ᐋᑐᕚ, ᐋᓐᑎᐅᕆᔪ – ᑲᓇᐃᑎᐊᓐ ᓄᐊᑦ, ᐃᓄᓐᓄᑦ ᓇᒻᒥᓂᕆᔭᐅᔪᖅ ᖃᖓᑕᓲᓕᕆᔩᑦ, ᐅᓪᓗᒥ ᑐᓴᖅᑎᑦᑎᔪᑦ ᓄᑖᒥᑦ ᐱᓕᕆᖃᑎᒌᖃᑎᖃᓂᕐᒥᑦ ᓂᐊᖁᒃᑯᑦ ᐋᓐᓂᐊᖅᑐᓕᕆᓂᕐᒧᑦ ᐊᒻᒪ ᐊᔪᓕᕈᑎᖃᓂᕐᒧᑦ ᐱᔨᑦᑎᖅᑕᓄᑦ ᐋᑐᕚᒥ (MHASO), ᐊᖏᓪᓕᒋᐊᖅᑕᐅᓗᑎ ᐱᔭᔅᓴᐅᓂᖏᑦ ᓂᐊᖁᒃᑯᑦ ᐋᓐᓂᐊᖅᑐᓕᕆᓂᕐᒧᑦ ᐊᒻᒪ ᐊᔪᓕᕈᑎᖃᓂᕐᒧᑦ ᐃᑲᔪᖅᑕᐅᓂᕐᒧᑦ ᐃᖅᑲᓇᐃᔭᖅᑎᓄᑦ. ᑖᓐᓇ ᐱᓕᕆᔭᐅᔪᖅ ᓴᓐᖓᑎᑦᑎᒋᐊᒃᑲᓂᖅᑐᖅ ᐃᑲᔪᖅᑕᐅᓂᕐᒧᑦ ᐊᑐᐃᓐᓇᐅᔪᓂᑦ ᑲᓇᐃᑎᐊᓐ ᓄᐊᑦ ᐃᖅᑲᓇᐃᔭᖅᑎᖏᓐᓄᑦ, ᐱᓕᕆᐊᖃᖅᑐᑎᑦ ᐱᒻᒪᕆᐅᔪᓂᑦ ᐱᔭᐅᔭᕆᐊᓕᓐᓂᑦ ᓄᓇᓕᓐᓂᑦ ᐱᔨᑦᑎᖅᑕᑎᓐᓂᑦ.

ᑕᕝᕘᓇ ᐱᓕᕆᖃᑎᒌᓐᓂᒃᑯᑦ, ᑲᓇᐃᑎᐊᓐ ᓄᐊᑦ ᐃᖅᑲᓇᐃᔭᖅᑎᖏᑦ ᐱᐅᓯᑎᒋᐊᖅᓯᒪᔪᓂᑦ ᐱᔪᓐᓇᓂᐊᖅᑐᑦ ᖃᐅᔨᓴᕐᓂᐅᔪᓄᑦ, ᐃᑲᔪᖅᑕᐅᓂᕐᒧᑦ, ᐊᒻᒪ ᒪᒥᓴᓂᕐᒧᑦ ᓂᐊᖁᒃᑯᑦ ᐋᓐᓂᐊᖅᑐᓕᕆᓂᕐᒧᑦ ᐊᒻᒪ ᐊᔪᓕᕈᑎᖃᓂᕐᒧᑦ ᐱᔾᔪᑕᐅᔪᓂᑦ. ᓂᐊᖁᒃᑯᑦ ᐋᓐᓂᐊᖅᑐᓕᕆᓂᕐᒧᑦ ᐊᒻᒪ ᐊᔪᓕᕈᑎᖃᓂᕐᒧᑦ ᐱᔨᑦᑎᖅᑕᓄᑦ ᐋᑐᕚᒥ ᖃᐅᔨᒪᓂᕆᔭᖏᑦ ᐱᑕᖃᖅᑎᑦᑎᓂᐊᖅᑐᑦ ᐱᔭᔅᓴᐅᔪᓂᑦ ᐊᒻᒪ ᐊᑐᕐᓂᖃᑦᑎᐊᖅᑐᓂ ᑲᒪᒋᔭᖃᓂᕐᒥᑦ, ᐊᑐᓕᕋᔅᓴᐅᔪᑦ ᐊᔾᔨᒌᖏᑦᑐᓄᑦ ᐱᔭᐅᔭᕆᐊᓕᓐᓄᑦ, ᓇᔪᖅᑕᐅᔪᒥᑦ ᐊᒻᒪ ᖃᕋᓴᐅᔭᒃᑯᑦ ᐃᑲᔪᖅᑕᐅᓂᕐᒧᑦ ᓇᓖᕌᕋᔅᓴᓂᑦ. ᑕᓐᓇ ᐱᓕᕆᔭᐅᔪᖅ ᐱᖃᓯᐅᔾᔨᓂᐊᕐᒥᔪᖅ ᓇᓖᕋᕋᒡᓴᓂᑦ ᑲᓇᐃᑎᐊᓐ ᓄᐊᑦ ᐃᖅᑲᓇᐃᔭᖅᑎᖏᓐᓄᑦ ᑐᕌᖅᑎᑕᐅᓗᑎ ᐱᓕᔨᑦᑎᖅᑕᐅᔪᓄᑦ ᐊᓯᖏᓐᓄᑦ ᓄᓇᓕᓐᓄᑦ ᓄᓇᓕᖏᓐᓂ.

“ᓂᐊᖁᒃᑯᑦ ᐋᓐᓂᐊᖅᑐᓕᕆᓂᖅ ᐊᑦᑐᐃᓂᖃᖅᑐᖅ ᐅᕙᑦᑎᓐᓂᓕᒫᖅ ᐊᒻᒪ ᓂᐱᖃᒐᔪᓐᓇᑎ,” ᐅᖃᖅᑐᖅ ᑲᓇᐃᑎᐊᓐ ᓄᐊᑦ ᐊᖏᔪᖅᑳᖓ ᐊᒻᒪ ᐃᖅᑲᓇᐃᔭᖅᑎᓄᑦ ᐊᖏᔪᖅᑳᖅ, ᓯᐊᓕ ᑎ ᑲᕆᐊ. “ᑖᓐᓇ ᐱᓕᕆᖃᑎᒌᖃᑎᖃᕐᓂᐅᔪᖅ ᓂᐊᖁᒃᑯᑦ ᐋᓐᓂᐊᖅᑐᓕᕆᓂᕐᒧᑦ ᐊᒻᒪ ᐊᔪᓕᕈᑎᖃᓂᕐᒧᑦ ᐱᔨᑦᑎᖅᑕᓄᑦ ᐋᑐᕚᒥ ᑭᒡᒐᖅᑐᐃᔪᑦ ᐱᒻᒪᕆᐅᔪᒥᑦ ᐱᓕᕆᐊᖑᓂᐊᖅᑐᒥᑦ ᐱᔪᓐᓇᐅᑎᑖᖅᑎᑦᑐᒋᑦ ᐃᖅᑲᓇᐃᔭᖅᑎᕗᑦ ᓂᐱᖃᖏᓐᓂᐅᔪᖅ ᐱᑕᖃᕈᓐᓃᑎᓪᓗᒍ ᐊᒻᒪ ᐱᓕᕆᐊᕆᓗᒋᑦ ᓂᐊᖁᒃᑯᑦ ᐋᓐᓂᐊᖅᑐᓕᕆᓂᕐᒧᑦ ᐊᒻᒪ ᐋᖓᔮᓇᖅᑐᓂᑦ ᐊᑐᖃᑦᑕᕐᓂᐅᔪᓂᑦ ᐃᓱᒫᓘᑕᐅᔪᑦ ᓄᓇᓕᑦᑎᓐᓂᑦ. ᑲᔪᖏᖅᓯᒪᓂᕆᔭᓄᑦ ᐱᑕᖃᖅᑎᑦᑎᓂᐊᖅᑐᑦ ᐱᔭᔅᓴᐅᔪᓂᑦ ᐊᒻᒪ ᑐᕌᖓᑎᑕᐅᔪᓂᑦ ᐃᑲᔪᖅᑕᐅᓂᕐᒧᑦ ᐅᕙᒍᑦ ᐃᖅᑲᓇᐃᔭᖅᑎᖏᓐᓄᑦ, ᐃᓱᒪᒋᓯᓐᓈᖅᑐᒋᑦ ᐱᔭᐅᔭᕆᐊᓖᑦ ᐃᓚᖏᓐᓄᑦ ᐊᒻᒪ ᓄᓇᓕᒻᒧᑦ.”

