ᑲᓇᐃᑎᐊᓐ ᓄᐊᑦ, ᐅᑭᐅᑦᑐᒥ ᓯᕗᓕᔅᓯᔪᖅ ᖃᖓᑕᓱᖁᑎᖓ, ᐅᓪᓗᒥ ᓴᖅᑭᑎᑦᑎᒻᒪᑦ ᐱᔭᕇᒃᓯᒍᑎᖓᓂᒃ ᐸᕐᓇᒍᑎᓂᒃ ᐊᒋᓪᓕᒋᐊᔅᓯᒍᑎᒋᓗᒍ ᐱᐅᔪᐊᓗᒻᒥᒃ−ᑲᔾᔮᓐᓇᑦᑐᒥᒃ ᓄᓇᐅᑉ ᖃᓄᐃᓕᖓᓂᖓᓂᒃ ᐊᑯᑭᑦᑐᒥ. ᑖᓐᓇ ᐱᒋᐊᓐᓂᖅ ᑎᑎᔅᓯᒻᒪᑦ ᐱᒻᒪᕆᐋᓗᑉ ᐱᕙᓪᓕᐊᓕᓐᓂᖓᓂᒃ ᓯᕗᓪᓕᑉᐹᑦᑎᐊᕆᓪᓗᓂᐅᒃ ᓄᓇᕐᔪᐊᓕᒫᒥ ᖃᖓᑕᓂᐅᔪᓂᒃ, ᐱᒋᐊᓗᓂ ᓄᑖᒥᒃ ᐅᖃᓕᒫᒐᓕᐊᖑᓂᖓᓂᒃ ᐅᑭᐅᑦᑕᑦᑐᒥ ᑲᓱᖃᑦᑕᐅᑎᕕᒋᔭᐅᒍᓐᓇᑦᑐᒥᒃ. ᐱᒋᐊᑦᑎᑕᐅᓂᐋᓪᓗᓂ 2024−ᒥ, ᓄᑖᒥ ᓇᓪᓕᕉᑎᓂᒻᒥ ᖃᖓᑕᓂᐅᔪᖅ ᐊᐅᓚᓕᓐᓂᐋᒻᒪᑦ ᐱᒋᐊᓪᓗᓂ ᐋᑐᕚᒥᒃ ᓅᒃᒧᑦ, ᐊᑯᑭᑦᑐᒧᑦ, ᐃᑭᒋᐊᑦᑐᓂᐋᓪᓗᑎᒃ ᐃᖃᓗᓐᓂᒃ, ᐱᒋᐊᓪᓗᓂ ᔫᓂ ᑎᑭᓪᓗᒍ ᐅᒃᑑᐸ. ᑎᑭᕝᕕᐅᖃᑦᑕᕈᒪᓗᑎᑦ ᖃᐅᔨᒪᓂᐊᕋᕕᑦ ᐃᒃᓯᕚᕕᓴᐅᔪᑦ ᐱᒐᔅᓴᐅᓕᓐᓂᖏᓐᓂᒃ ᓂᐅᕕᐊᕆᒐᔅᓴᐅᓕᓪᓗᑎᒃ ᐱᒋᐊᓪᓗᓂ ᓄᑖᒥ ᐊᕐᕌᒍᒥ ᐅᕘᓇ flythearctic.ca/greenland.
ᑖᓐᓇ ᐱᒻᒪᕆᐋᓗᑉ ᐱᕙᓪᓕᐊᓕᓐᓂᖓ ᒪᑐᐄᔅᓯᓂᐋᒻᒪᑦ ᓄᑖᓂᒃ ᐱᒋᐊᕕᔅᓴᐅᔪᓂᒃ ᐊᐅᓪᓚᖃᑦᑕᑦᑐᓄᑦ ᕿᓂᑦᑐᓂᒃ ᑕᑯᒥᓇᓐᓂᖏᓐᓂᒃ ᐊᑯᑭᑦᑑᑉ ᐃᓕᖅᑯᓯᖏᑕ ᐃᓱᒪᓇᓐᓂᖏᓐᓂᒃ ᐊᒻᒪᓗ ᐃᓕᖅᑯᓯᒃᑯᑦ ᐊᔪᔅᓴᖏᓐᓂᐅᔪᓂᒃ. ᐃᖏᕐᕋᒋᐊᓕᓐᓂᖅ ᐱᒋᐊᓪᓗᓂ ᓅᒃᒥᑦ, ᐆᒻᒪᑎᖓᓂᒃ ᐊᑯᑭᑦᑑᑉ, ᐱᑕᖃᓐᓂᐊᓗᖏᓐᓂᒃ ᐊᖏᔫᑎᐊᓗᓐᓂᒃ ᑲᖏᑦᑐᓐᓂᒃ ᐊᒻᒪᓗ ᖃᖅᑳᓗᓐᓂᒃ. ᓅᒃ ᐃᓯᑦᑕᕕᒋᔭᐅᒻᒪᑦ ᐊᑯᑭᑦᑐᒧᑦ ᑲᔾᔮᓐᓇᑦᑐᐊᓗᓐᓄᑦ ᓄᓇ ᖃᓄᐃᑦᑐᓂᖏᓐᓄᑦ ᐊᒻᒪᓗ ᐊᔾᔨᐅᖏᑦᑐᒥᒃ ᖃᐅᔨᒋᐊᓐᓇᑦᑐᓂ. ᐃᒫᖑᒐᓗᐊᖅᑲᑕᓗᓂᑦ ᐊᕝᕕᓐᓂᒃ ᑕᑯᒋᐊᑦᑐᓪᓗᓂ ᑲᔾᔮᓐᓇᑦᑐᓂ ᐃᒪᐅᔪᓂ, ᐱᓱᒋᐊᑦᑐᓪᓗᓂ ᐱᓱᕕᐅᓯᒪᖏᑦᑐᒃᑯᑦ ᓄᓇᐃᓐᓇᒃᑯᑦ, ᐅᕝᕙᓘᓐᓃᑦ ᐊᒥᐊᑦᑐᕆᐊᑦᑐᓪᓗᓂ ᐃᑯᓪᓕᐊᑦᑐᒃᑯᑦ ᑕᔅᓴᐅᓗᓂ ᐅᓐᓄᐊᓗᐊᒃᑯᑦ ᓯᕿᓐᓂᑦᑎᓪᓗᒍ, ᐊᑯᑭᒃᑐᖅ ᐱᒐᓴᐅᑎᑦᑎᒻᒪᑦ ᐊᔪᓴᖏᓐᓂᐊᓗᐊᓂᒃ ᖃᐅᔨᒋᐅᓪᓗᓂ ᐅᑕᖅᑭᑐᐃᓐᓇᑦᑐᒥᒃ ᖃᐅᔨᒋᐅᑕᐅᒋᐊᑦᑐᓐᓂᒻᒥᒃ. ᑖᓐᓇ ᓄᑖᖅ ᐊᐅᓪᓚᕕᐅᓲᖅ ᑐᙵᓱᑦᑎᑦᑎᒻᒪᑦ ᐊᐅᓪᓚᑦᑎᐅᔪᓂᒃ ᑲᔾᔮᕈᓱᒋᐊᑦᑐᓪᓗᑎᒃ ᐊᑯᑭᑦᑐᑉ ᐊᔪᔅᓴᖏᓐᓂᖓᓂᒃ ᐃᓕᖅᑯᓯᐃᑦ ᐋᖅᑭᔅᓯᒪᖃᑎᒋᓂᖏᓐᓂᒃ, ᓂᐅᕈᓂᐅᔪᓂᒃ ᐳᐃᒍᕋᔅᓴᐅᒍᓐᓃᑦᑎᑦᑎᓪᓗᓂ ᐅᑭᐅᑦᑕᑦᑐᑉ ᑲᔾᔮᓐᓇᓐᓂᐋᓗᖏᓐᓂᒃ ᐊᒻᒪᓗ ᐊᓐᓂᕆᔭᐅᓂᖏᓐᓂᒃ ᐱᖅᑯᓯᕆᔭᐅᔪᑦ.
ᓄᑖᖅ ᓇᓪᓕᕉᑎᓂᒻᒥ ᐊᐅᓪᓚᓂᐅᔪᑦ ᓇᓗᓇᐃᔭᔅᓯᒻᒪᑦ ᐱᒋᐊᑎᑕᐅᕕᖓᓂᒃ 2024−ᒥ ᐊᑯᑭᑦᑐᒧᑦ:
| ᐱᒋᐊᓪᓗᓂ | ᑎᑭᓪᓗᒍ | ᐱᒋᐊᑦᑎᑕᐅᕕᖓ | ᐃᓱᓕᕝᕕᖓ |
| ᐋᑐᕚ (YOW), ᐃᖃᓗᐃᑦ (YFB) | ᓅᒃ (GOH) | ᔫᓂ 2024 | ᐅᒃᑑᐸ 2024 |
| ᓅᒃ (GOH) | ᐃᖃᓗᐃᑦ (YFB), ᐋᑐᕚ (YOW) | ᔫᓂ 2024 | ᐅᒃᑑᐸ 2024 |
| ᑰᔾᔪᐊᖅ (YVP), ᐃᖃᓗᐃᑦ (YFB) | ᓅᒃ (GOH) | ᔫᓂ 2024 | ᐅᒃᑑᐸ 2024 |
| ᓅᒃ (GOH) | ᐃᖃᓗᐃᑦ (YFB), ᑰᔾᔪᐊᖅ (YVP) | ᔫᓂ 2024 | ᐅᒃᑑᐸ 2024 |
ᖃᖓᑕᓱᒃᑰᓂᕆᔭᐅᔪᑦ ᐋᑐᕚᒥᑦ ᐊᒻᒪᓗ ᓅᒃ ᑲᓱᕝᕕᖃᒻᒪᑕ ᐃᖃᓗᓐᓂ. ᖃᐅᔨᒐᓱᓚᐅᒃᑭᑦ ᐱᔭᐅᖔᕈᓐᓇᑦᑐᑦ ᐊᐅᓪᓚᓐᓂᐅᔪᑦ ᐃᓗᐊᓂ ᐱᓕᕆᖃᑎᒌᕝᕕᒋᔭᑦᑕ ᐃᕝᕕᒃ ᐊᐅᓪᓚᓂᕆᔭᖓᓂᒃ ᐊᑯᑭᑦᑐᒧᑦ, ᓲᓪᓗ ᒪᑯᓇᙵᑦ ᑰᔾᔪᐊᒻᒥᑦ ᓅᒃᒧᑦ, ᐊᑯᑭᑦᑐᒧᑦ ᐃᑭᒋᐊᑦᑐᖔᕕᖃᓪᓗᑎᑦ ᐃᖃᓗᓐᓂ.
