ᖃᔅᓰᓇᐃᑦ ᐊᐅᓪᓚᕐᓗᓂ ᐊᔪᕆᒃᓯᐅᔾᔨᒍᑎᑦ
ᐊᐅᓪᓚᑎᓪᓗᒍ ᐱᔭᐅᓯᒪᒋᐊᓕᑦ
ᑲᓇᐃᑎᐊᓐ ᓄᐊᑦ ᑐᙵᓱᒃᑎᑦᑎᒻᒪᑦ ᐃᓘᓐᓇᖏᓐᓂᒃ ᐃᑭᒪᔪᓂᒃ ᐃᓚᒋᔭᐅᓪᓗᑎᒃ ᑕᐃᒃᑯᐊ ᐃᒃᓯᕚᓪᓗᑎᒃ ᑲᐃᓪᓗᐊᕈᑎᒦᑦᑐᓂᒃ, ᑕᐃᒃᑯᓂᖓ ᐊᖏᓂᖅᓴᒥᒃ ᐃᓂᖃᕆᐊᓕᓐᓂᒃ, ᑕᐃᒃᑯᓂᖓ ᐊᐅᓪᓚᖅᑐᓂᒃ ᕿᑐᙵᖃᓪᓗᑎᒃ ᐅᕝᕙᓘᓐᓃᑦ ᑎᒍᐊᖁᑎᖃᓪᓗᑎᒃ, ᐊᒻᒪᓗ ᑕᐃᒃᑯᓂᖓ ᓂᕆᔭᖏᑦ ᐱᖃᓯᐅᔾᔨᖏᒋᐊᖃᒃᑐᑦ ᐊᒻᒪᓗ ᑕᐃᒃᑯᓂᖓᓪᓗᐊᖅ ᓂᕆᓂᐊᖅᑕᖏᑦ ᐱᑕᖃᕆᐊᓕᓐᓂᒃ.
ᓱᕈᓰᑦ
ᓱᕈᓰᑦ ᓄᑕᕋᓛᑦ
ᓄᑕᕋᓛᑦ ᒪᑯᐊᖑᕗᑦ 2 ᐊᕐᕌᒍᓕᑦ ᐅᑭᐅᖃᓪᓗᑎᒃ ᐊᒻᒪᓗ ᐊᐅᓚᖃᑕᐅᒍᓐᓇᖅᑐᑎᒃ ᐊᑭᖃᖏᓪᓗᑎᒃ ᓇᔪᒐᖃᖏᑐᐊᖃᑕ ᓇᒻᒥᓂᖅ ᐃᒃᓯᕚᕐᕕᒻᒥᒃ (ᐊᑕᐅᓯᒻᒥᒃ ᓄᑕᕋᓛᖃᕈᓐᓇᕐᓗᑎᒃ ᐊᑐᓂ ᐃᓇᐃᑦ ᐃᑭᒪᔨᐊᕆᔭᐅᔪᑦ).
- ᓄᑕᕋᓛᑦ ᐱᑎᑕᐅᓂᐊᖅᑐᖅ ᖃᖓᑦᑕᐅᑎᒥᒃ ᐊᑭᖃᖏᑎᓪᓗᒍ ᐃᓘᓐᓇᑎᒃ ᐃᑭᒪᔨᐊᕆᔭᐅᔪᓕᒫᑦ ᐱᖃᕆᐊᖃᒃᑐᐃᓐᓇᐅᒻᒪᑕ ᖃᖓᑦᑕᐅᑎᖃᕆᐊᖃᓪᓗᑎᒃ ᐊᐅᓪᓚᖅᑎᓪᓗᒋᑦ.
