ᐋᑐᕚ, ᐋᓐᑎᐅᕆᔪᖅ – ᑲᓇᐃᑎᐊᓐ ᓄᐊᑦ, ᐃᓄᖕᓄᑦ ᓇᖕᒥᓂᕆᔭᐅᔪᖅ ᖃᖓᑕᓲᖅ, ᐅᑉᓗᒥ ᑐᓴᖅᑎᑦᑎᔪᑦ ᖃᓄᖅᑑᕈᑕᐅᓂᒃᑯᑦ ᓯᕗᓕᖅᑎ ᐊᓯᐊᙳᕐᓂᖓᓄᑦ ᑕᑯᒃᓴᐅᑎᑦᑎᒃᑲᓐᓂᖅᑐᖅ ᐱᓕᕆᐊᕇᓐᓇᖅᑕᑉᑎᖕᓂᑦ ᐱᔨᑦᑎᕐᓂᕐᐊᕐᓗᒋᑦ ᐅᖓᓯᒃᑐᒦᑦᑐᑦ ᐊᒻᒪᓗ ᐅᑭᐅᖅᑕᖅᑐᒦᑦᑐᑦ ᓄᓇᓖᑦ ᑲᓇᑕᒥᑦ ᐅᑭᐅᖅᑕᖓᓂᑦ. ᒫᓐᓇᑲᐅᑎᒋ ᐱᒋᐊᕐᓂᐊᖅᑐᖅ, ᓯᐊᓕ ᑎ ᑲᕆᐊ (Shelly De Caria), ᒫᓐᓇᐅᔪᖅ ᐊᖏᔪᖅᖄᒧᑦ ᑐᖏᓕᕆᔭᐅᔪᖅ ᓂᐅᕕᐊᒃᓴᓄᑦ, ᓴᖅᕿᔮᖅᑎᑦᑎᓂᕐᒧᑦ ᐊᒻᒪᓗ ᑐᓂᐅᖅᖃᐅᑎᓄᑦ, ᐊᖏᔪᖅᑳᕐᔪᐊᖅ ᐊᒻᒪᓗ ᐊᐅᓚᑦᑎᔨᒻᒪᕆᐅᓂᕐᒧᐊᕐᓂᐊᖅᑐᖅ, ᓇᓗᓇᐃᖅᓯᔪᖅ ᑎᑭᐅᑎᔭᐅᓚᐅᖅᓯᒪᙱᑦᑐᒥᑦ ᑎᑭᐅᑎᓂᕐᒧᑦ ᐃᓅᑉᓗᓂ ᐊᕐᓇᖅ ᓯᕗᓕᖅᑎᐅᓂᐊᕐᓗᓂ ᑲᓇᐃᑎᐊᓐ ᓄᐊᑦᑯᓐᓂᑦ. ᓯᐊᓕ ᓯᕗᓪᓕᖅᑎᐅᓂᐊᖅᑐᖅ ᐊᖏᔪᖅᖄᒧᑦ ᑐᖏᓕᐅᓂᖓᓂᒃ ᓴᓂᐊᓂᑦ ᓄᑖᒧᑦ ᑎᒃᑯᐊᖅᑕᐅᓂᖓᓄᐊᕐᓗᓂ, ᐊᓯᐊᓄᐊᕐᓂᖓ ᐅᔾᔨᕐᓇᙱᓪᓗᒍ ᐊᒻᒪᓗ ᑕᐅᑐᒐᖃᐃᓐᓇᕐᓗᓂ ᐱᐅᓯᒋᐊᖅᓯᓂᕐᒧᑦ ᐱᔨᑦᑎᕋᐃᓂᕐᒥᒃ ᓄᓇᓕᑉᑎᖕᓄᑦ.