“ᐅᑭᐅᑕᖅᑐᒥ ᓄᓇᓖᑦ ᓴᓐᖏᔫᔪᑦ ᐱᖅᑯᓯᖏᑦ ᐊᒻᒪ ᑲᑎᓐᖃᒻᒪᕆᑦᑐᑦ ᓄᓇᓄ ᐊᕙᑎᖓᓄᑦ, ᑭᓯᐊᓂᓕ ᓴᓐᖓᑦᑎᖃᑦᑕᖅᑐᑦ ᐊᔅᓱᕈᕈᑕᐅᔪᓂᑦ ᐱᓇᓱᐊᖅᑐᒋᑦ ᓈᒻᒪᑦᑐᓂᑦ ᐊᒻᒪ ᑕᕝᕙᑦᑕᐅᑎᒋ ᓂᐊᖁᒃᑯᑦ ᐋᓐᓂᐊᖅᑐᓕᕆᓂᕐᒧᑦ ᐊᒻᒪ ᐊᔪᓕᕆᑎᖃᓂᕐᒧᑦ ᑭᓱᓕᕆᔾᔪᑎᓂᑦ,” ᐅᖃᖅᑐᖅ ᕋᐃᒪᓐ ᕗᐊᓕ, ᓂᐊᖁᒃᑯᑦ ᐋᓐᓂᐊᖅᑐᓕᕆᓂᕐᒧᑦ ᐊᒻᒪ ᐊᔪᓕᕈᑎᖃᓂᕐᒧᑦ ᐱᔨᑦᑎᖅᑕᓄᑦ ᐋᑐᕚᒥ ᐊᐅᓚᑦᑎᔨ ᐊᐅᓚᓂᖏᓐᓄᑦ, “ᐅᐅᕙᒎᓪᓗᑕ ᓂᐊᖁᒃᑯᑦ ᐋᓐᓂᐊᖅᑐᓕᕆᓂᕐᒧᑦ ᐊᒻᒪ ᐊᔪᓕᕈᑎᖃᓂᕐᒧᑦ ᐱᔨᑦᑎᖅᑕᓄᑦ ᐋᑐᕚᒥ ᐅᐱᒍᓱᑦᑐᒍᑦ ᑐᓴᖅᑎᑦᑎᓗᑕ ᑲᔪᖏᖅᓯᒪᓂᕗᑦ ᐅᓪᓗᒥ ᑲᓇᐃᑎᐊᓐ ᓄᐊᑦᑯᓐᓄᑦ, ᑲᔪᖏᖅᓯᒪᑦᑎᐊᖅᑐᑦ ᐃᖅᑲᓇᐃᔭᖅᑎᖏᑦ, ᐃᓚᖏᑦ, ᐊᒻᒪ ᓯᓚᐋᓃᑦᑐᑦ ᓄᓇᓖᑦ ᐃᑲᔪᖃᑦᑕᖅᑕᖏᑦ.”

ᑲᓇᐃᑎᐊᓐ ᓄᐊᑦ ᓱᕐᕋᔅᓯᒪᖏᑦᑐᑦ ᑲᔪᖏᖅᓯᒪᐃᓐᓇᖅᑐᑦ ᐃᑲᔪᕐᓂᖏᓐᓄᑦ ᖃᓄᐃᖏᑎᐊᕐᓂᖏᓐᓄᑦ ᐃᖅᑲᓇᐃᔭᖅᑎᖏᓐᓂ, ᐃᓚᖏᓐᓂ, ᐊᒻᒪ ᓄᓇᓖᑦ ᐱᔨᑦᑎᖅᑕᕗᑦ. ᑖᓐᓇ ᑲᔪᖏᖅᓯᒪᓂᐅᔪᖅ ᑎᑭᑦᑎᔪᑦ ᐱᑕᖃᖅᑎᑎᓪᓗᑎ ᐱᔭᔅᓴᐅᔪᓂᑦ ᐊᒻᒪ ᑐᕌᖓᓂᖃᖅᑐᓂᑦ ᓂᐊᖁᒃᑯᑦ ᐋᓐᓂᐊᖅᑐᓕᕆᓂᕐᒧᑦ ᐊᒻᒪ ᐊᔪᓕᕆᑎᖃᓂᕐᒧᑦ ᐃᑲᔪᖅᑕᐅᓂᕐᒧᑦ ᑭᒃᑯᓕᒫᓄᑦ, ᐱᔾᔪᑎᖃᓗᐊᖅᑐᑎᑦ ᐊᔾᔨᐅᖏᑦᑐᓂᑦ ᐱᔭᐅᔭᕆᐊᓕᓐᓂᑦ ᐃᓄᐃᑦ ᐊᒻᒪ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓂᑦ.

