ᑳᑯᓕ, ᐊᐃᐳᑕ – ᑭᐅᓯᓪᓗᑕ ᑲᓇᑕᐅᑉ ᐊᑦᑕᕐᓇᖅᑐᒦᓕᕐᓂᖓ ᖃᖓᑕᓲᖅᑎᑭᒃᓴᖅᖢᑎᒃ, ᑲᓇᐃᑎᐊᓐ ᓄᐊᑦ, ᐃᓄᐃᑦ-ᓇᖕᒥᓂᖁᑎᖓ ᖃᖓᑕᓲᖅ, ᐊᒻᒪᓗ ᒪᐅᓐᑦ ᐅᓗᔪ ᐃᓕᓐᓂᐊᕐᕕᒃᔪᐊᖓ, ᐅᓪᓗᒥ ᓴᕿᑦᑎᔪᖅ ᐋᕿᒃᓯᒪᔾᔪᑎᒃᓴᓄᑦ ᐱᓕᕆᖃᑎᒌᒡᓗᑎᒃ ᐃᑲᔪᕐᓗᑎᒃ ᐅᖃᐅᓯᕆᓗᒋᑦ ᐊᒻᒪᓗ ᐊᔾᔨᒋᔭᐅᓐᖏᑦᑐᓂᒃ ᓯᕗᓂᒃᓴᑦᑎᓐᓂ ᖃᖓᑕᓲᒃᓴᓄᑦ. ᐋᕿᑦᑎᐊᕐᐸᓪᓕᐊᓂᖓ ᐃᑲᔪᖅᑎᒋᒡᓗᑎᒃ ᓇᓕᖃᕇᓕᖅᓯᒪᑦᑎᐊᖅᑐᖅ ᒪᐅᓐᑦ ᐅᓗᔪ ᐃᓕᓐᓂᐊᕐᕕᒃᔪᐊᖓᑦᑕ ᖃᖓᑕᓲᖅᑎᒃᓴᓕᓂᒃ ᐃᓕᓐᓂᐊᕐᕕᖓ ᐊᒻᒪᓗ ᑲᓇᐃᑎᐊᓐ ᓄᐊᑦ ᐋᕿᑦᑎᐊᖅᓯᒪᓂᐊᕐᒪᓴ ᐊᖏᖅᓯᒪᓂᑎᒃ ᐊᔪᕈᓐᓃᖅᐸᓪᓕᐊᑎᓪᓗᒋᑦ ᓄᑖᑦ ᒪᓐᓇᐅᓕᖅᑐᖅ ᐃᓅᓯᖃᓕᖅᑐᖅ ᓄᓇᓕᒃᑎᒍᑦ-ᐱᓯᒪᒧᑦ ᖃᖓᑕᓲᖅᑎᒃᓴᐃᑦ, ᐊᐅᓪᓗᑎᓂᐊᖅᑐᑦ ᓴᖕᖏᓂᖅᑖᖅᑎᓪᓗᒋᑦ ᐃᓄᐃᑦ ᐃᓕᓐᓂᐊᖅᑐᑦ.