ᐃᓅᓚᐅᖅᑐᖅ ᐊᒻᒪᓗ ᐱᕈᖅᓴᑉᓗᓂ ᑰᔾᔪᐊᖅ, ᑯᐸᐃᒃᒥᑦ, ᓯᐊᓕᐅᑉ ᐊᕙᓗᓯᒪᔭᖓ ᑲᓇᐃᑎᐊᓐ ᓄᐊᑦᑯᓐᓄᑦ ᐱᒻᒪᕆᐅᒋᔭᖏᑦ ᐊᒻᒪᓗ ᐱᓂᐊᕐᓂᕇᓐᓇᖅᑕᖓᑦ ᐃᓄᐃᑦ ᓇᑭᙶᖅᓯᒪᓂᖏᓐᓂᑦ ᐊᒻᒪᓗ ᓄᓇᓕᖕᒥᐅᑕᐃᑦ ᐃᓚᐅᖃᑕᐅᓂᖏᓐᓄᑦ. ᑲᓇᐃᑎᐊᓐ ᓄᐊᑦᑯᓐᓄᐊᖅᖄᖅᑎᓐᓇᒍ, ᐃᑲᔪᖅᓯᒪᔪᖅ ᐃᓄᐃᑦ ᑕᐱᕇᑦ ᑲᓇᑕᒥᒃᑯᓐᓂᑦ, ᓯᕗᒻᒧᒃᑎᓪᓗᒋᑦ ᐱᔪᖕᓇᐅᑎᖏᓐᓂᑦ ᐊᒻᒪᓗ ᐱᔪᒪᓂᕆᔭᖏᓐᓂᑦ ᑲᓇᑕᒥᑦ ᐃᓅᔪᓄᑦ. ᑲᓇᐃᑎᐊᓐ ᓄᐊᑦᑯᓐᓂᑦ, ᓯᐊᓕ ᐱᒻᒪᕆᐅᓯᒪᔪᖅ ᐱᕙᓪᓕᐊᑎᑦᑎᓂᕐᒥᒃ ᓄᓇᓕᖕᒥᑦ ᐊᔾᔨᒌᙱᑦᑑᑎᓂᒃ ᐱᑖᖅᑐᕐᓂᕐᒧᑦ ᑐᕌᖓᔪᓂᑦ ᐊᒃᑐᖅᓯᓯᒪᔪᓂᒃ ᐃᓕᓐᓂᐊᕐᓂᕐᒧᑦ, ᐱᖃᐃᓕᓴᕐᓂᒃᑯᑦ ᕿᑎᖕᓂᕐᓄᑦ, ᓂᕿᑦᑎᐊᕙᖕᓄᑦ ᐊᒻᒪᓗ ᐃᓱᒪᒃᑯᑦ ᖃᓄᐃᖏᑦᑎᐊᕐᓂᕐᒧᑦ. ᓯᕗᓕᖅᑎᐅᓂᖓ, ᖁᓕᑦ ᐅᖓᑖᓄᑦ ᐊᑐᖅᓯᒪᓂᑯᖓᓄᑦ ᐱᕙᓪᓕᐊᓯᒪᔪᑦ, ᑕᑯᒃᓴᐅᑎᑦᑎᔪᖅ ᑲᒪᔭᖃᕐᓂᖓᓂᒃ ᓄᓇᓕᖕᓂᑦ ᐱᔨᑦᑎᖅᑕᑉᑎᖕᓄᑦ ᐊᒻᒪᓗ ᑐᑭᓯᐊᓂᖃᑦᑎᐊᖅᑐᖅ ᐊᔾᔨᐅᖏᑦᑐᓂᒃ ᐊᒃᓱᕈᕐᓇᐅᑕᐅᔪᓂᒃ ᐊᒻᒪᓗ ᐱᕕᖃᖅᑎᑦᑎᓂᐅᔪᓂᒃ ᐃᓂᒋᔭᑉᑎᖕᓂᑦ.