ᐱᒋᐊᑦᑎᑕᐅᓯᒪᓪᓗᓂ ᑕᐅᑐᒐᖃᑎᒌᓐᓂᐅᔪᓂᒃ ᐊᔪᖏᓐᓂᓴᐅᓕᑦᑎᑕᐅᖁᓪᓗᒍ ᐅᑭᐅᑦᑕᑦᑐᒻᒥᒃ ᑲᓱᑦᑎᑦᑎᕕᒋᔭᐅᒍᓐᓇᓐᓂᖓ, ᑲᓇᐃᑎᐊᓐ ᓄᐊᑦ ᐊᒻᒪᓗ ᖃᖓᑕᓱᖁᑎᖓᑕ ᐊᑯᑭᑦᑑᑉ ᐋᖅᑭᔅᓯᓯᒪᓪᓕᒻᒪᑕ ᐱᒻᒪᕆᐊᓗᒻᒥᒃ ᐱᓕᕆᖃᑎᒌᓂᐅᔪᒥᒃ ᒪᑯᑎᒍᓇ ᑲᖓᑕᕕᒋᔭᐅᖃᑦᑕᓱᑦ ᐊᖏᖃᑎᒌᒍᑎᖏᓐᓂᒃ. ᑖᓐᓇ ᐱᓕᕆᖃᑎᒌᒍᒪᓂᖅ ᐱᓕᕆᐊᕆᒐᓐᓂᔅᓯᑎᑦᑎᒻᒪᑦ ᑭᒡᓕᓕᔮᖏᑦᑐᒥᒃ ᐊᐅᓪᓚᓐᓂᒻᒥᒃ ᐅᑯᓇᓂ ᑲᓇᑕᒥ, ᓄᓇᕗᒻᒥ, ᐊᒻᒪᓗ ᐊᑯᑭᑦᑐᒻᒥ, ᐱᒍᓐᓇᔅᓯᑎᑕᐅᓪᓗᑎᒃ ᖃᖓᑕᓱᒃᑰᓐᓂᐊᑦᑐᑦ ᐃᓂᔅᓴᓕᐅᕈᓐᓇᓕᓪᓗᑎᒃ ᐊᑕᐅᓯᒻᒥ ᖃᖓᑦᑕᐅᑎᒥ, ᐱᑕᖃᓕᑦᑎᑦᑎᓪᓗᓂ ᐃᑲᔪᖃᑎᒌᒍᑎᖃᓕᑦᑎᑦᑎᓪᓗᓂ 2020−ᒥ ᐊᖏᖃᑎᒌᒍᑎᖓᓂᒃ ᐊᕕᒃᑐᔅᓯᒪᓂᖁᑎᒋᔭᑦᑎᓐᓂ. ᑐᕌᓯᒐᓱᐊᒻᒪᑦ ᐃᑲᔪᕈᒪᓪᓗᓂ ᐊᕕᒃᑐᔅᓯᒪᓂᒻᒥ ᑎᒥᖁᑎᒥᒃ, ᐊᑐᑦᑕᐅᓂᔅᓴᐅᑎᑦᑎᓗᓂ ᐃᓕᖅᑯᓯᒻᒥᒃ ᑐᑭᓯᐋᓂᒻᒥᒃ, ᐊᒻᒪᓗ ᐆᒻᒪᕈᕆᐊᑦᑐᐅᓗᓂ ᒪᑭᒪᒐᓱᐊᕈᑎᓂ ᐱᓕᕆᖃᑎᒌᓐᓂᒻᒥᒃ. ᐱᓕᕆᖃᑎᒌᑦᑎᐊᓐᓂᖏᑦ ᑲᓇᐃᑎᐊᓐ ᓄᐊᑦ ᐊᒻᒪᓗ ᖃᖓᑕᓲᖁᑎᖓ ᐊᑯᑭᑦᑐᒃᑯᑦ ᐱᔭᔅᓴᐅᓕᑦᑎᑦᑎᒻᒪᑦ ᓄᑖᒥᒃ ᐱᓕᕆᐊᕆᔭᐅᒍᓐᓇᑦᑐᓂᒃ ᑲᔪᓯᑎᑕᐅᓗᓂ ᐃᖅᑲᓇᐃᔭᖃᑎᒌᓂᕆᔭᐅᔪᖅ ᐊᒻᒪᓗ ᐱᕈᑦᑎᑕᐅᓂᖅ ᐅᑭᐅᑦᑕᑦᑑᑉ ᐊᕕᑦᑐᔅᓯᒪᓂᖓᓂ.