ᑲᓇᐃᑎᐊᓐ ᓄᐊᑦ ᐊᒻᒪᓗ ᒪᐅᓐᑦ ᐅᓗᔪ ᐃᓕᓐᓂᐊᕐᕕᒃᔪᐊᖓ ᐊᖏᔪᒥᒃ ᐱᒋᐊᖅᑎᑦᑎᕗᑦ ᐋᕿᒐᓱᒃᖢᒍ ᖃᖓᑕᓲᖅᑎᒃᓴᑭᓗᐊᕐᓂᖅ ᐊᒻᒪᓗ ᓴᖕᖏᓂᖅᑖᖅᑎᓪᓗᒋᑦ ᐃᓄᐃᑦ ᐃᓕᓐᓂᐊᖅᑎᑦ ᑕᒪᐅᓐᓇ ᐱᓕᕆᖃᑎᒌᖕᓂᑦᑎᒍᑦ. ᐊᕙᑖᓂᑦ ᐊᑑᑎᖃᖅᑐᑦ ᐃᓚᖏᑦ ᐅᑯᐊ:
- ᐱᓕᕆᔪᓐᓇᖅᑐᓂᒃ ᓂᕈᐊᕐᓂᖅ ᐱᓕᕆᑎᑦᑎᔾᔪᑕᐅᔪᖅ: ᐅᓇ ᐆᒻᒪᑎᖓ ᑕᒪᒧᖓ ᐱᓕᕆᖃᑎᒌᖕᓂᕐᒧᑦ ᐊᔾᔨᐅᓐᖏᑦᑐᒥᒃ ᐱᓕᕆᔪᓐᓇᖅᑐᓂᒃ ᓂᕈᐊᕐᓂᖅ ᐱᓕᕆᑎᑦᑎᔾᔪᑕᐅᔪᒧᑦ ᐅᓇ ᐊᔪᖏᑎᑦᑎᔪᖅ ᑲᓇᐃᑎᐊᓐ ᓄᐊᑦ ᓂᕈᐊᖅᖢᑎᒃ ᑎᑭᓪᖢᒍ 10% ᒪᐅᓐᑦ ᐅᓗᔪ ᐃᓕᓐᓂᐊᕐᕕᒃᔪᐊᖓᑦᑕ ᐊᕐᕌᒍᑕᒫᑦ ᖃᖓᑕᓲᖅᑎᒃᓴᓄᑦ ᐱᓕᕆᑎᑦᑎᔾᔪᑕᐅᔪᖅ ᐃᓕᓐᓂᐊᕐᑎᑦᑎᓕᖃᑦᑕᖅᑐᑦ, ᐊᓪᓗᑎᔭᖏᑦ ᓴᖕᖏᒃᑎᑎᓪᓗᒋᑦ ᐃᓄᐃᑦ ᐃᓕᓐᓂᐊᖅᑎᑦ. ᐅᓇ ᐃᖏᕐᕋᓯᑎᑕᐅᓯᒪᔪᖅ ᑐᕌᖅᑐᖅ ᐃᓯᕈᓐᓇᕐᓂᐊᕐᒪᑕ ᖃᖓᑕᓲᖅᑎᐅᓂᕐᒧᑦ ᐃᓕᓐᓂᐊᕐᑎᑦᑎᕕᖃᖅᑐᓄᑦ, ᐃᑲᔪᖅᑐᑦ ᐱᕙᓪᓕᐊᑎᑦᑎᓂᕐᒧᑦ ᒫᓐᓇᐅᓕᖅᑐᖅ ᐃᓅᓯᖃᖅᑐᓂ ᓄᓇᓕᒃᑎᒍᑦ-ᐱᓯᒪᔪᑦ ᖃᖓᑕᓲᖅᑎᒃᓴᓂᒃ.
- ᑎᑎᖃᐅᓯᐊᕐᓂᐊᖅᑐᖅ ᐃᓯᕈᓐᓇᕐᓂᖓᓂᒃ: ᑕᐃᒪᓐᓇ ᐱᓇᔪᒃᑐᖅ ᐃᓯᖅᑎᑕᐅᔪᖅ ᒪᐅᓐᑦ ᐅᓗᔪ ᐃᓕᓐᓂᐊᕐᕕᒃᔪᐊᖓ ᖃᖓᑕᓲᖅᑎᒃᓴᐅᓂᕐᒧᑦ ᐱᓕᕆᑎᑦᑎᔾᔪᑕᐅᔪᖅ ᑎᑎᖃᐅᓯᐊᕐᓂᐊᖅᑐᖅ ᐃᓯᕐᓂᖓᓂᒃ ᑖᒃᑯᓇᖓᑦ ᑲᓇᐃᑎᐊᓐ ᓄᐊᑦ, ᒪᑐᐃᖅᓯᔪᖅ ᐃᖅᑲᓇᐃᔮᒃᓴᓄᑦ ᓄᓇᓕᒃᑎᒍᑦ-ᐱᓯᒪᔪᑦ ᖃᖓᑕᓲᖅᑎᒃᓴᓂᒃ ᑕᐃᑲᓂ ᐃᓕᓐᓂᐊᖅᑕᒥᖕᓂᒃ ᐃᓱᓕᑦᑎᒍᑎᒃ.