ᓇᑯᕐᒦᖅᑕᕗᑦ ᒪᐃᑯᓪ ᕈᐊᑎᓂᐅᒃ (Michael Rodyniuk) ᐃᖅᖃᓇᐃᔮᖃᓚᐅᕐᒪᑦ ᐊᒻᒪᓗ ᐃᑲᔪᖃᑦᑕᖅᓯᒪᓂᖓᓂᑦ ᑲᓇᐃᑎᐊᓐ ᓄᐊᑦᑯᓐᓂᑦ. ᐱᓕᕆᐊᕇᓐᓇᖅᑕᕗᑦ ᐱᔭᐅᔭᕆᐊᓕᖕᓄᑦ ᐱᔨᑦᑎᕋᐃᓂᕗᑦ ᐅᖓᓯᒃᑐᒦᑦᑐᓄᑦ ᐊᒻᒪᓗ ᐅᑭᐅᖅᑕᖅᑐᒦᑦᑐᓄᑦ ᓄᓇᓕᖕᓄᑦ ᑲᓇᑕᐅᑉ ᐅᑭᐅᖅᑕᖅᑐᖓᓂᑦ ᑕᐃᒪᓐᓇᐃᖏᓐᓇᖅᑐᖅᓱᓕ. ᓯᐊᓕᐅᑉ ᓯᕗᓕᖅᑎᐅᓂᕐᒧᐊᕐᓂᖓ ᓴᙱᒃᑎᒋᐊᖅᓯᔪᖅ ᓄᓇᓕᖕᒥᑦ ᐃᓚᐅᖃᑕᐅᓂᕆᔭᑉᑎᖕᓂᑦ, ᐱᔨᑦᑎᕋᐅᑎᒥᒃ ᐱᐅᓯᒋᐊᖅᓯᓂᕐᒥᒃ, ᐊᒻᒪᓗ ᐊᑐᓕᕈᖕᓇᕐᓂᕐᒥᒃ ᓄᑖᓂᒃ ᐊᒃᓱᕈᕐᓇᐅᑎᓂᒃ, ᓄᓇᓕᕗᑦ ᐱᒻᒪᕆᐅᒋᔭᑉᑎᖕᓃᑎᓐᓂᐊᕐᓗᒋᑦ.

“ᓯᕗᓕᖅᑎᒧᐊᖅᐸᓪᓕᐊᔭᕗᑦ ᑕᐅᑐᒐᖃᐃᓐᓇᕐᓗᑕ ᓄᓇᓕᖕᒥᑦ ᐃᓚᐅᖃᑕᐅᑎᑦᑎᓂᕐᒥᒃ ᐊᒻᒪᓗ ᐊᐅᓛᖅᑎᑦᑎᓂᕐᒥᒃ ᐱᐅᓯᒋᐊᖅᓯᓂᕐᒧᑦ,” ᐅᖃᖅᑐᖅ ᔮᓂ ᐋᑕᒻᔅ, ᑲᓇᐃᑎᐊᓐ ᓄᐊᑦᑯᑦ ᐃᒃᓯᕙᐅᑕᖓᑦ ᑲᑎᒪᔨᖏᓐᓄᑦ. “ᓯᐊᓕᐅᑉ ᐊᖏᔪᒥᒃ ᐊᑐᖅᓯᒪᓂᑯᒋᔭᖓ, ᐱᓗᐊᖅᑐᒥᑦ ᐱᒻᒪᕆᐅᔪᖅ ᐃᖅᖃᓇᐃᔮᕆᔭᖓ ᓄᓇᓕᖕᒥᑦ ᐱᑖᖅᑐᕐᓂᕐᒧᑦ, ᑎᑯᓕᐊᖅᓯᒪᔪᖅ ᑐᕌᒐᕆᔭᑉᑎᖕᓄᑦ, ᓄᓇᓕᕗᑦ ᐱᔨᑦᑎᖅᑕᐅᑦᑎᐊᖏᓐᓇᕐᓂᐊᕐᓗᑎᒃ ᐊᒻᒪᓗ ᐃᑲᔪᖅᑕᐅᓂᐊᕐᓗᑎᒃ. ᑲᑎᒪᔩᑦ ᐊᒻᒪᓗ ᐊᖏᔪᖅᖄᖑᔪᑦ ᐃᑲᔪᕐᓂᐊᖅᑐᑦ ᓯᐊᓕᒥᒃ ᓄᑖᖅ ᐃᖅᖃᓇᐃᔮᖅᑕᖓᓄᐊᖅᑎᓪᓗᒍ ᐊᖏᔪᖅᑳᕐᔪᐊᖅ ᐊᒻᒪᓗ ᐊᐅᓚᑦᑎᔨᒻᒪᕆᖕᒧᑦ.”

