ᓯᑎᐱᕆ 19, 2023 – ᐋᑐᕚ, ᐊᓐᑎᐅᕆᔪ – ᑲᓇᐃᑎᐊᓐ ᓄᐊᑦ, ᐃᓄᓐᓂᒃ ᓴᓇᕕᖁᑎᒋᔭᐅᔪᖅ, ᐅᐱᒍᓱᓪᓗᓂ ᑐᓴᑦᑕᐅᑎᑦᑎᒻᒪᑦ ᑎᒃᑯᐊᑦᑕᐅᓂᖓᓂᒃ ᓯᐊᓕ ᑎ ᑲᕆᐊ ᑐᖓᓕᖅ ᐊᖓᔪᖄᖑᓕᓐᓂᖓᓂᒃ ᓂᐅᕕᐊᔅᓴᓕᕆᓂᒻᒥ, ᐊᑐᐃᓐᓇᐅᑎᑦᑎᓂᒻᒥ ᐊᒻᒪ ᓯᐊᒻᒪᑦᑎᑦᑎᓂᒻᒥ, ᐊᑐᓕᓪᓗᓂ ᐅᓪᓗᒥᒥᒃ. ᐃᓄᒃᑎᑐᑦ ᐊᐃᑉᐹᓂ ᐅᖃᓪᓚᒍᓐᓇᓪᓗᓂ, ᓯᐊᓕ ᖃᐅᔨᔭᐅᖁᔨᒻᒪᑦ ᑲᓇᐃᑎᐊᓐ ᓄᐊᑦᑯᑦ ᐱᓕᕆᒍᒪᓂᖓᓂᒃ ᓄᓇᓕᓐᓂᒃ ᐊᒻᒪᓗ ᐃᓄᐃᑦ ᓯᕗᓕᑦᑎᐅᓂᖏᓐᓂᒃ.
ᐱᔭᐅᑎᑦᑎᓪᓗᓂ ᐅᖓᑖᓂ ᖁᓕᑦ ᐊᕐᕌᒍᓂ ᐃᖅᑲᓇᐃᔭᖃᑦᑕᓯᒪᓪᓗᓂ ᐃᖅᑲᓇᐃᔭᓐᓂᒻᒧᑦ, ᓯᐊᓕ ᑰᔾᔪᐊᒥᐅᑕᐅᒻᒪᑦ, ᑯᐱᐊᒃ, ᐊᒻᒪᓗ ᐊᑑᑎᖃᓐᓂᑉᐹᒥᒃ ᐊᐅᓚᑦᑎᓯᒪᓪᓗᓂ ᐋᖅᑭᓱᐃᓪᓗᓂ ᓴᙱᔪᒥᒃ ᐱᓕᕆᖃᑎᖃᑦᑎᐊᓪᓗᓂ ᐱᖃᑦᑎᐅᖃᑕᐅᔪᓂᒃ ᐊᒻᒪᓗ ᐊᑭᓖᕙᑦᑐᓂᒃ ᐊᔾᔨᒌᑦᑎᓪᓗᓂᒋᑦ. ᐊᕐᓇᖅ ᐱᓕᕆᔨᒋᔭᐅᖃᑦᑕᓯᒪᒻᒪᑦ ᐱᒋᐊᑦᑎᑦᑎᔨᐅᓪᓗᓂ ᑲᓇᐃᑎᐊᓐ ᓄᐊᑦᑯᑦ ᓄᓇᓕᒻᒥ ᐊᑐᕈᒫᓂᐊᑦᑐᓕᐅᓐᓂᒻᒧᑦ ᐱᓕᕆᔾᔪᑎᓂᒃ, ᖃᐅᔨᒪᓇᑦᑐᖅ ᑲᓇᑕᒥ ᓂᓪᓕᓐᓂᒃ ᐱᓕᕆᒋᐊᕈᑎᓴᓕᕆᕕᐅᔪᒥ ᐊᒻᒪᓗ ᐱᓕᕆᐊᕆᔭᐅᒍᒪᔪᓂ ᐊᕐᕌᒍᑕᒪᑦ ᕿᑲᕆᐊᓪᓗᓂ ᐱᙳᐊᓂᒃ ᐱᔭᐅᒍᒪᔪᓂᒃ ᓱᕈᓯᓐᓄᑦ ᐅᖓᓯᑦᑐᓂ ᐊᒻᒪᓗ ᐅᑭᐅᑦᑕᑦᑐᒥ ᓄᓇᓕᓐᓂᒃ.