ᐃᕝᕕᑦ ᐅᕝᕙᓘᓐᓃᑦ ᐃᕝᕕᑦ ᖃᐅᔨᒪᔭᖓᓂ ᐊᑦᑕᓇᖅᑐᒦᑦᑐᖃᕈᓂ: ᒫᓐᓇᑦᑕᐅᑎᒋ ᐊᑦᑕᓇᖅᑐᒃᑯᕕᑦ ᐅᕝᕙᓘᓐᓃᑦ ᐱᔭᕆᐊᖃᕈᕕᑦ ᑐᐊᕕᕐᓇᖅᑐᒥᑦ ᐋᓐᓂᐊᖅᑐᓕᕆᓂᕐᒧᑦ ᐃᑲᔪᖅᑕᐅᓂᕐᒧᑦ, ᐅᖄᓚᓗᑎᑦ 9-1-1. ᐃᕝᕕᑦ ᐃᓱᒪᓐᓂᕈᕕᑦ ᐅᕝᕙᓘᓐᓃᑦ ᐊᓯᓐᓂ ᖃᐅᔨᒪᕕᑦ ᐃᓱᒪᐱᔭᖃᖅᑐᒥᑦ ᐃᒻᒥᓃᓂᕐᒧᑦ, ᐅᖄᓚᓗᑎᑦ ᐅᕝᕙᓘᓐᓃᑦ ᑎᑎᕋᕐᓗᑎ 9-8-8. ᐃᑲᔪᖅᑕᐅᓂᕐᖅ ᐊᑐᐃᓐᓇᐅᔪᖅ 24 ᑉᑲᕋᐃᑦ, 7 ᐅᓪᓗᐃᑦ ᐱᓇᓱᐊᕈᓯᕐᒥᑦ.

______________________________________________________________________

ᐱᕙᓪᓕᐊᔪᓕᕆᓂᒻᒧᑦ ᐅᖃᕕᓴᐅᔪᖅ

ᐋᓂ ᑖᒻᓕᓐᓴᓐ
ᐊᐅᓚᑦᑎᔨᒋᔭᐅᔪᖅ, ᑐᓴᕐᑐᓕᕆᓂᕐᒧᑦ
ᑲᓇᐃᑎᐊᓐ ᓄᐊᑦ
media@canadiannorth.com
(343) 551-0294

ᕋᐃᒪᓐ ᕗᐊᓕ
ᐊᓪᓚᕕᒻᒥ ᐊᖏᔪᖅᑳᖅ
ᓂᐊᖁᒃᑯᑦ ᐋᓐᓂᐊᖅᑐᓕᕆᓂᕐᒧᑦ ᐊᒻᒪ ᐊᔪᓕᕈᑎᖃᓂᕐᒧᑦ ᐱᔨᑦᑎᖅᑕᑦ ᐋᑐᕚᒥ
info@mhaso.ca
(613) 225-7272