ᓯᕗᓕᖅᑎᒧᑦ ᐃᓂᒧᐊᖅᐸᓪᓕᐊᑎᓪᓗᒍ, ᖃᓄᖅᑑᕆᓂᒃᑯᑦ ᑐᕌᒐᕆᔭᕗᑦ ᑲᒪᒌᓐᓇᕐᓂᐊᖅᑕᕗᑦ ᐊᒻᒪᓗ ᖃᓄᐃᖏᑦᑎᐊᕐᓂᖏᑦ ᓄᓇᓖᑦ ᐱᔨᑦᑎᖃᑦᑕᖅᑕᕗᑦ. ᓇᓗᓇᐃᔭᖅᓯᒪᒃᑲᓐᓂᖅᑐᑦ ᓯᕗᓕᖅᑎᒧᐊᕐᓂᖓᓄᑦ, ᐃᓚᐅᑉᓗᑎᒃ ᐱᕙᓪᓕᐊᓂᕐᒧᑦ ᐊᑐᖅᑕᐅᔪᑦ ᐊᒻᒪᓗ ᖃᖓᒃᑰᖓᔪᑦ ᓂᕈᐊᖅᑕᐅᓂᖓᓄᑦ ᓄᑖᖅ ᐊᐅᓚᑦᑎᔨᒻᒪᕆᒃ, ᓴᖅᕿᑎᑕᐅᓂᐊᖅᑐᑦ ᒪᓂᒪᓕᖅᐸᑕ.

“ᐅᐱᒍᓱᑦᑎᐊᖅᑐᖓ ᐊᒻᒪᓗ ᒥᑭᒡᓕᑎᖅᑐᖓ ᐃᖅᖃᓇᐃᔮᕐᒧᐊᕋᒪ ᐊᖏᔪᖅᑳᕐᔪᐊᖅ ᐊᒻᒪᓗ ᐊᐅᓚᑦᑎᔨᒻᒪᕆᖕᒧᑦ ᐱᒻᒪᕆᐅᓂᕐᒦᑎᓪᓗᒋᑦ ᑲᓇᐃᑎᐊᓐ ᓄᐊᑦᑯᑦ. ᓇᑯᕐᒦᖅᑕᕋ ᒪᐃᑯᓪ ᕈᐊᑎᓂᐅᒃ (Michael Rodyniuk) ᐃᖅᖃᓇᐃᔮᖃᓚᐅᕐᒪᑦ ᐊᒻᒪᓗ ᐃᑲᔪᖃᑦᑕᖅᓯᒪᓂᖓᓂᑦ,” ᐅᖃᖅᑐᖅ ᓯᐊᓕ ᑎ ᑲᕆᐊ (Shelly De Caria), ᑲᓇᐃᑎᐊᓐ ᓄᐊᑦᑯᑦ ᐊᖏᔪᖅᑳᕐᔪᐊᖅ ᐊᒻᒪᓗ ᐊᐅᓚᑦᑎᔨᒻᒪᕆᖓᑦ. “ᐃᓅᑉᓗᖓ ᐊᖏᔪᒥᒃ ᓴᕆᒪᓱᒃᑐᖓ ᑲᒪᒋᓂᐊᕐᓗᒋᑦ ᐊᐅᓚᑦᑎᔨᒃᑯᑦ ᑖᑉᑯᐊ ᐊᒃᑐᐊᓂᖃᑦᑎᐊᖅᖢᑎᒃ ᓄᓇᖅᖃᑎᒌᖑᓂᕐᒧᑦ ᐊᒻᒪᓗ ᐱᔨᑦᑎᕋᐃᔪᒪᑉᓗᑎᒃ ᐊᔾᔨᐅᖏᑦᑐᑦ ᐱᔭᐅᔭᕆᐊᓕᖏᓐᓂᑦ ᐃᓂᒋᔭᑉᑎᖕᓄᑦ. ᐃᑲᔪᖃᑦᑕᕐᓂᖏᑦᑎᒍᑦ ᐊᔪᙱᑦᑎᐊᖅᑐᑦ ᐃᖅᖃᓇᐃᔭᖅᑎᑉᑎᖕᓄᑦ, ᖃᐅᔨᒪᔪᖓ ᐱᓯᒪᐃᓐᓇᕐᓂᐊᕋᑉᑎᒍᑦ ᑐᕌᒐᕆᔭᕗᑦ ᐊᒻᒪᓗ ᐱᑦᑕᐅᔪᒥᒃ ᐊᒃᑐᖅᓯᓗᑕ ᓄᓇᓕᖕᓄᑦ ᐱᔨᑦᑎᕋᖅᑕᑉᑎᖕᓄᑦ. ᐱᐅᓯᒋᐊᖅᓯᒪᔪᖅ ᐊᐅᓛᖅᑎᑦᑎᓂᕐᒧᑦ ᑕᐅᑐᒐᕆᔭᕗᑦ ᑭᖑᕙᙱᓪᓗᑎᒃ ᑲᒪᒋᔭᐅᖃᑦᑕᕐᓂᐊᖅᑐᑦ ᖃᖓᒃᑰᖓᔪᑦ ᐱᔨᑦᑎᕋᐅᑎᕗᑦ ᖃᖓᑕᓲᒦᖃᑦᑕᖅᑐᓄᑦ ᐊᒻᒪᓗ ᐱᓪᓗᕆᒃᑐᒃᑯᑦ ᐅᓯᔭᐅᔪᓂᒃ ᐊᐅᓛᖅᑎᑦᑎᓂᕗᑦ.”

ᓯᐊᓕ ᑎ ᑲᕆᐊ (Shelly De Caria)

ᑲᓇᐃᑎᐊᓐ ᓄᐊᑦᑯᑦ ᓴᕆᒪᓱᒃᑐᑦ ᓯᐊᓕ ᑎ ᑲᕆᐊ (Shelly De Caria) ᐊᖏᔪᖅᑳᕐᔪᐊᖅ ᐊᒻᒪᓗ ᐊᐅᓚᑦᑎᔨᒻᒪᕆᐅᓂᐊᕐᓂᖓᓄᑦ, ᐊᑕᐅᑦᑎᒃᑯᑦ ᐃᖅᖃᓇᐃᔮᕆᓗᓂᐅᒃ ᐊᖏᔪᖅᖄᒧᑦ ᑐᖏᓕᕆᔭᐅᓗᓂ ᓂᐅᕕᐊᒃᓴᓄᑦ, ᓴᖅᕿᔮᖅᑎᑦᑎᓂᕐᒧᑦ ᐊᒻᒪᓗ ᑐᓂᐅᖅᖃᐅᑎᓄᑦ. ᐃᓅᓚᐅᖅᑐᖅ ᐊᒻᒪᓗ ᐱᕈᖅᓴᑉᓗᓂ ᑰᔾᔪᐊᖅ, ᑯᐸᐃᒃᒥᑦ, ᐃᓄᒃᑎᑐᑦ ᐅᖃᐅᓯᖅ ᑐᒡᓕᐅᑉᓗᒍ ᐅᖃᐅᓯᕆᔭᖓ, ᓯᐊᓕᐅᑉ ᑕᑯᒃᓴᐅᑎᒃᑲᓐᓂᕐᓂᐊᖅᑕᖓ ᑲᓇᐃᑎᐊᓐ ᓄᐊᑦᑯᓐᓂᑦ ᐱᒻᒪᕆᐅᒋᔭᐅᔪᖅ ᐊᒻᒪᓗ ᐱᓂᐊᕐᓂᕇᓐᓇᖅᑕᖓᑦ ᐃᓄᐃᑦ ᓇᑭᙶᖅᓯᒪᓂᖏᓐᓂᑦ ᐊᒻᒪᓗ ᓄᓇᓕᖕᒥᐅᑕᐃᑦ ᐃᓚᐅᖃᑕᐅᓂᖏᓐᓄᑦ.

ᐃᓚᐅᓕᖅᖄᖅᑎᓐᓇᒍ ᑲᓇᐃᑎᐊᓐ ᓄᐊᑦᑯᓐᓂᑦ, ᓯᐊᓕ ᐃᑲᔪᐃᓂᖃᓚᐅᖅᑐᖅ ᐃᓄᐃᑦ ᑕᐱᕇᑦ ᑲᓇᑕᒥᒃᑯᓐᓄᑦ, ᓯᕗᒻᒧᒃᑎᓪᓗᓂᒋᑦ ᐱᔪᖕᓇᐅᑎᖏᑦ ᐊᒻᒪᓗ ᐱᔪᒪᓂᕆᔭᖏᑦ ᑲᓇᑕᒥᑦ ᐃᓅᔪᑦ. ᑲᓇᐃᑎᐊᓐ ᓄᐊᑦᑯᓐᓂᑦ, ᐱᒻᒪᕆᐅᓯᒪᔪᖅ ᐱᕙᓪᓕᐊᔭᐅᓂᖏᓐᓄᑦ ᐊᔾᔨᒌᙱᑦᑐᑦ ᓄᓇᓕᖕᒥᑦ ᐱᑖᖅᑐᕐᓂᕐᒧᑦ ᑐᕌᖓᔪᑦ ᐅᑯᐊᖑᑉᓗᑎᒃ ᐃᓕᓐᓂᐊᕐᓂᕐᒧᑦ, ᐱᖃᐃᓕᓴᕐᓂᒃᑯᑦ ᕿᑎᖕᓂᕐᓄᑦ, ᓂᕿᑦᑎᐊᕙᖕᓄᑦ ᐊᒻᒪᓗ ᐃᓱᒪᒃᑯᑦ ᖃᓄᐃᖏᑦᑎᐊᕐᓂᕐᒧᑦ, ᐊᕙᓗᓯᒪᔪᑦ ᐃᓗᐃᑦᑑᖓᔪᒃᑯᑦ ᐊᑐᖅᑕᐅᔪᒥᒃ ᓄᓇᓕᖕᒥᑦ ᐱᐅᓯᒋᐊᖅᓯᓂᐊᕐᓗᑎᒃ.

ᐊᖏᔪᖅᖄᒧᑦ ᑐᖏᓕᕆᔭᐅᔪᖅ ᓂᐅᕕᐊᒃᓴᓄᑦ, ᓴᖅᕿᔮᖅᑎᑦᑎᓂᕐᒧᑦ ᐊᒻᒪᓗ ᑐᓂᐅᖅᖃᐅᑎᓄᑦ, ᓯᐊᓕᐅᑉ ᓴᙱᒃᑎᒋᐊᖅᓯᒪᔭᖏᑦ ᑲᓇᐃᑎᐊᓐ ᓄᐊᑦᑯᑦ ᐱᓕᕆᖃᑎᖃᕐᓂᖏᑦ ᐃᓚᒋᔭᐅᔪᖏᓐᓄᑦ ᐊᒻᒪᓗ ᐊᑐᖃᑦᑕᖅᑐᖏᓐᓄᑦ. ᑎᒃᑯᐊᖅᑕᐅᓂᖓ ᐊᖏᔪᖅᖄᑉ ᐃᓂᖓᓄᑦ ᓇᓗᓇᐃᖅᓯᔪᖅ ᑎᑭᐅᑎᔭᐅᓚᐅᖅᓯᒪᙱᑦᑐᒥᑦ ᑎᑭᐅᑎᓂᕐᒧᑦ ᓯᕗᓪᓕᖅᐸᐅᑉᓗᓂ ᐃᓄᒃ ᐊᕐᓇᖅ ᓯᕗᓕᖅᑎᙳᕐᓂᖓ ᑲᓇᐃᑎᐊᓐ ᓄᐊᑦᑯᓐᓂᑦ, ᑕᑯᒃᓴᐅᑎᑦᑎᔪᖅ ᑲᓇᐃᑎᐊᓐ ᓄᐊᑦᑯᑦ ᐱᓕᕆᐊᕇᓐᓇᖅᑕᖓᓂᑦ ᐱᔨᑦᑎᓂᕐᐊᕐᓗᒋᑦ ᐅᖓᓯᒃᑐᒦᑦᑐᑦ ᐊᒻᒪᓗ ᐅᑭᐅᖅᑕᖅᑐᒦᑦᑐᑦ ᓄᓇᓖᑦ ᑲᓇᑕᒥᑦ ᐅᑭᐅᖅᑕᖓᓂᑦ.