“ᓯᐊᓕ ᐱᔭᐅᑎᑦᑎᒻᒪ ᐃᖅᑲᓇᐃᔭᓚᐅᔅᓯᒪᓂᒻᒥᓄᑦ ᐃᓚᓕᐅᑎᑦᑎᐋᓪᓗᓂ ᓄᓇᓕᒥ ᑐᑭᓯᐊᓂᐊᖃᓐᓂᖓᓄᑦ ᐊᒻᒪᓗ ᐃᖅᑲᓇᐃᔭᑦᑎᓚᕆᐅᓂᒻᒧᑦ ᐱᓕᕆᑦᑎᐊᕈᓐᓇᓂᐅᔪᓂᒃ ᐃᓂᖃᓕᑦᑎᑕᐅᓪᓗᓂ ᐊᕐᓇᖅ ᓯᕗᓕᑎᓚᕆᐅᓪᓗᓂ ᑖᔅᓱᒪᓂ ᐃᖅᑲᓇᐃᔭᖓᓂ,” ᐅᖃᓚᐅᒻᒪᑦ ᒪᐃᑯ ᕈᑎᓂᐅᒃ, ᐊᖓᔪᖅᑳᒃ ᐊᖓᔪᖃᐅᑎᓂ ᐊᐅᓚᑦᑎᔨ ᑲᓇᐃᑎᐊᓐ ᓄᐊᑦᒥ. “ᑖᔅᓱᒪ ᐃᓄᓂᒃ ᑭᖑᙳᔾᔨᐅᓂᖓ ᐊᔪᖏᓐᓂᔅᓴᐅᓕᑦᑎᑦᑎᒻᒪᑦ ᐱᓕᕆᒍᒪᑦᑎᐊᓐᓂᖓᓂᒃ ᐱᔨᔅᓯᕈᒪᓪᓗᓂ ᓄᓇᓕᖁᑎᑦᑎᓐᓂᒃ, ᐱᒻᒪᕆᐋᓗᓕᓪᓗᓂ ᐱᓕᑦᑎᐊᓱᖑᓂᖓᓂᒃ ᑕᑯᒋᐊᕈᑦᑕ ᓯᕗᓂᔅᓴᑦᑎᓐᓄᑦ.”
“ᐊᔅᓱᐋᓗᒃ ᓇᑯᔅᓴᑦᑐᖓ ᐱᕕᓴᖃᓕᓐᓂᑦᑎᓐᓂᒃ ᐱᔨᔅᓯᖁᓪᓗᑕ ᑕᕝᕙᓂ ᓄᑖᒥ ᐃᖅᑲᓇᐃᔭᖑᔪᒥ ᐊᒻᒪᓗ ᐱᓕᕆᒍᒪᑦᑎᐋᑦᑐᖓ ᐱᓕᕆᐊᖑᒐᓱᒋᐋᖃᓐᓂᖏᓐᓂᒃ ᐊᒻᒪᓗ ᐱᓕᕆᒋᐊᕕᔅᓴᐅᓂᐊᑦᑐᓂ ᑕᐅᕙᓂ ᓯᕗᓂᑦᑎᓐᓃᑦᑐᓂᒃ. ᐃᓚᒋᓗᒋᑦ ᐱᓕᕆᒍᒪᑦᑎᐊᑦᑐᑦ ᑲᓇᐃᑎᐊᓐ ᓄᐊᑦᒥ, ᑲᔪᓯᓂᐊᕋᑦᑕ ᓴᙱᓂᓴᐅᓕᑦᑎᑦᑎᓗᑕ ᐱᓕᕆᖃᑎᖃᓂᕆᓲᑦᑎᓂᒃ ᓄᓇᓕᖁᑎᑦᑎᓐᓂᒃ,” ᐅᖃᑉᐳᖅ ᓯᐊᓕ ᑎ ᑲᕆᐊ, ᑲᓇᐃᑎᐊᓐ ᓄᐊᑦᑯᓐᓂ ᓄᑖᖑᓛᖅ ᑐᖓᓕᖓ ᐊᖓᔪᖃᒃ ᓂᐅᕕᐊᔅᓴᓕᕆᓂᒻᒥ, ᐊᑐᐃᓐᓇᐅᑎᑦᑎᓂᒻᒥ ᐊᒻᒪ ᓯᐊᒻᒪᑦᑎᑦᑎᓂᒻᒥ. “ᐊᔪᙱᑎᑕᐅᓂᐅᒻᒪᑦ ᐊᑐᕆᐊᖓᓂᒃ ᑕᒪᐅᓈᕝᕕᒃ ᐃᓅᓪᓗᓂ ᐊᕐᓇᒧᑦ, ᑕᒪᓐᓇᓗ ᓂᕆᐅᒋᕙᕋ ᐱᓕᕆᐊᕆᓗᒍ ᑐᑭᓯᒍᑎᒋᔭᐅᒍᓐᓇᓂᐋᑐᕆᓪᓗᒍ ᐊᓯᓕᒫᓐᓄᑦ.”
ᑲᓇᐃᑎᐊᓐ ᓄᐊᑦ ᐅᑉᐱᕈᓱᒪᑕ ᓯᐊᓕᐅᑉ ᑎᒃᑯᐊᑦᑕᐅᓂᖓ ᐃᑲᔪᓱᐃᓂᐊᑦᑐᕆᔭᐅᓪᓗᓂ ᑲᔪᓯᔪᒥᒃ ᐃᖅᑲᓇᐃᔭᕈᒪᓂᒻᒥᒃ ᐊᔪᓴᖏᓐᓂᖅᓴᐅᖁᓪᓗᒋᑦ ᐃᓅᓯᕆᔭᐅᔪᑦ ᓄᓇᓕᓐᓂᒃ ᐱᔨᔅᓯᑉᐸᑦᑕᑦᑎᓂ ᐊᒻᒪᓗ ᐃᑲᔪᓐᓂᖃᓐᓂᐊᓪᓗᓂ ᐅᑭᐅᑦᑕᑦᑐᒥ ᓯᕗᓕᔅᓯᔪᓂᒃ ᖃᖓᑕᓲᖁᑎᒋᔭᐅᔪᓂ ᓯᕗᓂᔅᓴᒥ ᐱᕈᑉᐸᓪᓕᐊᓂᐅᓂᐋᑦᑐᒥ ᐱᓕᕆᒋᐊᕈᑎᓴᐅᔪᓂ.