___________________________________________________________________________

ᓇᓗᓇᐃᔭᖅᓯᒪᔪᑦ

• ᐱᐅᓯᑎᒋᐊᖅᑕᐅᓯᒪᔪᑦ ᐃᖅᑲᓇᐃᔭᖅᑎᓄᑦ ᐃᑲᔫᓯᐊᑦ: ᑖᓐᓇ ᐱᓕᕆᖃᑎᒌᓐᓂᐅᔪᖅ ᐃᓚᓕᐅᑎᔪᑦ ᐋᓐᓂᐊᖅᑐᓕᕆᓂᕐᒧᑦ ᐃᑲᔫᓯᐊᓂᑦ ᐊᑐᐃᓐᓇᐅᔭᕇᖅᑐᓄᑦ ᑲᓇᐃᑎᐊᓐ ᓄᐊᑦ ᐃᖅᑲᓇᐃᔭᖅᑎᖏᓐᓄᑦ, ᐊᖏᓪᓕᒋᐊᖅᑕᐅᓪᓗᓂ ᓂᖃᖁᒃᑯᑦ ᐋᓐᓂᐊᖅᑐᓕᕆᓂᕐᒧᑦ ᐊᒻᒪ ᐊᔪᓕᕈᑎᖃᓂᕐᒧᑦ ᐃᑲᔪᖅᑕᐅᓂᕐᒧᑦ ᐱᔨᑦᑎᖅᑕᐅᔪᓂᑦ.
• ᐱᔭᔅᓴᐅᔪᓐᓇᖅᑐᑦ ᑲᒪᒋᔭᐅᓂᕐᒧᑦ ᓇᓖᕌᕋᔅᓴᐃᑦ: ᑲᓇᐃᑎᐊᓐ ᓄᐊᑦ ᐃᖅᑲᓇᐃᔭᖅᑎᖏᑦ ᐊᑲᐅᔪᒃᑯᑦ ᐱᔪᓐᓇᖅᑕᖏᑦ ᐱᔨᑦᑎᖅᑕᐅᔪᑦ ᐃᕐᖏᓐᓈᕈᑎᒃᑯᑦ ᐊᒻᒪ ᖃᕋᓴᐅᔭᒃᑯᑦ ᑕᑯᔭᐅᕕᔅᓴᓕᐅᕐᓂᐅᔪᓂᑦ, ᐃᑲᔪᖅᑕᐅᖏᓐᓇᕐᓂᖅ ᐊᑐᐃᓐᓇᐅᓗᓂ ᓇᒦᓐᓂᖓ ᓇᒥᑐᐃᓐᓈᕋᓗᐊᕈᓂ.
• ᓂᐊᖁᒃᑯᑦ ᐋᓐᓂᐊᖅᑐᓕᕆᓂᕐᒧᑦ ᐊᒻᒪ ᐊᔪᓕᕈᑎᖃᓂᕐᒧᑦ ᐱᔨᑦᑎᖅᑕᓄᑦ ᐋᑐᕚᒥ ᐱᓯᑦᑎᖅᑕᖏᑦ ᐱᖃᓯᐅᔾᔨᔪᑦ:
  • ᓇᓗᓇᐊᖅᑐᓕᕆᓂᕐᒧᑦ ᐊᒻᒪ ᐊᔪᓕᕈᑎᖃᓂᕐᒧᑦ ᐱᔭᐅᔭᕆᐊᓕᓐᓂᑦ.
  • ᐃᑲᔪᖅᓯᓂᕐᒧᑦ ᐱᔨᑦᑎᖅᑕᐅᔪᑦ: ᐱᑕᖃᖅᑎᑎᓪᓗᑎ ᑕᒪᒃᑭᓐᓄ ᐃᓄᑐᐊᒡᒍᑎᓄᑦ ᑲᑎᓐᖓᔪᓄᑦ ᑲᑎᒪᓂᐅᔪᓂᑦ. ᐊᔾᔨᒌᖏᑦᑐᑦ ᒪᒥᓴᕐᓂᐅᔪᑦ ᓴᓇᓯᒪᓂᖃᖅᑐᑦ ᐱᓕᕆᐊᖃᕐᓗᑎ ᓇᓗᓇᐃᖅᓯᒪᔪᓄᑦ ᓂᐊᖁᒃᑯᑦ ᐋᓐᓂᐊᖅᑐᓕᕆᓂᕐᒧᑦ ᐊᔅᓱᕈᕈᑕᐅᔪᓂᑦ.
  • ᓯᓚᑐᔪᒥ ᒪᒥᓴᓂᕐᒧᑦ ᐱᓕᕆᐊᑦ: ᓱᓇᒃᑯᑖᖃᖅᑎᑦᑐᒋᑦ ᐃᖅᑲᓇᐃᔭᖅᑏᑦ ᐊᐅᓚᓂᖃᑦᑎᐊᖅᑐᒥ ᒪᒥᓴᓂᕐᒥᑦ ᐊᒻᒪ ᐊᑐᕈᓐᓇᓂᕐᒧᑦ ᐸᕐᓇᐅᑎᓂᑦ.
  • ᐊᑦᑕᓇᖅᑐᒦᓕᓂᕐᒧᑦ ᐊᐅᓚᑦᑎᓂᕐᒧᑦ ᐃᑲᔪᖅᑕᐅᓂᕐᒧᑦ: ᐃᑲᔪᖅᑕᐅᑦᑕᐅᑎᒋᓗᓂ ᑐᐊᕕᕐᓇᖅᑐᒥ ᓂᐊᖁᒃᑯᑦ ᐋᓐᓂᐊᖅᑐᓕᕆᓂᕐᒧᑦ ᖃᓄᐃᓕᖓᓂᐅᔪᓄᑦ.
  • ᓄᓇᓕᒻᒧᑦ−ᑐᕌᖓᓂᖃᖅᑐᑦ ᑐᐊᕕᕐᓇᖅᑐᓄᑦ ᐊᑦᑕᓇᖅᑐᒦᓕᓂᕐᒧᑦ ᐊᐅᓚᑦᑎᓂᕐᒧᑦ.
  • ᐃᓄᐃᑦ ᐊᕐᓇᓄᑐᐊᖅ ᐃᑲᔪᖅᑕᐅᓂᕐᒧᑦ ᑎᒥᐅᔪᑦ: ᐱᑕᖃᖅᑎᑎᓪᓗᑎ ᐱᖅᑯᓯᓄᑦ ᐊᑦᑐᖅᑕᐅᓴᕋᐃᑦᑐᓂᑦ ᐊᒻᒪ ᐊᑦᑕᓇᑦᑐᓂᑦ ᐃᓂᐅᔪᓂᑦ.
  • ᐃᓕᓐᓂᐊᑎᑦᑎᓂᕐᒧᑦ ᐱᓕᕆᐊᑦ: ᓲᕐᓗ ᐃᑉᐱᓐᓂᐊᔭᐅᔪᓄᑦ ᐃᓗᒃᑯᑦ CPR (ᑲᑎᓪᖓᓂᖃᕐᓂᖅ, ᐱᔪᓐᓇᐅᑎᑖᖅᑎᑦᑎᓂᖅ, ᐊᒻᒪ ᐱᔪᓐᓇᑲᓐᓂᓕᓂᕐᒧᑦ), ᐱᐅᓯᑎᒋᐊᕐᓗᒋᑦ ᐃᑉᐱᓐᓂᐊᔭᐅᔪᓂᑦ ᓴᓐᖏᔫᓂᕐᒧᑦ ᐊᒻᒪ ᐃᑲᔪᓂᕐᒧᑦ ᖃᐅᔨᒪᓂᐅᔪᑦ.
  • ᑐᕌᖓᑎᑕᐅᔪᑦ ᓴᓇᓯᒪᓂᖃᖅᑐᑦ ᐱᓕᕆᐊᓕᐅᕐᓂᖅ: ᑐᕌᖓᓂᖃᓗᐊᖅᑐᑦ ᓴᓇᓯᒪᓂᖓ ᓇᓕᒧᓐᓂᖃᕐᓗᑎ ᑲᓇᐃᑎᐊᓐ ᓄᐊᑦ ᐊᔾᔨᐅᖏᑦᑐᓂ ᐃᖅᑲᓇᐃᔭᖅᑎᖏᑦ ᐱᔭᕆᐊᖃᖅᑕᖏᓐᓂᑦ.

