ᑲᓇᐃᑎᐊᓐ ᓄᐊᑦ−ᒃᑯᑦ ᑲᒪᒋᓂᐊᕐᓂᕋᖅᓯᒪᓪᓗᓂᐅᒃ ᐱᕙᓪᓕᐊᑎᑦᑎᓗᑎᑦ ᖃᓄᐃᓕᐅᕈᓘᔭᒻᒪᕆᑦᑐᓂᒃ, ᑲᓱᖅᓯᒪᐅᑦᑎᐊᕐᓗᑎᑦ ᓄᓇᓕᐅᔪᑦ, ᐅᐱᒍᓱᑉᐳᒍᑦ ᐃᑲᔪᕆᐊᒃᓴᖅ ᐃᙱᖅᑏᑦ ᖃᐃᖅᓱᒥ ᐃᙱᖃᑦᑕᖅᑎᓪᓗᒋᑦ ᓇᓪᓕᐅᓐᓂᖅᓯᐅᖅᑐᑎᑦ
ᐅᖓᑖᓃᓗᐊᖅᑐᖅ ᐱᓇᓱᐊᕈᓯᑉ ᓄᙳᐊᓂ ᐃᙱᖅᑐᖃᖃᑦᑕᓚᐅᖅᑐᖅ, ᐃᙱᖅᑐᖃᖃᑦᑕᖅᑎᓪᓗᒍ ᐊᐅᔭᒃᑯᑦ ᐱᐅᓛᖑᓲᖅ ᐊᒻᒪᓗ ᐃᓕᖅᑯᓯᕐᒥᒃ ᓇᓪᓕᐅᓐᓂᖅᓯᐅᕐᓂᖃᖅᑐᑎᑦ ᓄᓇᑦᓯᐊᕐᒥ ᑲᑎᑎᑦᑎᓲᑦ ᓄᓇᓕᒻᒥ ᐆᒻᒪᕆᑦᑐᑯᓗᓐᓂᒃ ᑕᐅᑐᕋᓐᓈᖅᑎᑦᑎᓪᓗᑎᑦ, ᓄᓇᓕᒻᒥᐅᓄᑦ ᓴᓇᔭᐅᓂᑯᒥᓂᕐᓂᒃ ᓴᓇᐅᒐᖅᑕᖃᓲᖑᓪᓗᓂ ᐊᒻᒪᓗ ᐃᓕᖅᑯᓯᕐᒧᑦ ᐱᓕᕆᐊᓕᐅᖅᑐᑦ. ᑕᒪᓐᓇ ᐃᙱᓐᓂᐅᔪᖅ ᑲᑎᑎᑦᑎᓲᖅ ᑕᐅᓴᖏᓐᓂᓗᐊᖅᑐᓂᒃ ᐃᓄᓐᓂᒃ ᓄᓇᖅᑲᑎᒌᓐᓂᖅ ᓴᖅᑭᔮᑦᑎᐊᓲᖑᓪᓗᓂ, ᖃᓄᖅᑑᕈᓐᓇᕐᓂᖏᓐᓂᒃ, ᐊᒻᒪᓗ ᐅᑭᐅᖅᑕᖅᑐᑉ ᖃᓄᐃᑦᑑᒍᓐᓇᕐᓂᖓᓂᒃ ᑕᑯᒃᓴᐅᑎᑦᑎᓪᓗᑎᑦ.
ᐃᙱᖅᑏᑦ ᖃᐃᖅᓱᒥ ᐱᒋᐊᓚᐅᖅᓯᒪᔪᑦ 1980−ᐅᑎᓪᓗᒍ ᐅᓪᓗᖅ ᐊᑕᐅᓯᕐᒥᒃ, ᑕᐅᑐᕋᓐᓈᕐᕕᒻᒦᑦᑐᑎᑦ ᑕᑯᒃᓴᑎᑦᑎᔪᑦ ᓄᓇᓕᒻᒥᐅᑦ ᐊᔪᙱᓐᓂᖏᓐᓂᒃ. 45 ᐊᕐᕌᒍᑦ ᐊᓂᒍᖅᓯᒪᓕᖅᑎᓪᓗᒋᑦ, ᐊᖏᓪᓕᒋᐊᖅᓯᒪᓕᖅᑐᖅ ᐱᖓᓱᓄᑦ ᐅᓪᓗᓄᑦ ᐃᙱᖅᑐᖃᖃᑦᑕᓕᖅᑐᓂ, ᐱᖓᓲᔪᖅᑐᑦ ᑕᐅᑐᕋᓐᓈᕐᕖᑦ ᓇᓪᓕᐅᓐᓂᖅᓯᐅᖅᑐᑦ ᐃᙱᖅᑏᑦ ᑎᑭᑉᐸᑦᑐᑎᑦ ᓄᓇᑦᓯᐊᕐᒥ, ᓄᓇᕗᑦ ᐊᒻᒪᓗ ᑲᓇᑕᓕᒫᕐᒥ. ᐃᙱᖅᑎᑦ ᖄᖓᒍᒃᑲᓐᓂᖅ ᖁᕕᐊᓱᒍᓐᓇᓲᖑᒋᕗᑦ ᓄᓇᕐᔪᐊᕐᒥ ᐱᖅᑯᓯᑎᒍᓪᓗ ᓂᕿᓂᒃ ᓂᕆᒍᓐᓇᖅᐸᑦᑐᑎᑦ ᓂᕆᕕᐅᕙᑦᑐᒥ, ᑕᑯᓂᐊᕐᓗᒋᑦ ᖃᑭᒍᑎᒃᓴᓕᐅᙱᑦᑐᑦ ᑲᑐᔾᔨᔩᑦ ᐊᒻᒪᓗ ᖃᓄᐃᓕᐅᕐᓂᖏᑦ, ᐊᒻᒪᓗ ᓂᐅᕕᕐᓗᑎᑦ ᐅᑭᐅᖅᑕᖅᑐᒥ ᓴᓇᔭᐅᓯᒪᐅᑦᑎᐊᖅᑐᓂᒃ ᓴᓇᔩᑦ ᑐᐱᖓᓂ ᓂᐅᕕᐊᒃᓴᖅᑕᓕᒻᒥ.