ᑖᓐᓇ ᐊᖏᓪᓕᒋᐋᓐᓂᖅ ᐊᔅᓲᓂᓴᐅᓕᑦᑎᑎᑐᐃᓐᓇᖏᒻᒪᑦ ᐳᓚᕋᓐᓂᒻᒥᒃ ᐊᑐᑦᑕᐅᒍᓐᓇᑦᑐᒥᒃ ᑭᓯᐊᓂᑦᑕᐅᖅ ᓴᙱᓂᓴᐅᓕᑦᑎᑦᑎᒻᒪᑦ ᑲᓇᐃᑎᐊᓐ ᓄᐊᑦ ᐱᓕᕆᒍᒪᓂᕆᔭᖓᓂᒃ ᑲᓱᑦᑎᑕᐅᖁᓪᓗᒋᑦ ᓄᓇᓖᑦ ᐊᒻᒪᓗ ᐊᔪᖏᓐᓂᓴᐅᓕᑦᑎᑕᐅᓗᑎᒃ ᓇᓕᐋᓐᓄᐋᕈᓐᓇᓐᓂᕆᔭᐅᔪᑦ ᐃᓗᐊᓂ ᑖᔅᓱᒪ ᐱᐅᓴᓗᐊᓕᑦᑎᑦᑎᔫᑉ ᐊᕕᑦᑐᓯᒪᓂᐅᔪᑉ. ᓄᑖᖅ ᖃᖓᑕᕕᐅᖃᑦᑕᑦᑐᖅ ᐊᑯᑭᑦᑐᒧᑦ ᑕᑯᓴᐅᓕᑦᑎᑦᑎᒻᒪᑦ ᑲᓇᐃᑎᐊᓐ ᓄᐊᑦ ᐱᓕᕆᒍᒪᓂᕆᔭᖓᓂᒃ ᐊᑐᕈᒪᓪᓗᓂ ᑲᓱᑦᑎᑦᑎᒍᒪᓂᒻᒥᒃ ᐊᒻᒪᓗ ᐃᓕᖅᑯᓯᒃᑯᑦ ᑕᐅᔅᓰᖃᑎᒌᓐᓂᒻᒥᒃ, ᓴᖅᑭᑎᑦᑎᓗᓂ ᐱᓕᕆᒋᐊᕕᔅᓴᒃᑲᓂᐅᔪᓂᒃ ᖃᐅᔨᔭᐅᒍᓐᓇᑦᑐᓂᒃ ᐊᒻᒪᓗ ᐱᓕᕆᖃᑎᒌᓐᓂᐅᔪᓂᒃ ᐃᓘᓐᓇᓕᒫᖓᓂ ᐅᑭᐅᑦᑕᑦᑑᑉ. ᑎᑭᕝᕕᐅᖃᑦᑕᕈᒪᓗᑎᑦ ᖃᐅᔨᒪᓂᐊᕋᕕᑦ ᐃᒃᓯᕚᕕᓴᐅᔪᑦ ᐱᒐᔅᓴᐅᓕᓐᓂᖏᓐᓂᒃ ᓂᐅᕕᐊᕆᒐᔅᓴᐅᓕᓪᓗᑎᒃ ᐱᒋᐊᓪᓗᓂ ᓄᑖᒥ ᐊᕐᕌᒍᒥ ᐅᕘᓇ flythearctic.ca/greenland.
“ᐱᒋᐊᑦᑎᑕᐅᓂᖓ ᑖᔅᓱᒪ ᓄᑖᑉ ᓇᓪᓕᕉᑎᓂᒻᒥ ᖃᖓᑕᕕᒋᔭᐅᖃᑦᑕᓂᐊᒃᑑᑉ ᓴᖅᑭᑎᑕᐅᓯᒪᒻᒪᑦ ᐃᖅᑲᓇᐃᔭᖃᑎᒌᓐᓂᒻᒧᑦ ᐊᖏᖃᑎᒌᒍᑎᒧᑦ ᓴᓇᔭᐅᓚᐅᑦᑐᒧᑦ 2020−ᒥ, ᐊᔪᖏᓐᓂᓴᐅᓕᑦᑎᑦᑎᓪᓗᓂ ᑲᓱᖃᑎᒌᓐᓂᐅᔪᒥᒃ ᒪᑯᓇᙵᑦ ᑲᓇᑕᒥᒃ, ᓄᓇᕗᒻᒥᒃ, ᐊᒻᒪᓗ ᐊᑯᑭᒃᑐᒻᒥᒃ. ᐊᔅᓱᐋᓗᒃ ᓇᑯᔅᓴᒻᒪᕆᑦᑐᒍᑦ ᖃᖓᑕᓱᖁᑎᖏᓐᓂᒃ ᐊᑯᑭᑦᑐᒃᑯᑦ ᐱᓕᕆᖃᑎᖃᓕᓐᓂᖏᓐᓄᑦ,” ᐅᖃᓚᐅᒻᒪᑦ ᔮᓂ ᐋᑕᒥ, ᑲᓇᐃᑎᐊᓐ ᓄᐊᑦ ᐊᖓᔪᖃᐅᑎᑦ ᐃᒃᓯᕙᐅᑕᖓ ᑲᑎᒪᔨᖏᑕ ᑐᑭᒧᐊᑦᑎᑦᑎᔨᑦ. “ᑖᓐᓇ ᐱᒋᐊᑦᑎᑦᑎᓂᖅ ᓴᕿᑎᑦᑎᒻᒪᑦ ᐅᕙᒍᑦ ᑕᐅᑐᒐᖃᑎᖃᓐᓂᕆᔭᑦᑎᓂᒃ ᐱᕙᓪᓕᐊᑎᑦᑎᓂᒻᒥᒃ ᐊᔪᔅᓴᖏᑦᑐᒥᒃ ᐃᓕᖅᑯᓯᒻᒥᒃ ᑕᐅᓰᖃᑎᖃᖁᓪᓗᒋᑦ ᐃᓗᐊᓂ ᑲᓇᑕᐅᑉ, ᓄᓇᕗᑦ, ᐊᒻᒪᓗ ᐊᑯᑭᒃᑐᑉ, ᐊᒻᒪᓗ ᓂᕆᐅᑦᑎᐊᑐᒍᑦ ᑐᙵᓱᑦᑎᑦᑎᒍᒪᓪᓗᑕ ᐊᐅᓪᓚᑦᑎᐅᔪᓂᒃ ᐱᓕᕆᖃᑎᒋᔭᐅᖁᓪᓗᒋᑦ ᑕᐅᔅᓰᖃᑎᒌᓐᓂᒻᒥᒃ, ᐊᔪᔅᓴᖏᓐᓂᓴᐅᓕᑦᑎᑕᐅᓗᑎᒃ ᐃᓅᓯᒻᒥᓂ ᐊᔾᔨᒌᖏᑦᑐᓂ ᐊᒻᒪᓗ ᐊᔾᔨᐅᖏᑦᑐᓂ ᐱᖅᑯᓯᕆᔭᐅᔪᓂ ᐱᐅᓴᓗᐊᓕᑦᑎᑦᑎᔪᓂᒃ ᐊᕕᑦᑐᓯᒪᓂᐅᔪᓂ.”