[ᑎᑎᕋᓯᒪᔪᒃᑯᕕᒻᒥ ᐊᔾᔨᙳᐊᖓ ᓯᐊᓕᐅᑉ ᑲᓇᐃᑎᐊᓐ ᓄᐊᑦ ᐊᔾᔨᓕᐅᔅᓯᒪᔭᖓ ᐊᐅᐸᑦᑐᒥᒃ ᓇᓴᓕᔅᓯᒪᑎᓪᓗᒍ]
ᑐᑭᓯᒋᐊᒃᑲᓐᓂᕈᒪᒍᑯᑦ ᐅᕝᕙᓘᓐᓃᑦ ᐱᕙᓪᓕᐊᔪᓕᕆᔨᓄᑦ ᑐᔅᓯᕋᐅᑎᓂᑦ, ᖃᐅᔨᒋᐊᕐᕕᒋᓗᒍ:
ᐋᓂ ᑖᒻᓕᓐᓴᓐ, ᐊᐅᓚᑦᑎᔨ, ᑐᓴᐅᒪᔾᔪᑎᓕᕆᓂᕐᒧᑦ
(343) 551-0294 mediarelations@canadiannorth.com
ᑲᓇᐃᑎᐊᓐ ᓄᐊᑦ ᒥᔅᓵᓄᑦ:
ᑲᓇᐃᑎᐊᓐ ᓄᐊᑦ 100% ᐃᓄᓐᓄᑦ ᓇᒻᒥᓂᕆ ᐅᔪᖅ ᖃᖓᑕᓲᓕᕆᔨ ᑲᑎᑦᑎᑦᑎᖃᑦᑕᖅᑐᑦ ᐃᓄᓐᓂᑦ ᐊᒻᒪ ᑐᓂᓯᓪᓗᑎ ᐱᑕᖃᕆᐊᖃᖅᑐᓂᑦ ᑭᓱᑐᐃᓐᓇᕐᓂᑦ ᑲᓇᑕᒥ ᐅᑭᐅᑕᖅᑐᖓᓂ – ᐊᑦᑕᓇᖏᑦᑐᒥᑦ, ᑐᓐᖓᕕᒋᔭᔅᓴᐅᔪᒥ ᐊᒻᒪ ᑐᓐᖓᓇᐃᓐᓇᖅᑐᑦ ᐊᒻᒪ ᑲᒪᑦᑎᐊᖅᑐᑦ ᓂᐅᕕᖃᑦᑕᖅᑐᓂᑦ ᐱᔨᑦᑎᖅᑕᓂᑦ. ᑲᓇᐃᑎᐊᓐ ᓄᐊᑦ ᖃᖓᑕᓲᓕᕆᓂᕐᒥᑦ ᐱᔨᑦᓯᕋᐅᑎᖃᖅᐸᑦᑐᑦ 25−ᓂᑦ ᓄᓇᓕᐅᔪᓂᑦ ᐃᓗᐊᓂ ᓄᓇᑦᓯᐊᖅ, ᓄᓇᕕᒃ ᐊᒻᒪ ᓄᓇᕗᑦ, ᐊᒻᒪᑦᑕᐅᖅ ᐋᑐᕚ, ᒪᓇᑐᕆᐊ, ᐃᐊᑦᒪᓐᑕᓐ – ᖃᖓᑕᓲᖁᑎᖃᖅᑐᑎᒃ Boeing 737, ᖃᖓᑕᓲᕋᓛᖑᓂᕐᓵᒃ ATR 42 ᐊᒻᒪ ATR 72 ᐅᓯᔩᒃ ᖃᖓᑕᓲᒃ. ᑲᓇᐃᑎᐊᓐ ᓄᐊᑦ ᓯᕗᓕᖅᑎᐅᒻᒥᔪᑦ ᓵᑕᑦᑕᐅᔪᓂᑦ ᐱᔨᑦᑎᕋᖅᑎᐅᓪᓗᑎ ᐊᖏᔪᓄᑦ ᑭᓱᓕᕆᔨᓂᑦ ᐱᔨᑎᑦᑕᓂᑦ ᐱᔭᕆᐊᖃᖅᑐᓂᑦ ᑐᓐᖓᕕᒋᔭᔪᒥ, ᐊᐅᓚᓂᖃᑦᑎᐊᖅᑐᒥᑦ ᐊᒻᒪ ᑮᓇᐅᔭᖅᑐᓗᐊᖏᑦᑐᒥ ᑎᑭᖃᑦᑕᕐᓂᖏᓐᓄᑦ/ᐊᐅᓐᓚᖃᑦᑕᕐᓂᖏᓐᓄᑦ ᖃᖓᑕᓲᒃᑯᑦ ᐱᔨᑦᑎᖅᑕᐅᔪᓂᑦ ᐊᒻᒪ ᐊᐅᓚᓂᖃᖅᑎᑦᑎᔪᑦ ᖃᖓᑕᓲᓂᑦ ᒥᐊᓕᒐᓂ ᑲᓇᑕᒥᓗ ᐊᒻᒪ ᐅᖓᑖᓄᑦ ᐱᓐᖑᐊᖅᑎᓄᑦ, ᐅᒥᐊᕐᔪᐊᒃᑯᑦ ᐳᓚᕋᖅᑎᓄᑦ, ᐳᓚᕋᖅᑐᓕᕆᓂᕐᒧᑦ ᐊᐅᓚᑦᑎᔩᑦ ᐊᒻᒪ ᐊᒥᓱᖏᑦ ᐊᓯᖏᑦ. ᑲᓇᐃᑎᐊᓐ ᓄᐊᑦ ᓇᒻᒥᓂᕆᔭᐅᔪᖅ ᒪᑭᕝᕕᒃ ᑯᐊᐳᕇᓴᓐ ᐊᒻᒪ ᐃᓅᕕᐊᓗᐃᑦ ᐱᕙᓪᓕᐊᑎᑦᑎᓂᕐᒧᑦ ᑯᐊᐳᕇᓴᓐ.
