ᐱᒋᐊᖅᑕᐅᓚᐅᖅᑐᖅ ᐊᕐᕌᒍᓂ ᐱᖓᓲᓕᖅᑐᓂᑦ ᐃᓱᒪᒋᔭᐅᓗᓂ ᐃᑲᔪᕐᓗᒍ ᓄᓇᓕᐅᔪᖅ ᐱᕈᖅᓯᒪᓕᖅᑐᖅ ᐱᐅᒋᔭᐅᑦᑎᐊᖅᑐᓂ ᐊᕐᕌᒍᑕᒫᑦ ᖃᓄᐃᓘᖅᑕᐅᕙᑦᑐᖅ ᐊᖏᔪᒥᑦ ᐊᑦᑐᐃᓂᖃᖅᑐᓂ.
ᑰᓕᖕᓂᖅ ᐱᔾᔪᑎᐅᔪᒧᑦ (Curling for the Cause) ᑲᑎᑦᑎᑦᑎᔪᑦ ᓄᓇᓕᒻᒥ ᑰᓕᖕᑎᓂᑦ, ᐸᐱᑉᖄᖅᑎᓂᑦ, ᐊᒻᒪ ᓄᓇᓕᒻᒥᐅᑕᓂᑦ ᐅᓪᓗᖓᓂ ᖁᕕᐊᓱᒍᑎᖃᖅᑐᑎᑦ ᐊᒻᒪ ᑐᓂᓯᓂᖃᖅᑐᑎᑦ.
ᐋᖅᑭᓱᖅᑕᐅᓯᒪᔪᖅ ᑲᓇᐃᑎᐊᓐ ᓄᐊᑦ ᕙᐃᑦ ᑭᖕᑕᓐ, ᐱᓕᕆᖃᑎᖃᖅᑐᑎ ᐃᖃᓗᐃᑦ ᑰᓕᖕᑏᑦ ᑎᒥᖓᑦ ᐊᒻᒪ ᕗᕈᐱᓱ ᕌᑲᖅᑏᑦ ᑎᒥᖓᑦ, ᖃᓄᐃᓘᕐᓂᐅᔪᖅ ᑲᑎᑦᑎᑎᓂᖃᖅᑐᖅ ᑰᓕᖕᑐᓂᑦ ᐊᒻᒪ ᐸᐱᑉᑳᖅᑐᓂᑦ ᖁᕕᐊᓱᓐᓂᕐᒧᑦ ᐅᓪᓗᕐᒥ ᐊᑕᐅᓯᕐᒥᑦ ᐊᑭᑦᑐᕋᐅᑎᔪᓂᑦ. ᑕᐱᕇᑦ ᐱᓐᖑᐊᓂᖃᖅᑐᑦ ᑎᓴᒪᐃᕋᖅᑐᓂᑦ ᑰᓕᖕᓂᕐᒥᑦ ᐊᒻᒪ ᐊᑭᑦᑐᕋᐅᑎᓪᓗᑎ ᑕᓪᓕᒪᐃᕋᓗᑎ ᐱᓐᖑᐊᕐᓗᑎ ᐱᖓᓱᐊᖅᑎᖅᑐᓂᑦ ᓵᓚᖃᕆᐊᓕᓐᓂᑦ ᐸᐱᑉᑳᖅᑐᓂᑦ. ᐊᒻᒪ ᐃᓚᒋᔭᐅᖃᑕᐅᔪᑦ ᖃᐅᔨᒪᓇᓱᑦᑎᐊᑎᓪᓗᒋᑦ ᐱᑦᑎᐊᑎᐊᕐᓗᑎ, ᐱᓕᕆᔭᓪᓗᐊᑕᐅᔪᕐᓕ ᐃᑲᔪᖃᑦᑕᐅᑎᓂᕐᒧᑦ.
ᐊᕐᕌᒍᑕᒫᑦ, ᐃᓚᒋᔭᐅᖃᑕᐅᔪᑦ ᓇᔅᓴᖁᔭᐅᔪᑦ ᓱᕋᑦᑕᐅᑎᒋᖏᑦᑐᓂᑦ ᓂᕿᓂᑦ ᐃᓚᒋᓪᓗᓂᐅᒃ ᐃᓯᕈᑎᖏᓐᓄᑦ. ᓂᐅᕕᐊᖑᔪᓄᑦ ᑲᐃᓪᓗᐊᕈᑏᑦ ᐊᔅᓱᓗᐊᖃᖅᑎᑕᐅᔪᑦ ᐱᓕᕆᕕᐅᔪᒥᑦ ᐊᒻᒪ ᐃᓗᓪᓕᖅᑕᐅᓪᓗᓂ ᐅᓪᓗᖓᓂ, ᑐᓂᔭᐅᑐᐃᓐᓇᖅᑐᓕᒫᑦ ᐅᕗᓐᖓᑕᐅᓪᓗᑎ ᖃᔪᑐᖅᑐᕐᕕᒃ ᓄᓇᓕᒻᒥ ᓂᕿᑖᕐᕕᒃ. ᑕᒪᑐᒪᓂ ᐊᕐᕌᒍᒥ, ᐱᖓᓱᑦ ᑕᑕᑦᑐᑦ ᓂᐅᕕᐊᖑᔪᓄᑦ ᑲᐃᓪᓗᐊᕈᑏᑦ ᓄᐊᑦᑎᕕᐅᓚᐅᖅᑐᑦ, ᐊᒥᓲᓂᖅᓴᐃᑦ ᑐᓂᔭᐅᑐᐃᓐᓇᖃᑦᑕᑎᓪᓗᒋᑦ ᐊᕐᕌᒍᑕᒫᑦ. ᑐᕌᒐᕆᔭᖓ ᐊᕐᕌᒎᓛᖅᑐᒥᑦ: ᐊᒥᓲᓂᖅᓴᑲᓐᓃᑦ ᑲᐃᓪᓗᐊᕈᑏᑦ, ᐊᒻᒪ ᐊᒥᓲᓂᖅᓴᑲᓐᓃᑦ ᓄᓇᓕᒻᒥ ᐃᓚᒋᔭᐅᖃᑕᐅᔪᑦ.
ᑲᓇᐃᑎᐊᓐ ᓄᐊᑦ ᓂᕕᖓᔪᖅ ᑎᑎᖅᑲᖏᑦ ᓂᕕᖓᑎᑕᐅᔪᖅ ᐱᓕᕆᕕᐅᔪᒥᑦ, ᐊᒻᒪ ᐊᒥᓱᒐᒪᐃᑦ ᐱᓐᖑᐊᖅᑏᑦ ᐊᖏᕋᐅᔾᔨᓚᐅᖅᑐᑦ ᐱᔾᔪᓯᐊᖅᑐᑎᑦ ᖃᓄᐃᓘᖅᑕᐅᔪᒥᑦ. ᐅᓪᓗᒋᔭᖓ ᑕᑯᔅᓴᐅᑎᑦᑎᓪᓗᓂ ᐱᔾᔪᑎᒥᒋᔭᖓᓄ ᓄᓇᓕᐅᔪᖅ: ᑲᑎᖃᑎᒌᑦᑐᑎ, ᓅᑖᓂᑦ ᐆᑦᑐᖅᑐᑎᑦ, ᐊᒻᒪ ᑐᓂᓯᓪᓗᑎ ᖁᕕᐊᓇᖅᑐᒃᑯᑦ ᐊᒻᒪ ᑐᑭᖃᑦᑎᐊᑐᒃᑯᑦ.