“ᑖᔅᓱᒧᖓ ᓯᕗᓪᓕᑉᐹᑦᑎᐊᖑᔪᒧᑦ, ᑲᓇᐃᑎᐊᓐ ᓄᐊᑦ ᐊᖏᓪᓕᒋᐋᑦᑎᑦᑎᓕᒻᒪᑦ ᓄᓇᕐᔪᐊᓕᒫᒥ ᐱᐅᔪᐊᓗᒻᒥᒃ−ᑲᔾᔮᓐᓇᑦᑐᒥᒃ ᓄᓇᐅᑉ ᖃᓄᐃᓕᖓᓂᖓᓂᒃ ᐊᑯᑭᑦᑐᒥ. ᐃᔅᓯᕙᐅᑕᐃᑦ ᐊᑭᑭᓪᓕᒋᐋᔅᓯᒪᓂᐊᑦᑎᓪᓗᒋᑦ ᓄᑖᒥ ᐊᕐᕌᒍᒥ, ᐅᑕᖅᑭᑦᑎᐊᕋᓱᐊᖁᒍᑦ ᐱᓕᕆᒋᐊᕕᔅᓴᒥᒃ ᑐᙵᓱᑦᑎᑦᑎᒍᒪᓪᓗᑕ ᐊᐅᓪᓚᑎᐅᔪᓂᒃ ᓄᑖᒥᒃ ᖃᐅᔨᒋᐅᓂᐅᔪᒥ,” ᐅᖃᓚᐅᒪᑦ ᓯᐊᓕ ᑎ ᑲᕆᐊ, ᑲᓇᐃᑎᐊᓐ ᓄᐊᑦ ᐊᖓᔪᖄᕆᑲᐃᓐᓇᑦᑕᖓ ᐊᒻᒪᓗ ᐊᖓᔪᖅᑳᒃ ᐊᖓᔪᖃᐅᑎᓂ ᐊᐅᓚᑦᑎᔨ. “ᖃᐅᔨᒋᐅᐸᓪᓕᐊᒍᓐᓇᒻᒪᑕ ᐃᓱᓕᒍᓐᓇᖏᓐᓂᖏᓐᓂᒃ ᐱᐅᓂᖏᑕ ᐊᒻᒪᓗ ᐊᔪᔅᓴᖏᓐᓂᖏᓂᒃ ᐃᓕᖅᑯᓯᒃᑯᑦ ᐃᑦᑕᓂᓴᒥᓂᑦ ᐃᓘᓐᓇᖏᓐᓂ ᑕᒪᒃᑯᐊ ᐱᐅᓴᓗᐊᓕᑦᑎᑦᑎᔪᑦ ᐊᕕᑦᑐᓯᒪᓂᐅᔪᑦ. ᐱᓕᕆᒍᒪᒐᑦᑕ ᐊᔪᓐᓇᕈᓐᓃᑦᑎᒍᒪᓪᓗᑎᒍ ᐅᑭᐅᑦᑕᑦᑐᖅ ᐅᐸᒐᔅᓴᐅᓂᓴᐅᓕᑦᑎᓪᓗᑎᒍ, ᖃᐃᖁᔭᐃᓐᓇᕆᓗᒋᑦ ᐃᓘᓐᓇᑎᒃ ᖃᐅᔨᒋᐅᖁᓗᒋᑦ ᐊᔾᔨᐅᖏᑦᑐᓂᒃ ᐃᓱᒪᓕᕈᑎᓂᒃ ᑕᑯᕕᔅᓴᐅᓂᕆᔭᖏᓐᓂᒃ.”
“ᐃᓕᓴᔅᓯᒐᑦᑕ ᓴᙱᔪᓂᒃ ᐱᒍᒪᓂᐅᔪᓂᒃ ᐊᔪᖏᓐᓂᓴᐅᓕᑦᑎᑦᑎᒍᑎᒋᔭᐅᒍᒪᔪᓂᒃ ᑎᒥᖁᑎᐅᔪᓂᒃ ᐅᑯᓇᓂ ᓄᓇᕗᑦ ᐊᒻᒪᓗ ᐊᑯᑭᑦᑐᖅ. ᐱᓯᒪᔅᓯᓂᐊᓪᓗᓂ ᐅᖃᖃᑎᒌᖏᓐᓇᓐᓂᐅᔪᒥᒃ, ᐃᓕᖅᑯᓯᒻᒥᒍᑦ ᐱᓕᕆᒋᐊᓂᐅᔪᖅ ᐋᖅᑭᔅᓯᒐᓱᐊᓪᓗᓂ ᖃᖓᑕᕕᒋᔭᐅᓱᒥᒃ ᓴᓂᓪᓕᑦᑎᐊᕆᔭᑦᑎᓐᓄᑦ ᑲᓇᑕᒥᑦ,” ᐅᖃᓚᐅᒻᒪᑦ ᔭᐃᑯᐱ ᓂᑦᑎᕐ ᓱᕆᓐᓯᓐ, ᖃᖓᑕᓱᖏᑦ ᐊᑯᑭᑦᑑᑉ ᐊᖓᔪᖅᑳᒃ ᐊᖓᔪᖃᐅᑎᓂ ᐊᐅᓚᑦᑎᔨ. “ᐅᑉᐱᕈᓱᒃᑲᑦᑕ ᑕᓐᓇ ᐋᖅᑭᔅᓯᓂᐊᑦᑐᕆᓪᓗᑎᒍ ᓴᙱᔪᐋᓗᒻᒥᒃ ᑐᙵᕕᐅᔪᒥᒃ ᐃᑲᔪᑦᑕᐅᖁᓪᓗᒋᑦ ᐊᒥᓱᑦ ᐱᑕᖃᓐᓂᖏᑦ ᓇᒻᒥᓂᖁᑏᑦ, ᒐᕙᒪᓕᕆᓂᑦ, ᐊᒻᒪᓗ ᐃᓕᖅᑯᓯᒃᑯᑦ ᑲᓱᔅᓯᒪᖃᑎᒋᓐᓃᑦ.”