- ᓄᑕᕋᓐᓂᒃ ᑲᐃᓪᓗᐊᖅᓯᒍᑎᑦ ᑕᐅᕗᖓᐅᔭᐅᒍᓐᓇᖅᑐᑦ ᐃᓯᖅᑕᕐᕕᖓᓄᑦ ᐊᒻᒪᓗ ᐃᓯᖅᑕᕕᒻᒥ ᖃᐅᔨᓴᖅᑕᐅᓗᑎᒃ ᐱᒡᒐᓇᖏᑎᑦᑎᒍᑕᐅᖁᓪᓗᒍ ᑲᐃᓪᓗᐊᖅᓯᒍᑕᐅᓗᓂ.
- ᓄᓇᓯᐅᑎᒥ ᐃᒃᓯᕚᕐᕕᑦ ᐱᔭᐅᑎᑕᐅᓱᖑᕗᑦ ᐃᓚᔭᐅᒃᑲᓐᓂᕐᓇᑎᒃ ᐊᑭᓕᕆᐊᓕᒃ ᐃᑭᒪᔨᐊᖑᔪᒧᑦ.
- ᐃᒃᓯᕚᕐᕕᒃ ᓂᐅᕕᐊᖑᒍᓐᓇᖅᑐᑦ ᓄᑕᕋᓛᖅᓯᐅᑎᒋᔭᐅᓗᑎᒃ ᓱᕈᓯᖅᓯᐅᑎᓂᒃ ᐊᑭᖃᒃᑎᑕᐅᓗᓂ, ᐊᒻᒪᓗ ᐱᓯᒪᒃᓯᔪᖅ ᐃᓐᓇᖅ ᐱᒍᓐᓇᖅᑎᑕᐅᓂᐊᕐᒥᔪᖅ ᓄᓇᓯᐅᑎᒥ ᐃᒃᓯᕚᕐᕕᒻᒥᒃ ᐃᑭᒪᕕᐅᔪᒥ ᐃᒫᖑᑐᐊᖃᑦ ᒪᓕᒡᓗᓂ ᓄᓇᓯᐅᑎ ᐃᒃᓯᕚᕐᕕᖓᓂᒃ ᓈᒻᒪᒋᔭᐅᔪᒥᒃ ᑲᓇᑕᒥ ᐊᐅᓚᐅᑎᓕᑦ ᓄᓇᓯᐅᑎᑦ ᐊᑦᑕᓐᓇᖅᑕᐃᓕᒪᓂᒻᒧᑦ ᐱᓕᕆᔾᔪᑕᐅᓪᓗᐊᑕᓱᓂᒃ (CMVSS) 213 ᐅᕝᕙᓘᓐᓃᑦ 213.1.
ᑐᖔᓂᑦᑐᖅ 12 ᐊᕐᕌᒍᓂᒃ ᐅᑭᐅᓕᑦ
ᓱᕈᓯᑦ ᑐᖔᓂ 12−ᓂᒃ ᐊᕐᕌᒍᓂᒃ ᐅᑭᐅᓕᑦ ᐊᐅᓚᖃᑕᐅᒍᓐᓇᖅᑐᑦ ᖃᖓᑕᔪᓂ ᐱᖃᑎᒋᔭᐅᑐᐋᖃᑕ ᐃᑭᒪᔪᒧᑦ ᑎᑭᐅᒪᓗᑎᒃ 12 ᐊᕐᕌᒍᓂᒃ ᐅᑭᐅᖃᓪᓗᑎᒃ. ᐊᑕᐅᓯᖅ ᓱᕈᓯᖅ ᑐᖔᓂ 2 ᐊᕐᕌᒍᓕᑦ ᐅᑭᐅᖃᓪᓗᑎᒃ ᐊᐅᓚᖃᑕᐅᒍᓐᓇᖅᑐᑦ ᐊᑭᖃᖏᓪᓗᑎᒃ ᐊᑐᓂ ᖃᖓᑦᑕᐅᑎᒥᒃ ᐊᑭᓖᓯᒪᓗᓂ ᐃᑭᒪᖃᑕᐅᔪᒧᑦ ᐅᖓᑖᓂ ᐅᑭᐅᖃᑎᓪᓗᒍ 12−ᓂᒃ, ᐃᒫᖑᑐᐊᖃᑕ ᓇᔪᖅᓯᓗᑎᒃ ᑕᕝᕙᓂᔅᓴᐃᓐᓇᖅ ᐃᒃᓯᕚᕐᕕᒻᒥᒃ ᐅᕝᕙᓘᓐᓃᑦ ᓴᓂᑦᑎᐊᖓᓃᑎᓪᓗᒍ ᐃᒃᓯᕚᕐᕕᒻᒥ.