ᑲᓇᐃᑎᐊᓐ ᓄᐊᑦ ᐅᐱᒍᓱᑦᑐᑎᑦ ᐃᑲᔪᖅᑎᐅᓯᒪᔪᑦ ᐃᙱᖅᑏᑦ ᖃᐃᖅᓱᒥ ᐃᙱᖃᑦᑕᖅᑎᓪᓗᒋᑦ ᐅᖓᑖᓂ 25 ᐊᕐᕌᒎᓕᖅᑐᓂᑦ, ᐊᒻᒪᓗ ᑲᔪᓯᓂᖃᖅᑐᑦ ᐊᑑᑎᖃᑦᑎᐊᖅᑐᒃᑯᑦ ᐱᓕᕆᖃᑎᖃᖃᑦᑕᕐᓂᑦᑎᓐᓂᒃ ᐅᑭᐅᖅᑕᖅᑐᒥᐅᓂᒃ. ᑕᑯᓪᓗᒋᑦ ᑲᓇᐃᑎᐊ ᓄᐊᑦ−ᒃᑯᑦ ᐃᖅᑲᓇᐃᔭᖅᑎᖏᑦ, ᐃᓚᖏᑦ, ᐊᒻᒪᓗ ᐱᖃᓐᓇᕆᔭᖏᑦ ᖁᕕᐊᓱᑦᑐᑯᓘᑎᓪᓗᒋᑦ ᓇᓪᓕᐅᓐᓂᖅᓯᐅᖅᑐᖃᖅᑎᓪᓗᒍ ᐱᐅᔪᒻᒪᕆᐊᓘᓚᐅᖅᑐᖅ ᐱᓇᓱᐊᕈᓯᑉ ᓄᙳᐊᓂ ᐅᕙᑦᑎᓐᓄᓕᒫᖅ.
ᐃᙱᖅᑏᑦ ᖃᐃᖅᓱᒥ ᐃᙱᖃᑦᑕᕐᓂᖏᑦᑕ ᐱᓇᓱᐊᒐᖓ ᓄᓇᖅᑲᑎᒌᑦᑐᕐᔫᔮᓕᕐᓗᑎᑦ ᐃᓄᐃᑦ ᐊᒻᒪᓗ ᐅᐱᒍᓱᓪᓗᑎᑦ ᓄᓇᑦᓯᐊᕐᒥ ᑕᐅᑐᕋᓐᓈᖅᑎᑦᑎᓂᖏᑎᒍᑦ ᓴᓇᙳᐊᒐᓂᓪᓗ ᐃᓕᖅᑯᓯᕐᒧᓪᓗ ᐱᓕᕆᐊᖃᐅᕐᓗᑎᑦ ᓇᓕᒧᓐᓂᖃᐅᖅᑐᑦ ᑲᓇᑕᑉ ᐅᑭᐅᖅᑕᖅᑐᖓᑕ ᐱᓇᓱᐊᒐᖓᓂᒃ ᐊᑑᑎᖃᕐᓗᑎᑦ ᓄᓇᓕᓐᓄᑦ ᐱᔨᑦᑎᖅᐸᑦᑕᑦᑎᓐᓄᑦ. ᐅᐱᒍᓱᑉᐳᒍᑦ ᐃᑲᔪᖅᑐᐃᔭᕆᐊᒃᓴᖅ ᑕᒪᔅᓱᒥᖓ ᐃᙱᖃᑦᑕᕐᓂᐅᔪᒥᒃ ᐊᔾᔨᖃᖅᑐᖅ ᐊᔾᔨᒌᙱᑦᑑᑕᐅᓂᖏᑦ ᐊᒻᒪᓗ ᐅᑭᐅᖅᑕᖅᑐᑉ ᖃᓄᐃᑦᑑᓂᖓᓂᒃ ᑕᑯᒃᓴᐅᑎᑦᑎᔪᑦ.
– ᔮᓇᑕᓐ ᕙᑦ, ᐊᐅᓚᑦᑎᔨ, ᓂᐅᕕᐊᒃᓴᖃᕐᓂᕐᒧᑦ ᓄᓇᓕᒻᒥᐅᓂᓪᓗ ᐱᓕᕆᖃᑎᖃᕐᓂᕐᒧᑦ
