ᐄᐳᕈ 20, 2021 – ᐅᓯᑲᖅᑕᕐᓂᓕᕆᓂᕗᑦ ᐃᖃᓗᖕᓂ ᐊᐅᓚᓂᖏᑦ ᓱᒃᑲᐃᓕᓯᒪᔪᑦ ᓱᓕ. ᐊᐅᓪᓚᖅᑎᑦᑎᓯᒪᓕᕋᓗᐊᖅᑎᓪᓗᑕ ᐅᓯᑲᖅᑕᒐᒃᓴᓂᒃ ᐊᐅᓚᓂᕆᔪᖕᓇᖅᑕᑦᑎᓐᓂᒃ ᐊᙳᑎᓯᒪᙱᑦᑐᒍᑦ ᓱᓕ. ᖁᔭᓐᓇᒦᖅᑕᕗᑦ ᐅᓯᑲᖅᑕᕈᑎᖏᓐᓂᒃ ᐱᔨᑦᑎᕋᖃᑦᑕᖅᑕᕗᑦ ᐅᑕᖅᑭᑦᑎᐊᕐᒪᑕ ᐊᒻᒪᓗ ᐃᑲᔪᖅᑐᐃᓯᒪᖕᒪᑕ ᐊᒃᓱᕈᖅᑎᓪᓗᑕ ᐊᐅᓪᓛᖅᑎᑦᑎᒐᓱᒃᑎᓪᓗᑕ ᐅᓯᑲᖅᑕᕈᑎᓂᒃ.
ᐃᖃᓗᖕᓂᑦ ᐋᑐᕚᒥᓗ ᐅᓯᑲᖅᑕᒐᒃᓴᓂᒃ ᓇᒃᓯᐅᔾᔨᒍᖕᓇᓕᕐᒥᔪᑦ ᐅᕙᑦᑎᒍᑦ ᑭᓯᐊᓂ ᐱᔭᕆᐊᖃᒻᒪᕆᒃᑐᓂᒃ ᐊᐅᓪᓚᐃᔪᖕᓇᖅᑐᑦ. ᓯᕗᓪᓕᐅᑎᓯᒪᔭᕗᑦ ᓱᓕ ᓂᕆᔭᒃᓴᑦ, ᐋᓐᓂᐊᖅᑐᓕᕆᔾᔪᑎᑦ ᐊᒻᒪᓗ ᐊᓯᖏᑦ ᐱᒻᒪᕆᐅᔪᑦ ᑕᐃᒪᐃᖏᓐᓇᕐᓂᐊᕐᓗᓂ ᐊᙳᑎᓯᒪᑦᑎᐊᖏᑎᓪᓗᑕ ᐅᓯᑲᖅᑕᒐᒃᓴᓂᒃ. ᐅᓯᑲᖅᑕᒐᒃᓴᑦ ᐱᔭᕆᐊᖃᒻᒪᕆᒃᑐᓂᒃ ᐃᓗᓕᖃᖅᑐᑦ ᑭᓯᒥᒃ ᑲᒪᒋᔭᐅᖃᑦᑕᓛᖅᑐᑦ.
ᐃᖏᕐᕋᔪᓂᒡᓗ ᖃᖓᑕᔫᖅ ᐃᓂᒃᓴᓕᐅᖅᑕᐅᓯᒪᔪᑦ ᐃᖃᓗᖕᓂᑦ ᑲᔪᓯᓛᖅᑐᑦ. ᐃᓂᒃᓴᓕᐅᖅᓯᒪᔪᑦ ᖃᐅᒋᐊᖅᑕᕐᓗᑎᒃ ᐃᙲᓇᐅᑎᒃᑯᑦ ᓇᓗᓇᐃᖅᑕᐅᑐᐃᓐᓇᕆᐊᖃᕐᒪᑕ ᖃᖓᑦᑕᕐᕕᒋᓂᐊᖅᑕᖏᑦᑕ ᒥᒃᓵᓄᑦ ᐅᕝᕙᓘᓐᓃᑦ ᐅᕙᑦᑎᓐᓄᑦ ᐅᖄᓚᒍᓐᓇᖅᑐᑦ.
ᓄᓇᕗᑦᒥᑦ ᓘᒃᑖᒻᒪᕆᒃ ᓄᑖᓂᒃ ᐱᖁᔭᓂᒃ ᓴᖅᑭᑎᑦᑎᓯᒪᓕᕐᒪᑦ, ᑭᓇᑐᐃᓐᓇᖅ ᐊᐅᓪᓛᕈᒪᔪᖅ ᑭᙵᕐᓄᑦ ᐊᒻᒪᓗ ᑭᙵᕐᓂᑦ ᑎᑎᖅᑲᖅᑖᕆᐊᖃᖅᑐᖅ ᐃᖏᕐᕋᔪᖕᓇᕐᓂᕐᒥᒃ ᐊᖏᖅᑕᐅᓯᒪᓗᓂ ᓘᒃᑖᒻᒪᕆᖕᒥᑦ.
ᖁᔭᓐᓇᒦᒻᒪᕆᒃᑕᕗᑦ ᐱᔨᑦᑎᕋᖃᑦᑕᖅᑕᕗᑦ ᐃᑲᔪᖅᑐᐃᑦᑎᐊᕐᒪᑕ ᐅᑕᖅᑭᑦᑎᐊᕐᒪᑕᓗ ᑕᒪᓐᓇ ᑲᒪᒋᑎᓪᓗᑎᒍ ᐊᒻᒪᓗ ᐊᐅᓚᑎᑦᑎᒐᓱᒃᑎᓪᓗᑕᓗ ᐱᒻᒪᕆᐅᔪᓂᒃ ᓄᓇᓕᖕᓄᑦ.
