ᐋᑐᕚ, ᐊᓐᑎᐅᕆᐅ – ᑲᓇᐃᑎᐊᓐ ᓄᐊᑦ, ᐅᑭᐅᖅᑕᖅᑑᑉ ᖃᖓᑕᓲᖓ, ᐅᓪᓗᒥ ᓇᓗᓇᐃᖅᓯᔪᖅ ᐊᖏᓪᓕᐊᒋᐊᕐᓯᓂᐊᕐᓂᖏᓐᓄᑦ ᐊᐃᔅᓯᑕᕐᕕᖓᓂ (ᑳᒍ) ᐋᑐᕚᒦᑦᑐᒥ. ᐊᖏᓪᓕᒋᐊᓂᖓ ᐱᔾᔪᑎᖃᕐᑐᖅ ᐅᓄᕐᓯᕙᓪᓕᐊᓂᖏᓐᓄᑦ ᐱᔪᒪᔭᐅᔪᑦ ᓄᓇᓕᕋᓛᓂᑦ ᐊᒻᒪᓗ ᐅᑭᐅᖅᑕᖅᑐᒥ ᓄᓇᓕᐅᔪᓂᑦ. ᑕᒪᒃᑮᒃ ᑲᓇᐃᑎᐊᓐ ᓄᐊᑦ−ᑯᒃ ᐊᒻᒪᓗ ᑲᓇᑕᐅᑉ ᒐᕙᒪᒃᑯᖏᑦ ᑮᓇᐅᔭᓂ ᐊᑐᕐᓂᐊᕐᑑᒃ $11 ᒥᓕᐊᓂᒃ ᐊᑐᓂ, ᑲᑎᓪᓗᒋ ᐊᑭᖃᕐᑐᒥᒃ $22 ᒥᓕᐊᓐᓂ. ᐊᖏᓪᓕᒋᐊᕐᑕᐅᓂᖓ ᓴᓇᔭᐅᒋᐊᓯᓛᓕᕐᑐᖅ ᒪᓐᓇᕈᓗᒃ ᐱᔭᕇᖅᑕᐅᕕᔅᓴᖃᕐᑐᓂ ᐊᐅᓚᓂᖃᓕᕐᓗᓂ ᐊᕐᕌᒍ 2026−ᒥ.
“ᐅᖃᐅᓯᖃᕐᑎᓪᓗᑕ ᐊᐃᔅᓯᑕᕐᕕᒻᒥ (ᑳᒍ), ᐱᔾᔪᑎᖃᕐᑐᒍᑦ ᐱᔭᐅᔭᕆᐊᓕᓐᓂ ᐊᒻᒪᓗ ᓱᓇᑐᐃᓐᓇᐃᑦ ᐊᓯᔾᔨᕐᑕᐅᒍᓐᓇᕐᑐᑦ” ᐅᖃᕐᑐᖅ ᒪᑎᐅ ᐸᓚᒪᓐᑕᓐ, ᑲᓇᐃᑎᐊᓐ ᓄᐊᑦ−ᑯᑦ ᐊᖏᔪᖅᑳᖓᑕ ᑐᖏᓕᐊ ᐊᐃᔅᓯᑕᕐᕕᒧᑦ ᐊᒻᒪ ᖃᖓᑕᓲᒃᑯᕕᒻᒥ ᐱᓕᕆᐊᓄᑦ. “ᐊᖏᓪᓕᒋᐊᕐᑕᐅᔪᖅ ᐋᑐᕚ ᐱᓕᕆᕕᖓᓂ ᐱᓕᕆᒃᑲᓐᓂᕈᓐᓇᐅᑎᒋᓂᐊᕐᑕᕗᑦ ᐅᑭᐅᖅᑕᖅᑐᒥ ᓄᓇᓕᖏᓐᓄᑦ. ᐱᐅᔪᒻᒪᕆᒻᒥᒃ, ᓂᖀᑯᓗᐃᑦ ᑎᑭᓴᕋᐃᖃᑦᑕᖁᓪᓗᒋᑦ, ᐱᐅᓯᑎᒐᓱᐊᕐᑕᕗᑦ ᐱᓕᕆᐊᕗᑦ.”