ᖁᓕᑦ ᐅᑭᐅᑦ ᐅᖓᑖᓂᑦ ᐃᖅᖃᓇᐃᔭᖃᑦᑕᖅᓯᒪᑉᓗᓂ, ᓯᐊᓕᐅᑉ ᓯᕗᓕᖅᑎᐅᓂᖓ ᑕᑯᒃᓴᐅᑎᑦᑎᔪᖅ ᑲᓇᐃᑎᐊᓐ ᓄᐊᑦᑯᑦ ᐱᔨᑦᑎᕐᓂᐊᕐᓗᒋᑦ ᐊᔾᔨᐅᖏᑦᑐᓂᒃ ᐱᔭᕆᐊᖃᖅᑕᖏᓐᓄᑦ ᐃᓂᒋᔭᑉᑎᖕᓂᑦ. ᑲᓇᐃᑎᐊᓐ ᓄᐊᑦᑯᓐᓄᐊᖅᑎᓪᓗᒍ ᑕᒡᕘᓇᑎᒍᑦ ᖃᓄᖅᑑᕆᓂᕐᒧᑦ ᓯᕗᓕᖅᑎᒧᑦ, ᐊᑯᑉᓕᖅᓯᒪᔪᓂᒃ ᓄᓇᓕᖕᒥᑦ ᑐᑭᓯᐅᒪᓂᕆᔭᖓ, ᐊᒻᒪᓗ ᐊᐅᓛᖅᑎᑦᑎᓂᕐᒧᑦ ᖃᐅᔨᒪᓂᖃᕐᓂᕆᔭᖓ ᑲᓇᐃᑎᐊᓐ ᓄᐊᑦᑯᓐᓂᑦ ᑲᔪᓯᑎᑦᑎᔪᖅ ᖃᖓᑕᖃᑦᑕᕐᓂᖏᓐᓂᑦ ᑎᒍᒥᐊᖏᓐᓇᕐᓗᓂᖏᑦ ᑐᕌᒐᕆᔭᖏᑦ.

ᓯᐊᓕ ᐱᔾᔪᑎᒋᑉᓗᒍ, ᓯᐊᓕᐅᑉ ᐊᓕᐊᓇᐃᒋᔭᖓ ᐊᓈᓇᐅᓂᖓ ᒪᕐᕉᖕᓄᑦ ᐱᐅᑦᑎᐊᖅᑑᖕᓄᑦ ᓱᕈᓰᖕᓄᑦ ᐊᒻᒪᓗ ᓄᓕᐊᖑᓂᖓᓄᑦ, ᓯᐊᓕᒥᑦ ᐱᑕᖃᓕᖅᑎᑦᑎᒃᑲᓐᓂᖅᑐᖅ ᑕᐅᑐᒐᕆᔭᖓᓂᒃ ᐊᒻᒪᓗ ᐊᑐᕈᒪᓂᕆᔭᖓᓂᒃ ᓄᓇᓕᖕᒥᑦ ᐱᓕᕆᐊᒃᓴᓄᑦ.

Download: File Headshot for Shelly De Caria