ᓇᓗᓇᐃᔭᖅᓯᒪᔪᑦ
- ᑲᓇᐃᑎᐊᓐ ᓄᐊᑦ ᐱᒋᐊᑦᑎᑦᑎᓕᒻᒪᑦ ᓯᕗᓪᓕᑉᐹᑦᑎᐊᕆᓪᓗᓂᐅᒃ ᓄᓇᕐᔪᐊᓕᒫᒥ ᖃᖓᑕᓂᒻᒥᒃ ᐱᒋᐊᑦᑎᑦᑎᓪᓗᓂ 2024−ᒥ. ᑕᒪᓐᓇ ᓄᑖᖅ ᓇᓪᓕᕈᑎᓂᒃᑯᑦ ᖃᖓᑕᕕᒋᔭᐅᓱᖅ ᐊᐅᓚᓂᖃᓐᓂᐊᒻᒪᑦ ᐱᒋᐊᓪᓗᓂ ᔫᓂ ᑎᑭᓪᓗᒍ ᐅᒃᑑᐸ.
- ᖃᖓᑕᕕᒋᔭᐅᓱᖅ ᐊᐅᓚᓂᖃᓐᓂᐊᒻᒪᑦ ᐱᒋᐊᓪᓗᓂ ᐋᑐᕚᒥᒃ (YOW), ᐃᑭᒋᐊᒃᑐᕈᓐᓇᒻᒥᓗᓂ ᐃᖃᓗᓂᒃ (YFB), ᓅᒃᒧᐊᕋᓱᐊᓪᓗᓂ (GOH), ᐊᑯᑭᑦᑐᒧᑦ, ᐊᒻᒪᓗ ᐅᑎᒧᖔᕋᓗᐊᓪᓗᓂ. ᑎᑭᕝᕕᐅᖃᑦᑕᕈᒪᓗᑎᑦ ᖃᐅᔨᒪᓂᐊᕋᕕᑦ ᐃᒃᓯᕚᕕᓴᐅᔪᑦ ᐱᒐᔅᓴᐅᓕᓐᓂᖏᓐᓂᒃ ᓂᐅᕕᐊᕆᒐᔅᓴᐅᓕᓪᓗᑎᒃ ᐱᒋᐊᓪᓗᓂ ᓄᑖᒥ ᐊᕐᕌᒍᒥ ᐅᕘᓇ ca/greenland.
- ᖃᐅᔨᒋᐅᕋᓱᐊᓪᓗᒋᑦ ᐱᔭᐅᖔᕈᓐᓇᑦᑐᑦ ᖃᖓᑕᕕᐅᓱᑦ ᐃᓗᐊᓂ ᐱᔨᕆᖃᑎᒋᕝᕕᒋᔭᑦᑕ ᐊᐅᓪᓚᕕᒋᔭᓐᓄᑦ ᐊᑯᑭᑦᑐᓄᑦ, ᓲᕐᓗ ᒪᑯᓇᓂ ᑰᔾᔪᐊᖅ (YVP), ᑕᐅᕗᖓ ᓅᒃᒧᑦ, ᐊᑯᑭᑦᑐᓄᑦ ᐊᐅᓪᓚᕆᐊᒃᑐᒻᒥᓗᓂ ᐃᖃᓗᓐᓂᒃ.
- ᑲᓇᐃᑎᐊᓐ ᓄᐊᑦ ᐊᒻᒪᓗ ᖃᖓᑕᓱᖓ ᐊᑯᑭᑦᑐᒃᑯᑦ ᐋᖅᑭᔅᓯᓯᒪᓕᕐᖓᑕ ᐱᒻᒪᕆᐋᓗᒻᒥᒃ ᐱᓕᕆᖃᑎᒌᓐᓂᒻᒥᒃ ᖃᖓᑕᕕᒋᓪᓗᐊᑕᓱᖏᑕ ᐊᖏᖃᑎᒋᒍᑎᖓᓂᒃ ᐱᔭᓐᓂᔅᓯᑎᑦᑎᒍᑎᒋᓗᒍ ᑭᒡᓕᓕᓯᒪᖏᑦᑐᒥᒃ ᐊᐅᓪᓚᓐᓂᒻᒥᒃ ᒪᑯᓇᓂ ᑲᓇᑕᒥ, ᓄᓇᕗᑦᒥ, ᐊᒻᒪᓗ ᐊᑯᑭᒃᑐᒃᑯᑦ.
