ᐅᖓᑖᓄᑦ 30 ᐊᕐᕌᒍᓄᑦ, ᔮᓂ N. ᐋᑕᒻᔅ ᑕᑯᔅᓴᐅᑎᑦᑎᓯᒪᔪᖅ ᐆᒃᑐᕋᐅᑎᑦᑎᐊᕙᐅᓪᓗᓂ ᑲᔪᖏᖅᓯᒪᓂᖓ ᐱᕙᓪᓕᐊᑎᑕᐅᓂᖏᓐᓄᑦ ᐃᓄᐃᑦ ᓄᓇᓕᖏᓐᓂ ᓄᓇᕕᒻᒥ. ᓂᕈᐊᖅᑕᐅᖃᑦᑕᓂᕐᒧᑦ ᐊᒻᒪ ᓇᒻᒥᓂᕆᔭᖏᑦ ᑎᑭᑦᑎᓯᒪᔭᖏᑦ ᐊᒥᓱᒐᓚᐅᔪᑦ. ᐃᖅᑲᓇᐃᔮᕆᔭᖓ ᐱᒋᐊᕐᓂᖃᓚᐅᖅᑐᖅ ᖃᖓᑕᓲᓕᕆᓂᕐᒥᑦ 1979−ᒥᑦ ᐊᒻᒪ ᑎᒍᒥᐊᖅᑐᓂ ᑕᒪᒃᑭᓐᓂ ᑮᓇᐅᔭᓕᐅᕋᓱᐊᖅᑐᓄᑦ ᐃᑲᔪᓱᖅᑕᐅᓂᕐᒧᑦ ᐃᓴᕈᓕᓐᓄᑦ ᐊᒻᒪ ᐸᐅᑎᓕᓐᓄᑦ ᖃᖓᑕᓲᓂᑦ. ᖃᐅᔨᒪᓇᓛᖑᔪᖅ, ᒥᔅᑕ ᐋᑕᒻᔅ ᑎᒍᒥᐊᖅᑎᐅᓯᒪᔪᖅ ᐃᓂᐅᔫᓐᓂ ᒪᐃᔭ ᐅᐊᓐᓇᖓᓂ ᕕᓕᔅᖓ ᑰᔾᔪᐊᖅ, ᐃᔅᓯᕙᐅᑕᐅᓪᓗᓂ ᑲᑎᕕᑦ ᐊᕕᑦᑐᖅᓯᒪᔪᒧᑦ ᒐᕙᒪᒃᑯᖏᓐᓄᑦ ᐊᒻᒪᓗ ᐊᖏᔪᖅᑳᖑᓪᓗᓂ ᑲᑎᕕᒃ ᐊᕕᑦᑐᖅᓯᒪᔪᒧᑦ ᐱᕙᓪᓕᐊᑎᑦᑎᓂᕐᒧᑦ ᑲᑎᒪᔨᖏᓐᓂ. ᐊᑎᓕᐅᖃᑕᐅᓯᒪᔪᖅ 2002 ᓴᓇᕐᕈᑎᒃ ᐊᖏᕈᑎᒥᑦ, ᓇᒻᒥᓂᖃᓂᕐᒧᑦ ᑲᑎᙵᔪᓂᑦ ᐅᑯᓇᖓᑦ ᑯᐸᐃᒃ ᐊᒻᒪ ᐃᓄᐃᑦ ᐊᒻᒪ ᓇᓗᓇᐃᖅᓯᓯᒪᔪᖅ ᑮᓇᐅᔭᓕᕆᓂᕐᒧᑦ ᐱᕙᓪᓕᐊᑎᑦᑎᓂᕐᒧᑦ ᓴᓇᕐᕈᑎᐅᓪᓗᓂ ᓄᓇᕕᒻᒧᑦ. ᒥᔅᑕ ᐋᑕᒻᔅ ᓇᒻᒥᓂᖃᓂᕐᒧᑦ ᐃᖅᑲᓇᐃᔭᖃᑦᑕᖅᓯᒪᒻᒪᕆᑦᑐᖅ ᐊᕕᑦᑐᖅᓯᒪᔪᒧᑦ ᖃᖓᑕᓲᓕᕆᓂᕐᒧᑦ, ᐊᐅᓪᓚᕈᔾᔨᓂᕐᒧᑦ ᐊᒻᒪ ᐃᓪᓗᓕᐅᓂᕐᒧᑦ. ᑎᒃᑯᐊᖅᑕᐅᓯᒪᔪᖅ ᓇᐃᑦ Ordre national du Québec 2006−ᒥᑦ ᐊᒻᒪ ᐱᑎᑕᐅᓯᒪᓪᓗᓂ ᓄᓇᓕᒻᒥᑦ ᐃᓕᓴᕆᔭᐅᓂᕐᒧᑦ ᐱᔾᔪᓯᐊᒥᑦ 1990−ᒥᑦ, ᔮᓂ N. ᐋᑕᒻᔅ ᐃᓕᓴᕆᔭᐅᓯᒪᔪᖅ ᑐᓂᓯᓯᒪᓂᖓᓄᑦ ᐊᔾᔨᒌᒌᖏᑦᑎᑦᑎᔪᓂ ᐱᓕᕆᖃᑎᒌᓐᓂᕐᒧᑦ ᒫᓐᓇᐅᔪᒥᑦ ᖁᕕᐊᒋᔭᐅᔪᖅ ᐃᓄᓐᓄᑦ ᑯᐸᐃᒃ ᑕᕐᕋᖓᓂ ᐊᒻᒪ ᑯᐸᐃᒃ ᒐᕙᒪᒃᑯᖏᓐᓂ.
ᑲᑎᒪᔨᓄᑦ ᐃᔅᓯᕙᐅᑕᖃᖃᑕᐅᔪᖅ ᕿᑭᖅᑕᓂ ᓯᕗᓪᓕᖅᐹᑦ ᖃᖓᑕᓲᓕᕆᓂᕐᒧᑦ ᑎᒥᖓᓐᓂ, ᑲᑎᒪᔨᓄᑦ ᐃᔅᓯᕙᐅᑕᐅᓚᐅᖅᑐᖅ ᐅᑭᐅᖅᑕᖅᑐᒥ ᕉᔅ ᑲᑐᔾᔨᖃᑎᒌᖏᑦ. ᑮᓇᐅᔭᓕᐅᕋᓱᐊᕐᓂᒃᑯᑦ ᐃᑲᔪᓱᖅᑕᐅᔪᖅ ᑕᒪᒃᑭᓐᓄ ᐃᓴᕈᓕᓐᓄᑦ ᐊᒻᒪ ᐸᐅᑎᓕᓐᓄᑦ ᖃᖓᑕᓲᓂᑦ ᐊᒻᒪ ᑲᑎᒪᔨᐅᖃᑕᐅᓯᒪᔪᖅ ᑲᓇᐃᑎᐊᓐ ᓄᐊᑦ 2006−ᒥᓂᑦ (ᕗᔅᑦ ᐃᐅ−ᖑᓚᐅᖅᑐᑦ). ᑎᒃᑯᐊᖅᑕᐅᓚᐅᖅᑐᖅ ᑲᓇᐃᑎᐊᓐ ᓄᐊᑦ ᓯᕗᓕᖅᑎᓂ ᐃᔅᓯᕙᐅᑕᕆᔭᐅᓪᓗᓂ 2018−ᒥᑦ. ᑎᒃᑯᐊᖅᑕᐅᕋᑖᓚᐅᖅᑐᖅ ᐃᓕᓴᕆᔭᐅᓪᓗᓂ ᐱᓕᕆᔨ ᐃᓕᓴᕆᔭᐅᔪᓂᑦ ᑲᓇᑕᒥ 2023−ᒥᑦ.