_________________________________________________________________________

ᐅᖃᐅᓯᖃᒃᑐᖅ ᑲᓇᐃᑎᐊᓐ ᓄᐊᑦᒥᒃ

ᑲᓇᐃᑎᐊᓐ ᓄᐊᑦ 100% ᐃᓄᓐᓄᑦ ᓇᒻᒥᓂᕆᔭᐅᔪᖅ ᖃᖓᑕᓲᓕᕆᔨ ᑲᑎᑦᑎᑦᑎᖃᑦᑕᖅᑐᑦ ᐃᓄᓐᓂᑦ ᐊᒻᒪ ᑐᓂᓯᓪᓗᑎ ᐱᑕᖃᕆᐊᖃᖅᑐᓂᑦ ᑭᓱᑐᐃᓐᓇᕐᓂᑦ ᑲᓇᑕᒥ ᐅᑭᐅᑕᖅᑐᖓᓂ – ᐊᑦᑕᓇᖏᑦᑐᒥᑦ, ᑐᓐᖓᕕᒋᔭᔅᓴᐅᔪᒥ ᐊᒻᒪ ᑐᓐᖓᓇᐃᓐᓇᖅᑐᑦ ᐊᒻᒪ ᑲᒪᑦᑎᐊᖅᑐᑦ ᓂᐅᕕᖃᑦᑕᖅᑐᓂᑦ ᐱᔨᑦᑎᖅᑕᓂᑦ. ᑲᓇᐃᑎᐊᓐ ᓄᐊᑦ ᖃᖓᑕᓲᖁᑎᖓᑕ ᐱᔨᔅᓯᓲᖑᒻᒪᑦ 25−ᓂᒃ ᓄᓇᓕᓐᓂᒃ ᐃᓗᐊᓂ ᓄᓇᑦᓯᐊᑉ, ᓄᓇᕕᒃ ᐊᒻᒪᓗ ᓄᓇᕗᒻᒥ, ᐃᓚᒋᔭᐅᓪᓗᓂ ᐋᑐᕚ, ᒪᓐᑐᕆᐊᓪ, ᐃᐊᒻᒪᑕ, ᑲᐃᓪᒍᕆ, ᐊᒻᒪᓗ ᒫᓐᓇ ᐃᓚᒋᐊᖅᓯᓕᕆᓪᓗᑎᒃ ᐱᔨᔅᓯᕈᑎᒥᓐᓂᒃ ᓅᒃᒧᑦ, ᐊᑯᑭᑦᑐᖅ ᒪᑯᑎᒎᓇ ᖃᖓᑕᕕᒋᓗᐋᑕᓱᖏᑎᒍ ᐱᓕᕆᖃᑎᖃᓪᓗᓂ ᖃᖓᑕᓱᖓᓂᒃ ᐊᑯᑭᑦᑐᒃᑯᑦ – ᐃᖏᕐᕋᑦᑎᐊᕈᓐᓇᑦᑐᑦ ᖃᖓᑕᓲᖁᑎᑦ ᕘᐃᖕ 737, ATR 42 ᐊᒻᒪᓗ ATR 72 ᐅᓯᔾᔪᑎ ᖃᖓᑕᓱᖅ. ᑲᓇᐃᑎᐊᓐ ᓄᐊᑦ ᓯᕗᓕᖅᑎᐅᒻᒥᔪᑦ ᓵᑕᑦᑕᐅᔪᓂᑦ ᐱᔨᑦᑎᕋᖅᑎᐅᓪᓗᑎ ᐊᖏᔪᓄᑦ ᑭᓱᓕᕆᔨᓂᑦ ᐱᔨᑎᑦᑕᓂᑦ ᐱᔭᕆᐊᖃᖅᑐᓂᑦ ᑐᓐᖓᕕᒋᔭᔪᒥ, ᐊᐅᓚᓂᖃᑦᑎᐊᖅᑐᒥᑦ ᐊᒻᒪ ᑮᓇᐅᔭᖅᑐᓗᐊᖏᑦᑐᒥ ᑎᑭᖃᑦᑕᕐᓂᖏᓐᓄᑦ/ᐊᐅᓐᓚᖃᑦᑕᕐᓂᖏᓐᓄᑦ ᖃᖓᑕᓲᒃᑯᑦ ᐱᔨᑦᑎᖅᑕᐅᔪᓂᑦ ᐊᒻᒪ ᐊᐅᓚᓂᖃᖅᑎᑦᑎᔪᑦ ᖃᖓᑕᓲᓂᑦ ᒥᐊᓕᒐᓂ ᑲᓇᑕᒥᓗ ᐊᒻᒪ ᐅᖓᑖᓄᑦ ᐱᓐᖑᐊᖅᑎᓄᑦ, ᐅᒥᐊᕐᔪᐊᒃᑯᑦ ᐳᓚᕋᖅᑎᓄᑦ, ᐳᓚᕋᖅᑐᓕᕆᓂᕐᒧᑦ ᐊᐅᓚᑦᑎᔩᑦ ᐊᒻᒪ ᐊᒥᓱᖏᑦ ᐊᓯᖏᑦ. ᑲᓇᐃᑎᐊᓐ ᓄᐊᑦ ᓇᒻᒥᓂᕆᔭᐅᔪᖅ ᒪᑭᕝᕕᒃ ᑯᐊᐳᕇᓴᓐ ᐊᒻᒪ ᐃᓅᕕᐊᓗᐃᑦ ᐱᕙᓪᓕᐊᑎᑦᑎᓂᕐᒧᑦ ᑯᐊᐳᕇᓴᓐ.