ᓱᕈᓰᑦ ᐊᐅᓪᓚᖅᑐᑦ ᐱᓯᒪᒃᓯᔨᐊᖃᖏᓪᓗᑎᒃ (ᐱᓯᒪᒃᓯᔨᖃᖏᑦᑐᑦ ᒪᒃᑯᓗᐊᖅᑐᑦ)
ᓱᕈᓯᑦ ᑐᖔᓂ 5 ᐊᕐᕌᒍᓂᒃ ᐅᑭᐅᓕᑦ ᐊᐅᓪᓚᖅᑐᑦ ᐱᓯᒪᒃᓯᔨᖃᖏᓪᓗᑎᒃ ᐊᖏᖅᑕᐅᒍᓐᓇᖏᑦᑐᑦ ᖃᓄᑐᐃᓐᓇᐅᒐᓗᐊᖃᑕ ᖃᓄᐃᓕᖓᑎᑕᐅᓂᖏᑦ.
ᓱᕈᓯᑦ ᐅᑭᐅᓕᑦ 5−ᓂᒃ ᑎᑭᓪᓗᒋᑦ 11−ᓂᒃ ᐱᖃᓯᐅᑎᔭᐅᓗᑎᒃ, ᐊᐅᓪᓚᖅᑐᑦ ᐱᓯᒪᒃᓯᔨᖃᖏᓪᓗᑎᒃ ᐃᓱᒪᒋᔭᐅᕗᑦ ᐱᓯᒪᔨᖃᖏᑦᑐᑎᑐᑦ ᐃᓅᓱᓗᐊᖅᑐᑦ ᐊᒻᒪᓗ ᐊᖏᖅᑕᐅᓲᖑᓪᓗᑎᒃ ᑭᓯᐊᓂ ᒪᑯᓂᖓ ᒪᓕᒋᐊᖃᒃᑎᑕᐅᖃᒃᑎᓪᓗᒋᑦ:
- ᕿᑐᖓᖃᒃᑎ ᐅᕝᕙᓘᓐᓃᑦ ᑲᒪᑦᑎᐊᕐᓗᓂ ᐃᓐᓇᖅ ᐱᓯᒪᒃᓯᖃᑦ ᐱᓯᒪᔨᖃᖏᑦᑐᒥᒃ ᐃᓅᓱᓗᐊᖅᑐᒥᒃ ᑕᐃᑯᖓ ᐊᐅᓪᓚᓂᖓᓄᑦ ᑎᑭᓪᓗᒍ ᐊᒻᒪᓗ ᑕᐃᒪᐃᓕᖓᐃᓐᓇᕐᓗᓂ ᓱᕈᓯᖅ ᖃᖓᑕᓲᒧᕋᓱᐊᕐᓂᖓᓂ.
- ᐃᓐᓇᖅ ᓈᒻᒪᒃᓴᓕᖅᑎᑦᑎᒋᐊᓕᒃ ᖃᖓᑕᓲᖁᑎᓂᒃ ᑕᐃᓐᓇ ᐱᓯᒪᔨᖃᖏᑦᑐᖅ ᐃᓅᓱᓗᐊᖅᑐᖅ ᑲᑎᔭᐅᓂᐋᕐᓂᖓᓂᒃ ᑎᑭᑐᐊᖃᑕ ᐱᖃᑖᓄᑦ ᕿᑐᖓᖃᒃᑎᐅᔪᒧᑦ ᐅᕝᕙᓘᓐᓃᑦ ᑲᒪᒋᔭᓕᒻᒧᑦ ᐃᓐᓇᒻᒧᑦ.