- ᑮᓇᐅᔭᓕᕆᔾᔪᑕᐅᔪᓄᑦ ᐃᑲᔫᑎᑦ: ᑕᒪᐃᓐᓇ ᐃᑲᔪᖅᑎᒌᖕᓂᖅ ᑲᓇᐃᑎᐊᓐ ᓄᐊᑦ ᐊᒻᒪᓗ ᒪᐅᓐᑦ ᐅᓗᔪ ᐃᓕᓐᓂᐊᕐᕕᒃᔪᐊᖓ ᐊᔪᕈᓐᓃᖅᑎᑦᑎᓂᐊᕐᒪᑕ ᖃᖓᑕᓲᖅᑎᒃᓴᓂᒃ ᐱᑎᑕᐅᓗᑎᒃ ᑮᓇᐅᔭᒃᓴᓂᒃ ᐃᓕᓐᓂᐊᕈᑎᒋᓂᐊᖅᑕᖏᓐᓄᑦ ᐊᒻᒪᓗ ᐃᖅᑲᓇᐃᔭᓕᕈᒫᕐᒪᑕ ᖃᖓᑕᓲᖅᑎᐅᓗᑎᒃ.
ᐊᒻᒪᓗᑦᑕᐅᖅ ᑖᒃᑯᐊ ᐃᓚᖏᑦ, ᑲᓇᐃᑎᐊᓐ ᓄᐊᑦ ᐊᒻᒪᓗ ᒪᐅᓐᑦ ᐅᓗᔪ ᐃᓕᓐᓂᐊᕐᕕᒃᔪᐊᖓ ᓴᓇᖃᑎᒌᒃᑐᑦ ᐋᕿᒃᓱᖅᖢᒋᑦ ᐃᓕᓐᓂᐊᕈᑎᒃᓴᖏᑦ, ᑕᐃᒪᓗ ᒪᓕᑦᑎᐊᕐᓂᐊᕐᒪᑕ ᐊᓯᕈᖅᐸᓪᓕᐊᔪᓂᒃ ᑭᓐᖒᒪᓇᖅᑐᓂᒃ ᖃᖓᑕᓲᖅᑎᐅᓂᕐᒥ. ᐅᑯᐊ ᐱᓕᕆᖃᑎᒌᑦ ᑐᓂᓯᓯᒪᔪᑦ ᐃᓕᓴᐃᔭᖃᕐᑎᑦᑎᓗᑎᒃ ᐃᓕᓐᓂᐊᖅᑎᑦᑎᓗᑎᒃ, ᐊᑑᑎᖃᖅᑐᓂᒃ ᖃᖓᑕᓲᖅᑎᐅᓂᕐᒧᑦ ᐃᑲᔫᑎᔪᑦ, ᐊᒻᒪᓗ ᐱᑐᐃᓐᓇᕆᐊᓕᖅᑎᓪᓗᒋᑦ ᐃᓕᓐᓂᐊᖅᑐᑦ ᐊᔾᔨᐅᓐᖏᑦᑐᒃᑯᖅ ᐱᔭᓐᖏᓐᓂᓖᑦ ᐱᔨᑦᑎᕋᕋᓱᒃᓗᒋᑦ ᐅᖓᓯᒃᑐᒦᑦᑐᑦ ᓄᓇᓖᑦ ᑲᓇᑕᐅᑉ ᐅᑭᐅᖅᑕᖅᑐᐊᓂ.
ᑲᓇᑕ ᒫᓐᓇ ᓵᑦᑎᓯᒪᓕᖅᑐᖅ ᑕᒪᐃᓐᓂ ᖃᖓᑕᓲᖅᑎᑦ ᐊᒥᒐᓗᐊᓕᖅᖢᑎᒃ, ᐱᔭᐅᔪᒪᕗᑦ ᐊᔪᖏᑦᑎᐊᖅᑐᑦ ᖃᖓᑕᓲᖅᑎᑦ ᐊᑐᐃᓐᓇᐅᔭᕆᐊᖃᖅᑐᑦ ᓴᓇᕕᖓᓐᓂ. ᑲᓇᐃᑎᐊᓐ ᓄᐊᑦ ᐃᓕᓴᖅᓯᓯᒪᔪᖅ ᐱᒻᒪᕆᐅᖕᒪᑕ ᐃᓂᖏᑦ ᑖᒃᑯᐊ ᖃᖓᑕᓲᖅᑎᑦ ᐱᓕᕆᓲᖏᑦ ᑲᑎᖓᑎᑦᑎᔪᑦ ᐅᖓᓯᒃᑐᒦᑦᑐᒥᒃ ᐊᒻᒪᓗ ᐅᑭᐅᖅᑕᖅᑐᒥ ᓄᓇᓖᑦ ᑲᓇᑕᐅᑉ ᐅᑭᐅᖅᑕᖅᑐᐊᓂ, ᐱᕈᖅᑎᑦᑎᓂᖅ, ᐱᐅᓯᕚᓪᓕᖅᑎᓪᓗᒋᑦ ᐊᑐᖅᑕᐅᔪᓐᓇᖅᑐᑦ ᐱᒻᒪᕆᐅᔪᑦ ᐱᔨᑦᑎᕋᐅᑎᑦ, ᐊᒻᒪᓗ ᑲᔪᓯᑦᑎᐊᖃᑦᑕᕐᒪᑕ ᐱᔭᕇᖅᓯᑦᑎᐊᖃᑦᑕᖅᖢᑎᒃ.
“ᖁᕕᐊᓱᒃᑐᒍᑦ ᐱᓕᕆᖃᑎᖃᕈᓐᓇᕋᑦᑕ ᒪᐅᓐᑦ ᐅᓗᔪ ᐃᓕᓐᓂᐊᕐᕕᒃᔪᐊᖓᓂᒃ ᑕᒪᑐᒧᖓ ᐱᒻᒪᕆᐅᔪᒧᒃ ᐃᖏᖅᕋᓯᑎᑕᐅᓯᒪᔪᒧᑦ. ᐅᓇ ᐱᐅᔪᒥᒃ ᐱᒋᐊᖅᑎᑦᑎᔪᖅ ᐱᓕᕆᐊᕆᓪᓗᒋᑦ ᑲᓇᑕᐅᑉ ᖃᖓᑕᓲᖅᑎᒃᓴᕐᓂᖓ ᐊᔪᖏᑦᑎᐊᖅᑐᓂᒃ ᐃᓄᖕᓂᒃ ᐃᓕᓐᓂᐊᖅᑎᑦᑎᓗᑕ.” ᒪᐃᑯ ᕈᑎᓂᐅᒃ, ᐊᖏᔪᖅᑳᖅ ᐊᒻᒪ ᐃᖅᑲᓇᐃᔭᖅᑎᓄᑦ ᐊᖏᔪᖅᑳᖅ ᑲᓇᐃᑎᐊᓐ ᓄᐊᑦ “ᑲᓇᐃᑎᐊᓐ ᓄᐊᑦ ᐊᖏᖅᓯᒪᑦᑎᐊᖅᑐᖅ ᐱᓕᕆᓂᐊᖅᑕᑦᑎᓐᓄᑦ; ᐃᓅᓯᖃᑦᑎᐊᕐᓂᐊᕐᒪᑕ ᓄᓇᓕᖕᓂ ᐱᔨᑦᑎᕋᖅᑕᑦᑎᓐᓂ. ᑲᑐᔾᔨᓗᑕ, ᐋᕿᒃᓯᓂᐊᕋᑦᑕ ᓯᕗᓂᒃᓴᑦᑎᓐᓂ ᖃᖓᑕᓲᖅᑎᒃᓴᓂᒃ ᑲᓇᑕᐅᑉ ᐅᑭᐅᖅᑕᖅᑐᐊᓂ, ᐋᕿᒃᓱᕐᓗᒋᑦ ᓴᖕᖏᔪᓂᒃ ᐅᑭᐅᖅᑕᖅᑐᒥ ᖃᖓᑕᓲᖅᑎᖃᕐᓗᑕ, ᐱᕕᖃᕐᑎᑦᑎᓗᑕ, ᐊᒻᒪᓗ ᓴᖕᖏᓂᖅᑖᖅᑎᓯᒪᓗᒋᑦ ᐃᓄᐃᑦ ᒪᒃᑯᒃᑐᑦ.”