ᓂᐊᖁᒃᑯᑦ ᐋᓐᓂᐊᖅᑐᓕᕆᓂᕐᒧᑦ ᐊᒻᒪ ᐊᔪᓕᕈᑎᖃᓂᕐᒧᑦ ᐱᔨᑦᑎᖅᑕᓄᑦ ᐋᑐᕚᒥ ᒥᔅᓵᓄᑦ

ᑐᕌᒐᕆᔭᕗᑦ ᐱᑕᖃᖅᑎᑦᑎᓗᑕ ᐊᑕᐅᓯᒡᒍᑎᓂᑦ ᐃᓄᓐᓂᑦ ᐊᒻᒪ ᐃᓚᒌᓂᑦ ᖃᐅᔨᓴᕐᓂᐅᔪᓂᑦ, ᐃᑲᔪᓂᕐᒥᑦ, ᐊᒻᒪ ᒪᒥᓴᕐᓂᐅᔪᓂᑦ ᖃᐅᔨᒪᓂᖃᓕᕐᓗᑎ, ᑐᑭᓯᓗᑎ, ᐊᒻᒪ ᒪᒥᓴᕐᓗᑎ ᓂᐊᖁᒃᑯᑦ ᐋᓐᓂᐊᖅᑐᓕᕆᓂᕐᒧᑦ ᐊᒻᒪ ᐊᔪᓕᕈᑎᖃᓂᕐᒧᑦ ᐃᓱᒫᓘᑕᐅᔪᓂᑦ. ᐊᔅᓱᕈᖅᑐᑕ ᑎᑭᑦᑎᓇᓱᐊᖅᑐᒍᑦ ᐱᓕᕆᖃᑎᒋᓗᒋᑦ ᐅᑕᖏᕐᓗᒋᑦ ᑎᒥᐅᔪᑦ, ᐃᓄᐃᑦ, ᐊᒻᒪ ᐱᔨᑦᑎᕋᐅᑎᖃᖅᑎᑦᑎᔪᑦ ᐱᑕᖃᕆᐊᖃᖅᑐᑦ ᐱᔪᓐᓇᖅᑎᑕᐅᓗᓂ ᐱᐅᓛᓂᑦ ᖃᓄᐃᓐᓂᕆᔭᖏᓐᓂ ᑐᑭᑦᑎᓗᑎ ᐃᒻᒧᑦ ᑐᕌᒐᖏᓐᓂ. ᐱᔨᑦᑎᕋᖅᑕᐅᔪᑦ ᓂᐊᖁᒃᑯᑦ ᐋᓐᓂᐊᖅᑐᓕᕆᓂᕐᒧᑦ ᐊᒻᒪ ᐊᔪᓕᕈᑎᖃᓂᕐᒧᑦ ᐱᔨᑦᑎᖅᑕᓄᑦ ᐋᑐᕚᒥ ᐱᑕᖃᖅᑎᑕᐅᔪᖅ ᖃᐅᔨᒪᓂᖃᖅᑐᓄᑦ ᓘᑦᑖᑦ ᑲᒪᒋᔭᖃᖅᑐᑦ ᐱᔨᑦᑎᖅᑕᖏᓐᓂ ᐃᓚᒋᔭᐅᖃᑦᑕᖅᑐᑦ ᐃᓕᓐᓂᐊᖏᓐᓇᖃᑦᑕᓂᕐᒥᑦᐃᖅᑲ.