- ᐱᔨᔅᓯᕈᑎ ᐊᑭᓕᕆᐊᓕᒃ ᐃᒫᑎᒋᖅᑐᖅ $100.00 ᐃᓚᖃᑎᓪᓗᒍ ᑖᒃᓯᔭᕈᑎᒥᒃ (ᐊᑎᑐᓛᖃᑎᓪᓗᒍ ᐃᒫᑎᒋᖅᑐᒥᒃ $115.00−ᒥᒃ) ᐊᑐᖅᑕᐅᒍᓐᓇᖁᒃ, ᐊᑐᓂ ᑐᕌᒃᑕᖏᓐᓂ
- ᐱᓯᒪᔨᖃᖏᑦᑐᑦ ᐃᓅᓱᓗᐊᖅᑐᑦ ᐊᑭᓕᕆᐊᖃᒃᑎᑕᐅᓂᐊᖅᑐᖅ ᐃᓐᓇᖅᓯᐅᑎᒥᒃ ᖃᖓᑦᑕᐅᑎᖃᑎᓪᓗᒍ.
- ᐃᓘᓐᓇᑎᒃ ᐱᓯᒪᔨᖃᖏᑦᑐᑦ ᐃᓅᓱᓗᐊᖅᑐᑦ ᐊᐅᓚᖅᑐᑦ ᐃᑭᒪᐃᓐᓇᕆᐊᓕᒃ ᑲᓇᐃᑎᐊᓐ ᓄᐊᑦ ᖃᖓᑕᓂᑐᐊᖏᓐᓂ ᐊᓯᖏᓐᓂᐅᖏᑦᑐᖅ.
- ᑕᐃᒪᓕ ᒪᕐᕉᒃ ᓱᕈᓰᒃ ᐊᐅᓪᓚᖃᑎᒃ ᑕᕝᕙᙵᓴᐃᓐᓇᖅ ᐃᓚᒌᓂᒃ ᐱᓯᒪᔨᖃᖏᓪᓗᑎᒃ ᐃᓅᓱᓗᐊᖅᑐᒃ ᐊᑕᐅᓯᑐᐊᒥᒃ ᐱᔨᔅᓯᕈᑎᒥᒃ ᐊᑭᓖᒋᐊᖃᒃᑎᑕᐅᓂᐊᖅᑑᒃ ᐊᑐᖅᑕᐅᓗᓂ.
- ᐃᓚᒃᑲᓐᓂᖏᓐᓂᒃ ᑕᐃᒃᑯᓂᖓᓪᓗᐊᖅ ᑐᑭᓯᒃᑲᓐᓂᕈᒪᒍᕕᑦ, ᐊᑏ ᐅᖃᕝᕕᒋᓚᐅᒃᑭᑦ ᑲᓇᐃᑎᐊᓐ ᓄᐊᑦᑯᑦ ᑐᕌᑦᑕᐅᑎᒋᓗᒋᑦ.