“ᐅᓪᓗᒥ ᐱᒋᐊᖅᐳᖅ ᐊᑐᖅᑕᐅᓂᐊᖅᑐᓄᑦ ᑲᓇᐃᑎᐊᓐ ᓄᐊᑦ ᐊᖏᖅᓯᒪᔭᖏᓐᓄᑦ ᐃᑲᔪᕐᓗᑎᒃ ᐊᒻᒪᓗ ᓴᖕᖏᓂᖅᑖᖅᑎᑦᑎᓯᒪᓗᑎᒃ ᐃᓄᐃᑦ ᓄᓇᖏᓐᓂᒃ,” ᐅᖃᓚᐅᖅᑐᖅ ᔭᐃᓴᓐ ᕿᓚᕝᕙᖅ, ᑲᓇᐃᑎᐊᓐ ᓄᐊᑦ ᑐᑭᒧᐊᒃᑎᖓ ᐃᓄᖕᓂᒃ ᐃᖅᑲᓇᐃᔭᖅᑎᑦᑎᓂᕐᒧᑦ ᐊᒻᒪᓗ ᐱᓕᕆᔪᓐᓇᑦᑎᐊᖅᑐᓄᑦ ᐋᕿᒃᓯᒪᔾᔪᑎᒃᓴᓄᑦ. “ᐅᓇ ᐱᓕᕆᖃᑎᒌᖕᓂᖓ ᑖᒃᑯᐊᓗ ᒪᐅᓐᑦ ᐅᓗᔪ ᐃᓕᓐᓂᐊᕐᕕᒃᔪᐊᖓ ᐋᕿᐅᑎᑦᑎᐊᖅᑐᖅ ᐊᖏᖅᓯᒪᑦᑎᐊᕐᓂᑦᑎᓐᓂᒃ ᐊᔪᕈᓐᓃᖅᑎᑦᑎᓗᑕ, ᐱᓗᐊᖅᑐᒥᕐ ᐊᕙᑖᓂᑦ ᐃᓄᐃᑦ ᐃᓕᓐᓂᐊᖅᑐᖅ ᐅᑯᐊᓗ ᓵᑦᑎᓯᒪᓱᖑᖕᒪᑕ ᐊᔾᔨᐅᓐᖏᑦᑐᒥᒃ ᐱᔭᕐᓂᓐᖏᑦᑐᒥᒃ ᐱᓕᕆᓇᓱᖅᖢᑎᒃ ᐃᖅᑲᓇᐃᔮᕆᔪᒫᖅᑕᒥᖕᓄᑦ. ᐃᓅᓪᓗᓂ, ᑐᑭᓯᔪᖓ ᐅᑯᐊ ᐱᔭᕐᓂᓐᖏᑦᑐᑦ ᐊᑐᖅᓯᒪᖅᓯᐊᖅᑕᒃᑲ, ᐊᒻᒪᓗ ᐊᖏᔪᒥᒃ ᐅᐱᒍᓱᒃᐳᖓ ᐃᓚᒋᔭᐅᔪᓐᓇᕋᒪ ᑕᒪᑐᖓ ᐱᓕᕆᐊᖑᔪᒧᑦ. ᐅᖃᐅᓯᖃᖅᑐᖓ ᐊᖏᔪᒥᒃ ᐅᑯᐊ ᐱᓕᕆᐊᕆᔭᕗᑦ ᐋᕿᑦᑎᐊᕐᓂᐊᕐᒪᑕ ᖃᖓᑕᓲᖅᑎᐅᓂᕐᒧᑦ ᐱᐅᓂᖅᓴᐅᓕᕐᓗᑎᒃ ᐊᒻᒪᓗ ᐱᕕᖃᕐᑎᑦᑎᓗᑕ ᐅᒥᓱᓄᑦ ᑎᑭᐅᑎᓇᓱᒋᐊᖃᖅᑕᑦᑎᓐᓄᑦ. ᖁᕕᐊᓱᒃᐳᖓ ᑕᒪᑐᒥᖓ ᐱᕕᖃᖅᑎᑕᐅᕗᒍᑦ ᓴᖕᖏᓂᖅᑖᖅᑎᑦᑎᓯᒪᓗᑕ ᐃᓄᖕᓂᒃ ᐃᓕᓐᓂᐊᖅᑎᓂᒃ ᐊᒻᒪᓗ ᓴᖕᖏᒃᑎᒋᐊᕐᓗᒋᑦ ᐊᑕᓂᖅᐳᑦ ᓄᓇᓕᖕᓄᑦ ᐱᔨᑦᑎᕋᖅᑕᑦᑎᓐᓄᑦ.”