ᐃᓅᖃᑎᒋᓄᑦ ᓴᖅᑭᔭᑦᑎᑕᐅᔪᑦ:
ᑲᓇᐃᑎᐊᓐ ᓄᐊᑦ ᐅᐱᒍᓱᑦᑎᐊᒻᒪᑕ ᑐᓴᑦᑎᑦᑎᒋᐊᓴᖅ ᓯᐊᓕ ᑎ ᑲᕆᐊ ᓄᑖᖑᓛᕆᓪᓗᑎᒍ ᑐᖓᓕᖅ ᐊᖓᔪᖄᒃ ᓂᐅᕕᐊᔅᓴᓕᕆᓂᒻᒥ, ᐊᑐᐃᓐᓇᐅᑎᑦᑎᓂᒻᒥ ᐊᒻᒪ ᓯᐊᒻᒪᑦᑎᑦᑎᓂᒻᒥ. ᐱᔭᐅᓯᒪᒋᐋᖃᓚᕆᑦᑐᖅ ᐱᓕᕆᖃᑎᒋᑦᑐᓂ ᐃᓚᒋᔭᐅᔪᖅ ᐅᖓᑖᓄᑦ ᐊᕐᕌᒍᒐᓴᓐᓂ, ᓯᐊᓕ ᐃᓚᒋᐊᔅᓯᒻᒪᑦ ᐃᓄᐃᑦ ᓇᒻᒥᓂᖃᑦᑎᐅᔪᓂᒃ ᐊᒻᒪᓗ ᐱᓕᕆᒍᒪᑦᑎᐊᓐᓂᖓᓂᒃ ᓄᓇᓕᒻᒥ. ᑖᔅᓱᒪ ᐊᔾᔨᒌᖏᑦᑐᓄᑦ−ᑎᑭᐅᒪᓂᖏᑦ ᓯᕗᓕᑦᑎᐅᓂᒻᒧᑦ ᐱᔭᐅᒋᐋᖃᓚᕆᔅᓯᒪᒻᒪᑕ ᐊᔾᔨᒌᖏᑦᑑᑎᓂ ᓄᓇᓕᒻᒥ ᐱᒋᐊᑦᑎᑦᑎᓂᐅᔪᓂᒃ. ᐅᕙᑦᑎᓐᓂᒃ ᖁᕕᐊᓱᖃᑎᖃᓚᐅᕆᔅᓯ ᐱᕙᓪᓕᐋᒻᒪᕆᒋᐊᓕᓐᓂᖓᓂᒃ ᐊᒻᒪᓗ ᑲᓇᐃᑎᐊᓐ ᓄᐊᑦᑯᑦ ᐱᓕᕆᒍᒪᐃᓐᓇᓂᖓᓂ ᐱᐅᓂᓴᐅᓕᑦᑎᑦᑎᑎᓪᓗᒋᑦ ᓄᓇᓕᓐᓂᒃ ᐱᔨᔅᓯᖃᑦᑕᑦᑕᑦᑎᓐᓂᒃ. [ᑲᓱᕈᑎ ᐱᕙᓪᓕᐊᔪᓕᕆᓯᒪᔪᒧᑦ ᐱᒐᓴᐅᓕᑦᑎᑕᐅᓯᒪᔪᒧᑦ]