ᐊᖅᑯᑎᒋᔭᐅᓪᓗᑕ ᐃᓄᐃᑦ ᓄᓇᓕᖏᓐᓄᑦ, ᓄᑖᖅ ᐱᓕᕆᕕᔅᓴᖅ ᑲᓇᐃᑎᐊᓐ ᓄᐊᑦ−ᑯᑦ ᐊᖏᓪᓕᕚᓪᓕᑎᑦᑎᓂᐊᕐᑐᑦ ᐱᓕᕆᐊᑦᑎᓐᓂ ᐅᑭᐅᖅᑕᖅᑐᒧᑦ. ᐊᖏᓪᓕᕚᓪᓕᕐᓂᐊᕐᑐᖅ ᑕᐃᒪᓐᓇᓗᐊᖓᓂ ᐃᓚᒋᐊᖅᑕᐅᓗᓂ, ᓄᑖᖅ ᐱᓕᕆᕕᒃᓴᖅ ᐊᕕᑦᑐᕐᓯᒪᓂᐊᕐᑐᑦ ᑭᓱᖃᕐᕕᖏᑦ ᐊᒻᒪᓗ ᐊᑐᕐᓗᑎ ᓄᑖᖑᓂᕐᐹᒥ ᓇᓗᓇᐃᔭᐃᒍᑎᒃᓴᒥᒃ ᐱᔭᐅᒋᐊᖃᓪᓚᕆᑦᑐᐃᑦ ᓂᖀᑦ ᐊᒻᒪᓗ ᐄᔭᒐᐃᑦ ᐊᐅᓪᓚᕐᑎᑕᐅᓴᕋᐃᖃᑦᑕᖁᓪᓗᒋᑦ. ᐱᓕᕆᕕᒃᓴᖅ ᐊᖏᓂᕐᓴᐅᓕᕐᐸᑦ ᐃᑲᔪᕐᓂᖃᕐᓂᐊᕐᑐᖅ ᓄᓇᓕᓐᓂ ᓇᒻᒥᓂᖃᕐᑐᓄᑦ ᐱᕈᖅᑎᑦᑎᕚᓪᓕᓂᕐᒥᒃ, ᐃᑲᔪᕈᓐᓇᖁᓪᓗᒋᑦ ᖃᕆᓴᐅᔭᒃᑯᑦ ᑎᑭᓴᐃᖃᑦᑕᕐᑐᑦ ᐅᓄᖅᓯᕚᓪᓕᓯᒪᓂᖏᓐᓄᑦ, ᐊᒻᒪᓗ ᖃᓄᐃᖏᑦᑎᐊᖁᓪᓗᒋᑦ ᓂᖀᑦ ᓯᓚ ᐊᓯᔾᔨᖃᑦᑕᕐᓂᖓ ᐱᔾᔪᑎᒋᓪᓗᒍ.
“ᐊᖏᓪᓕᕚᓕᕈᑎᔅᓴᓄᑦ ᐃᑲᔪᕈᑎᒃᓴᐃᑦ ᐋᑐᕚᒥ ᓱᓕᓪᓚᕆᑦᑐᒥ ᑲᔪᓯᖁᔨᔪᑦ ᑲᓇᐃᑎᐊᓐ ᓄᐊᑦ−ᑯᑦ ᐱᐅᓂᕐᓴᒥ ᐃᓅᓯᖃᖁᓪᓗᒋᑦ ᓄᓇᓕᕋᓛᑦ ᐊᒻᒪᓗ ᐅᑭᐅᖅᑕᖅᑐᒥ ᓄᓇᓕᖏᑦ,” ᐅᖃᕐᑐᖅ ᒪᐃᑯ ᕈᑎᓂᐅᒃ, ᑲᓇᐃᑎᐊᓐ ᓄᐊᑦ−ᑯᑦ ᐊᐅᓚᑦᑎᔨᖓ. “ᐅᓯᓂᕐᒧᑐᐃᓐᓇᐅᖏᑦᑐᖅ, ᓯᕗᓂᒃᓴᑎᓐᓂ ᐱᐅᓯᕚᓪᓕᑎᑦᑎᒐᓱᐊᕐᑐᒍᑦ.”
ᑲᓇᐃᑎᐊᓐ ᓄᐊᑦ ᒥᔅᓵᓄᑦ:
ᑲᓇᐃᑎᐊᓐ ᓄᐊᑦ 100% ᐃᓄᓐᓄᑦ ᓇᒻᒥᓂᕆ ᐅᔪᖅ ᖃᖓᑕᓲᓕᕆᔨ ᑲᑎᑦᑎᑦᑎᖃᑦᑕᖅᑐᑦ ᐃᓄᓐᓂᑦ ᐊᒻᒪ ᑐᓂᓯᓪᓗᑎ ᐱᑕᖃᕆᐊᖃᖅᑐᓂᑦ ᑭᓱᑐᐃᓐᓇᕐᓂᑦ ᑲᓇᑕᒥ ᐅᑭᐅᑕᖅᑐᖓᓂ – ᐊᑦᑕᓇᖏᑦᑐᒥᑦ, ᑐᓐᖓᕕᒋᔭᔅᓴᐅᔪᒥ ᐊᒻᒪ ᑐᓐᖓᓇᐃᓐᓇᖅᑐᑦ ᐊᒻᒪ ᑲᒪᑦᑎᐊᖅᑐᑦ ᓂᐅᕕᖃᑦᑕᖅᑐᓂᑦ ᐱᔨᑦᑎᖅᑕᓂᑦ. ᑲᓇᐃᑎᐊᓐ ᓄᐊᑦ ᖃᖓᑕᓲᓕᕆᓂᕐᒥᑦ ᐱᔨᑦᓯᕋᐅᑎᖃᖅᐸᑦᑐᑦ 25−ᓂᑦ ᓄᓇᓕᐅᔪᓂᑦ ᐃᓗᐊᓂ ᓄᓇᑦᓯᐊᖅ, ᓄᓇᕕᒃ ᐊᒻᒪ ᓄᓇᕗᑦ, ᐊᒻᒪᑦᑕᐅᖅ ᐋᑐᕚ, ᒪᓇᑐᕆᐊ, ᐃᐊᑦᒪᓐᑕᓐ – ᖃᖓᑕᓲᖁᑎᖃᖅᑐᑎᒃ Boeing 737, ᖃᖓᑕᓲᕋᓛᖑᓂᕐᓵᒃ ATR 42 ᐊᒻᒪ ATR 72 ᐅᓯᔩᒃ ᖃᖓᑕᓲᒃ. ᑲᓇᐃᑎᐊᓐ ᓄᐊᑦ ᓯᕗᓕᖅᑎᐅᒻᒥᔪᑦ ᓵᑕᑦᑕᐅᔪᓂᑦ ᐱᔨᑦᑎᕋᖅᑎᐅᓪᓗᑎ ᐊᖏᔪᓄᑦ ᑭᓱᓕᕆᔨᓂᑦ ᐱᔨᑎᑦᑕᓂᑦ ᐱᔭᕆᐊᖃᖅᑐᓂᑦ ᑐᓐᖓᕕᒋᔭᔪᒥ, ᐊᐅᓚᓂᖃᑦᑎᐊᖅᑐᒥᑦ ᐊᒻᒪ ᑮᓇᐅᔭᖅᑐᓗᐊᖏᑦᑐᒥ ᑎᑭᖃᑦᑕᕐᓂᖏᓐᓄᑦ/ᐊᐅᓐᓚᖃᑦᑕᕐᓂᖏᓐᓄᑦ ᖃᖓᑕᓲᒃᑯᑦ ᐱᔨᑦᑎᖅᑕᐅᔪᓂᑦ ᐊᒻᒪ ᐊᐅᓚᓂᖃᖅᑎᑦᑎᔪᑦ ᖃᖓᑕᓲᓂᑦ ᒥᐊᓕᒐᓂ ᑲᓇᑕᒥᓗ ᐊᒻᒪ ᐅᖓᑖᓄᑦ ᐱᓐᖑᐊᖅᑎᓄᑦ, ᐅᒥᐊᕐᔪᐊᒃᑯᑦ ᐳᓚᕋᖅᑎᓄᑦ, ᐳᓚᕋᖅᑐᓕᕆᓂᕐᒧᑦ ᐊᐅᓚᑦᑎᔩᑦ ᐊᒻᒪ ᐊᒥᓱᖏᑦ ᐊᓯᖏᑦ. ᑲᓇᐃᑎᐊᓐ ᓄᐊᑦ ᓇᒻᒥᓂᕆᔭᐅᔪᖅ ᒪᑭᕝᕕᒃ ᑯᐊᐳᕇᓴᓐ ᐊᒻᒪ ᐃᓅᕕᐊᓗᐃᑦ ᐱᕙᓪᓕᐊᑎᑦᑎᓂᕐᒧᑦ ᑯᐊᐳᕇᓴᓐ.
ᓯᕗᓂᒃᓴᑎᓐᓂ−ᐱᓕᕆᐊᕆᔭᐅᒍᒪᔪᑦ
ᓯᕗᓂᒃᓴᑎᓐᓂ−ᐱᓕᕆᐊᕆᔭᐅᒍᒪᔪᑦ ᑐᓴᕈᑎᒥᒃ ᐱᔾᔪᑎᖃᕐᑐᑦ ᑲᓇᐃᑎᐊᓐ ᓄᐊᑦ−ᑯᑦ ᐱᔭᕇᕕᒃᓴᖃᕈᒪᓂᖏᓐᓄ ᐅᓪᓗ ᐅᖃᐅᑕᐅᔪᖅ. ᐅᑯᐊ ᐱᓕᕆᐊᕆᔭᐅᒍᒪᔪᑦ ᐊᑦᑕᓇᖅᑐᒦᒍᓐᓇᕐᓂᕐᒥᒃ ᐊᒻᒪᓗ ᖃᐅᔨᒪᓇᖏᑦᑐᒥᒃ ᓴᖅᑮᒍᓐᓇᕐᒪᑕ, ᑕᒻᒪᕐᑐᒦᑎᑕᐅᒐᓱᐊᖁᖏᑕᕗᑦ. ᑲᓇᐃᑎᐊᓐ ᓄᐊᑦ−ᑯᑦ ᐅᓪᓗᒥᒨᖓᓕᖅᑎᑦᑎᒋᐊᑐᖏᑦᑐᑦ ᐅᕝᕙᓘᓐᓃᑦ ᐋᖅᑭᒋᐊᖅᑎᑦᑎᒋᐊᑐᖏᑦᑐᑦ ᐱᓕᕆᐊᕆᒐᓱᐊᕐᑕᖏᓐᓂ..