“ᒪᐅᓐᑦ ᐅᓗᔪ ᐃᓕᓐᓂᐊᕐᕕᒃᔪᐊᖓ ᖁᕕᐊᓱᒃᑐᖅ ᑕᒪᓐᓇ ᐋᕿᒃᐸᓪᓕᐊᖕᒪᑦ ᐊᑯᓂᐅᔪᒃᑯᑦ ᐃᓚᒌᒍᓯᖅᐳᑦ ᑖᒃᑯᐊ ᑲᓇᐃᑎᐊᓐ ᓄᐊᑦ. ᑲᑎᖓᑦᑎᐊᖅᐳᒍᑦ ᖃᖓᑕᓲᓄᑦ ᑲᒻᐸᓂᐅᔪᓪᓗ ᑕᒪᐅᓐᓇ ᖃᖓᑕᓲᓄᑦ ᐱᓕᕆᖃᑎᒌᖕᓄᑦ ᑲᑎᒪᔨ, ᐅᑯᐊᓗ ᐃᓚᖃᖅᑐᑦ ᑲᓇᐃᑎᐊᓐ ᓄᐊᑦ. ᐅᑯᐊ ᐱᓕᕆᖃᑎᒌᖕᓄᑦ ᑲᑎᒪᔨᑦ ᑐᓂᓯᓯᒪᖃᑦᑕᖅᑐᑦ ᐊᑑᑎᖃᒻᒪᕆᒃᑐᒥᑦ ᖃᐅᔨᒪᔨᐅᓪᓗᑎᒃ ᐅᑯᐊᓗ ᑐᑭᒧᐊᒃᑎᑦᑎᔨᐅᓪᓗᑎᒃ ᐃᓕᓐᓂᐊᕈᑎᑦᑎᓂᕐᒧᑦ, ᐅᓇ ᑲᔪᖏᖅᓴᐅᑎᑦᑎᐊᕙᒃ ᓄᑖᒧᑦ ᐱᓕᕆᖃᑎᒌᖕᓂᖅᐳᑦ ᑲᓇᐃᑎᐊᓐ ᓄᐊᑦ ᑕᒪᐃᑕ ᐊᖏᖅᓯᒪᑦᑎᐊᕋᑦᑕ ᐃᓕᓐᓂᐊᖅᑕᐅᔭᕆᐊᖃᖅᑐᓄᑦ ᐃᓕᓐᓂᐊᖅᑎᓄᑦ. ᒪᓕᑦᑎᐊᖅᑐᖅ ᒪᐅᓐᑦ ᐅᓗᔪ ᐃᓕᓐᓂᐊᕐᕕᒃᔪᐊᖓᑕ ᐊᖏᖅᓯᒪᓂᖓ ᓱᓕᓂᕋᐅᑎᑦ, ᐊᒻᒪᓗ ᑕᐃᒪᓐᓇᐅᖕᒪᑦ ᖁᕕᐊᓱᒃᑐᒍᑦ, ᐃᑲᔪᖅᑕᐅᓪᓗᑕ ATB, ᐅᓇ ᑮᓇᐅᔭᓂᒃ ᐊᒥᒐᖅᓯᑎᑦᑎᔮᖏᓐᖏᑦᑐᖅ ᑕᒪᓐᓇᓗ ᐊᒥᓱᓂᒃ ᐃᓕᓐᓂᐊᖅᑐᓂᑦ ᑲᔪᓯᓐᖏᔾᔪᑕᐅᓲᖑᖕᒪᑦ ᖃᖓᑕᓲᖅᑎᐅᓂᕐᒧᑦ. ᐅᓇ ᖁᕕᐊᓇᖅᑐᖅ ᐊᑐᖅᑕᐅᓂᐊᖅᑐᖅ ᐱᕈᖅᐸᓪᓕᐊᑎᑦᑎᓗᑎᒃ ᐊᒻᒪᓗ ᐱᕙᓪᓕᐊᑎᑦᑎᓗᑎᒃ ᖃᖓᓲᓕᕆᓂᕐᒧᑦ ᐱᓕᕆᑎᑦᑎᔾᔪᑕᐅᔪᖅ ᑕᐃᑲᓂ ᒪᐅᓐᑦ ᐅᓗᔪ ᐃᓕᓐᓂᐊᕐᕕᒃᔪᐊᖓ.” ᐊᖓᔪᖅᑳᖓᑦ ᑭᓕ ᒍᐃᓕᐊᒻᔅ-ᒍᐃᑦ, ᒪᐅᓐᑦ ᐅᓗᔪ ᐃᓕᓐᓂᐊᕐᕕᒃᔪᐊᖓ.