- ᑖᓐᓇ ᐱᓕᕆᓂᒻᒥᒃ ᐊᖏᓪᓕᒋᐋᔅᓯᓂᖅ ᑐᕌᔅᓯᒐᓱᐊᒻᒪᑦ ᐃᑲᔪᑦᑕᐅᖁᓪᓗᒋᑦ ᐊᕕᑦᑐᔅᓯᒪᓂᒻᒧᑦ ᑎᒥᖑᑦᑎᑕᐅᓯᒪᔪᒥᒃ, ᐊᑐᑦᑕᐅᓂᔅᓴᐅᑎᑦᑎᒐᓱᐊᓪᓗᓂ ᐃᓕᖅᑯᓯᒃᑯᑦ ᑐᑭᓯᐊᓂᒻᒥᒃ, ᐆᒻᒪᕈᑎᑦᑎᒋᐊᕈᑎᒋᓗᒍ ᒪᑭᒪᓇᓱᐊᕈᑎᑦ ᐱᓕᕆᖃᑎᒌᒍᑎᒋᔭᐅᓂᖓᓂᒃ, ᐊᒻᒪᓗ ᐱᔭᐅᑎᑦᑎᓗᓂ ᐊᔾᔨᒌᖏᑦᑑᑎᓂᒃ ᐱᓕᕆᒋᐊᕕᓴᐅᔪᓂᒃ ᐊᐅᓪᓚᖃᑦᑕᓲᓄᑦ ᖃᐅᔨᒋᐆᖁᓪᓗᒋᑦ ᐅᑭᐅᑦᑕᑦᑑᑉ ᑕᐅᑦᑐᖓᓂᒃ ᐱᐅᔪᐋᓗᒻᒥᒃ ᐊᒻᒪᓗ ᐊᓐᓂᕆᔭᐅᔪᓂᒃ ᐱᖅᑯᓯᐅᔪᓂᑦ.
ᐊᔾᔨᓕᐅᖅᑕᐅᓯᒪᔪᑦ
ᖃᕋᑕᐅᔭᒨᖅᑲᓪᓗᒋᑦ ᑲᑎᑕᐅᓯᒪᔪᑦ ᐊᔾᔨᓕᐅᖅᓯᒪᔪᑦ: ᐊᔾᔨᙳᐊᖏᑦ ᓅᒃ, ᐊᑯᑭᑦᑐᒥ ᐊᒻᒪᓗ ᖃᖓᑕᕕᒋᓱᖏᓐᓄᑦ ᓄᓇᙳᐊᖅ
ᐃᓚᒋᓕᐅᑎᓯᒪᔪᑦ ᑲᓱᕈᑏᑦ
- ᖃᖓᑕᓱᖓ ᐊᑯᑭᑦᑐᒃᑯᑦ ᐱᒋᐊᖅᑎᑦᑎᕗᖅ ᖃᖓᑕᖃᑦᑕᓐᓂᒻᒥᒃ ᐃᖃᓗᓐᓄᑦ
- ᑲᓇᐃᑎᐊᓐ ᓄᐊᑦ ᐊᒻᒪᓗ ᖃᖓᑕᓱᖓ ᐊᑯᑭᑦᑐᒃᑯᑦ ᑐᓱᑦᑕᐅᑎᑦᑎᒍᑎᖓ ᑎᑎᖃᐃᑦ ᐱᓕᕆᒐᓱᐋᓂᖏᓐᓄᑦ (2020)
- ᐊᖓᔪᖃᐅᑎᑦ ᐃᒃᓯᕙᐅᑕᖓᑦ ᐱᒋᐊᕝᕕᔅᓴᕆᒍᓐᓇᑦᑕᖏᓐᓂᑦ ᑲᓇᑕᐅᑉ−ᐊᑯᑭᑦᑑᓪᓗ ᑲᓱᖃᑎᒌᓐᓂᖏᒃ ᐊᑯᑭᑦᑐᒻᒥ ᑲᑎᒪᓂᐅᔪᒥ 2020
- ᐊᐅᓪᓚᓐᓂᖅ ᓄᓇᕗᑦ
- ᓂᐅᕐᕈᓂᖅ ᐊᑯᑭᒃᑐᒧᑦ
- ᐋᑐᕚᒥ ᐳᓚᕋᑎᐅᓂᖅ
ᐅᖃᐅᓯᖃᒃᑐᖅ ᑲᓇᐃᑎᐊᓐ ᓄᐊᑦᒥᒃ
ᑲᓇᐃᑎᐊᓐ ᓄᐊᑦ 100% ᐃᓄᓐᓄᑦ ᓇᒻᒥᓂᕆᔭᐅᔪᖅ ᖃᖓᑕᓲᓕᕆᔨ ᑲᑎᑦᑎᑦᑎᖃᑦᑕᖅᑐᑦ ᐃᓄᓐᓂᑦ ᐊᒻᒪ ᑐᓂᓯᓪᓗᑎ ᐱᑕᖃᕆᐊᖃᖅᑐᓂᑦ ᑭᓱᑐᐃᓐᓇᕐᓂᑦ ᑲᓇᑕᒥ ᐅᑭᐅᑕᖅᑐᖓᓂ – ᐊᑦᑕᓇᖏᑦᑐᒥᑦ, ᑐᓐᖓᕕᒋᔭᔅᓴᐅᔪᒥ ᐊᒻᒪ ᑐᓐᖓᓇᐃᓐᓇᖅᑐᑦ ᐊᒻᒪ ᑲᒪᑦᑎᐊᖅᑐᑦ ᓂᐅᕕᖃᑦᑕᖅᑐᓂᑦ ᐱᔨᑦᑎᖅᑕᓂᑦ. ᑲᓇᐃᑎᐊᓐ ᓄᐊᑦ ᖃᖓᑕᓲᖁᑎᖓᑕ ᐱᔨᔅᓯᓲᖑᒻᒪᑦ 25−ᓂᒃ ᓄᓇᓕᓐᓂᒃ ᐃᓗᐊᓂ ᓄᓇᑦᓯᐊᑉ, ᓄᓇᕕᒃ ᐊᒻᒪᓗ ᓄᓇᕗᒻᒥ, ᐃᓚᒋᔭᐅᓪᓗᓂ ᐋᑐᕚ, ᒪᓐᑐᕆᐊᓪ, ᐃᐊᒻᒪᑕ, ᑲᐃᓪᒍᕆ, ᐊᒻᒪᓗ ᒫᓐᓇ ᐃᓚᒋᐊᖅᓯᓕᕆᓪᓗᑎᒃ ᐱᔨᔅᓯᕈᑎᒥᓐᓂᒃ ᓅᒃᒧᑦ, ᐊᑯᑭᑦᑐᖅ ᒪᑯᑎᒎᓇ ᖃᖓᑕᕕᒋᓗᐋᑕᓱᖏᑎᒍ ᐱᓕᕆᖃᑎᖃᓪᓗᓂ ᖃᖓᑕᓱᖓᓂᒃ ᐊᑯᑭᑦᑐᒃᑯᑦ – ᐃᖏᕐᕋᑦᑎᐊᕈᓐᓇᑦᑐᑦ ᖃᖓᑕᓲᖁᑎᑦ ᕘᐃᖕ 737, ATR 42 ᐊᒻᒪᓗ ATR 72 ᐅᓯᔾᔪᑎ ᖃᖓᑕᓱᖅ. ᑲᓇᐃᑎᐊᓐ ᓄᐊᑦ ᓯᕗᓕᖅᑎᐅᒻᒥᔪᑦ ᓵᑕᑦᑕᐅᔪᓂᑦ ᐱᔨᑦᑎᕋᖅᑎᐅᓪᓗᑎ ᐊᖏᔪᓄᑦ ᑭᓱᓕᕆᔨᓂᑦ ᐱᔨᑎᑦᑕᓂᑦ ᐱᔭᕆᐊᖃᖅᑐᓂᑦ ᑐᓐᖓᕕᒋᔭᔪᒥ, ᐊᐅᓚᓂᖃᑦᑎᐊᖅᑐᒥᑦ ᐊᒻᒪ ᑮᓇᐅᔭᖅᑐᓗᐊᖏᑦᑐᒥ ᑎᑭᖃᑦᑕᕐᓂᖏᓐᓄᑦ/ᐊᐅᓐᓚᖃᑦᑕᕐᓂᖏᓐᓄᑦ ᖃᖓᑕᓲᒃᑯᑦ ᐱᔨᑦᑎᖅᑕᐅᔪᓂᑦ ᐊᒻᒪ ᐊᐅᓚᓂᖃᖅᑎᑦᑎᔪᑦ ᖃᖓᑕᓲᓂᑦ ᒥᐊᓕᒐᓂ ᑲᓇᑕᒥᓗ ᐊᒻᒪ ᐅᖓᑖᓄᑦ ᐱᓐᖑᐊᖅᑎᓄᑦ, ᐅᒥᐊᕐᔪᐊᒃᑯᑦ ᐳᓚᕋᖅᑎᓄᑦ, ᐳᓚᕋᖅᑐᓕᕆᓂᕐᒧᑦ ᐊᐅᓚᑦᑎᔩᑦ ᐊᒻᒪ ᐊᒥᓱᖏᑦ ᐊᓯᖏᑦ. ᑲᓇᐃᑎᐊᓐ ᓄᐊᑦ ᓇᒻᒥᓂᕆᔭᐅᔪᖅ ᒪᑭᕝᕕᒃ ᑯᐊᐳᕇᓴᓐ ᐊᒻᒪ ᐃᓅᕕᐊᓗᐃᑦ ᐱᕙᓪᓕᐊᑎᑦᑎᓂᕐᒧᑦ ᑯᐊᐳᕇᓴᓐ.
ᐱᕙᓪᓕᐊᔪᓕᕆᔨᓄᑦ ᖃᐅᔨᒋᐊᕐᕕᒃ
ᐋᓂ ᑖᒻᓕᓐᓴᓐ, ᐊᐅᓚᑦᑎᔨ, ᑐᓴᐅᒪᔾᔪᑎᓕᕆᓂᕐᒧᑦ
media@canadiannorth.com
(343) 551-0294
ᓯᕗᓂᒃᓴᑎᓐᓂ−ᐱᓕᕆᐊᕆᔭᐅᒍᒪᔪᑦ
ᓯᕗᓂᒃᓴᑎᓐᓂ−ᐱᓕᕆᐊᕆᔭᐅᒍᒪᔪᑦ ᑐᓴᕈᑎᒥᒃ ᐱᔾᔪᑎᖃᕐᑐᑦ ᑲᓇᐃᑎᐊᓐ ᓄᐊᑦ−ᑯᑦ ᐱᔭᕇᕕᒃᓴᖃᕈᒪᓂᖏᓐᓄ ᐅᓪᓗ ᐅᖃᐅᑕᐅᔪᖅ. ᐅᑯᐊ ᐱᓕᕆᐊᕆᔭᐅᒍᒪᔪᑦ ᐊᑦᑕᓇᖅᑐᒦᒍᓐᓇᕐᓂᕐᒥᒃ ᐊᒻᒪᓗ ᖃᐅᔨᒪᓇᖏᑦᑐᒥᒃ ᓴᖅᑮᒍᓐᓇᕐᒪᑕ, ᑕᒻᒪᕐᑐᒦᑎᑕᐅᒐᓱᐊᖁᖏᑕᕗᑦ. ᑲᓇᐃᑎᐊᓐ ᓄᐊᑦ−ᑯᑦ ᐅᓪᓗᒥᒨᖓᓕᖅᑎᑦᑎᒋᐊᑐᖏᑦᑐᑦ ᐅᕝᕙᓘᓐᓃᑦ ᐋᖅᑭᒋᐊᖅᑎᑦᑎᒋᐊᑐᖏᑦᑐᑦ ᐱᓕᕆᐊᕆᒐᓱᐊᕐᑕᖏᓐᓂ.