥᐊᓕᒐᓂ ᑲᓇᑕᒥᓗ ᐊᒻᒪ ᐅᖓᑖᓄᑦ ᐱᓐᖑᐊᖅᑎᓄᑦ, ᐅᒥᐊᕐᔪᐊᒃᑯᑦ ᐳᓚᕋᖅᑎᓄᑦ, ᐳᓚᕋᖅᑐᓕᕆᓂᕐᒧᑦ ᐊᐅᓚᑦᑎᔩᑦ ᐊᒻᒪ ᐊᒥᓱᖏᑦ ᐊᓯᖏᑦ. ᑲᓇᐃᑎᐊᓐ ᓄᐊᑦ ᓇᒻᒥᓂᕆᔭᐅᔪᖅ ᒪᑭᕝᕕᒃ ᑯᐊᐳᕇᓴᓐ ᐊᒻᒪ ᐃᓅᕕᐊᓗᐃᑦ ᐱᕙᓪᓕᐊᑎᑦᑎᓂᕐᒧᑦ ᑯᐊᐳᕇᓴᓐ.