ᐃᒃᐱᒍᓱᑦᑎᐊᑎᓪᓗᒍ ᐱᓯᒪᒃᓯᓂᖅ ᐊᐅᓪᓚᖅᑎᑕᐅᔪᒥᒃ ᐃᓄᒥᓂᕐᓂᒃ
ᐃᒃᐱᒍᓱᑦᑎᐊᑎᓪᓗᒍ ᐱᓯᒪᒃᓯᓂᖅ ᐊᐅᓪᓚᖅᑎᑕᐅᔪᒥᒃ ᐃᓄᒥᓂᕐᓂᒃ ᑲᓇᐃᑎᐊᓐ ᓄᐊᑦ ᐱᓕᕆᖃᑎᒋᒃᑐᑦ ᐱᔭᐅᑎᑦᑎᒻᒪᑕ ᐱᒻᒪᕆᐅᑎᑕᑦᑎᓐᓂᒃ ᐱᒍᒥᓇᕐᓂᖏᓐᓂᒃ ᐊᑦᑕᓐᓇᖅᑕᐃᓕᒪᓂᐅᑉ, ᑕᑎᒋᔭᒃᓴᐅᑦᑎᐊᓐᓂᑦ, ᐱᔨᔅᓯᕈᑎ ᐱᓕᕆᑦᑎᐊᕈᑕᐅᓂᖓᓂᒃ, ᐊᒻᒪᓗ ᐃᒃᐱᒍᓱᑦᑎᐊᓪᓗᑎᒃ ᐱᓕᕆᕙᓪᓕᐊᓂᓕᒫᖏᓐᓂᒃ ᐊᐅᓪᓚᖅᑎᑕᐅᑎᓪᓗᒋᑦ ᐃᓄᒥᓃᑦ ᐱᓕᕆᑦᑎᐊᓪᓗᑎᒃ ᐊᒻᒪᓗ ᐃᒃᐱᒋᑦᑎᐊᕐᓗᑎᒃ. ᖃᐅᔨᓴᖅᑕᐅᖃᑦᑕᐃᓐᓇᓪᓗᑎᒃ ᐃᓘᓐᓇᓕᒫᖓᓂ ᐃᖏᕐᕋᑎᑕᐅᓂᓕᒫᖓᓂ ᑕᐃᑲᙵᑦ ᓯᕗᓪᓕᖅᐹᒥ ᐱᔭᐅᑎᓪᓗᒍ ᐅᓯᔭᐅᓂᐊᖅᑐᓄᑦ ᐃᓂᒃᓴᓕᐅᕐᕕᒻᒥ ᑕᐅᕗᖓ ᐱᔭᐅᓂᖓᓄᑦ, ᐊᓂᒍᐃᑎᓪᓗᒍ ᖃᐅᔨᓴᖅᓯᕕᒻᒥᒃ, ᐅᓯᓕᐅᑎᔭᐅᑎᓪᓗᒍ, ᐱᔭᐅᑎᓪᓗᒍ, ᐊᒻᒪᓗ ᓅᑕᐅᑎᓪᓗᒍ ᐊᓯᒃᑲᓂᐊᓄᑦ ᖃᖓᑕᓲᒃᑲᒃᑎᒧᑦ ᑕᐃᒫᖑᒋᐊᖃᑐᐊᖃᑦ, ᑕᒪᐃᓂᒃ ᐱᓕᕆᒍᑎᖃᒃᑐᒍᑦ ᖃᓄᐃᖏᑎᓪᓗᒍ ᑎᑭᒍᓐᓇᑦᑎᐊᖁᓪᓗᒍ ᐃᓗᕕᖅ ᐊᒻᒪᓗ ᐴᖅᓯᒪᕕᒋᔭᐅᔪᖅ ᐃᓗᓕᖃᑎᓪᓗᒍ ᐃᓄᒥᓂᒻᒥᒃ.
ᐅᓯᔭᐅᓂᐊᖅᑐᓄᑦ ᐃᓂᒃᓴᓕᐅᕐᕕᒃ ᐅᖃᕝᕕᖃᓐᓂᐋᖅᑐᖅ ᑐᔪᐃᔪᒥᒃ (ᐊᐅᓪᓚᖅᑎᑦᑎᔪᒥᒃ) ᐅᖃᐅᑎᔭᐅᓂᐊᕐᓗᑎᒃ ᑎᑭᕝᕕᒋᓂᐊᖅᑕᖓᑕ ᐃᑲᕋᖓᓂᒃ ᐊᒻᒪᓗ ᖃᐅᔨᑎᑕᐅᓂᐊᕐᓗᑎᒃ ᖃᓄᑐᐃᓐᓇᖅ ᑭᖑᕙᓂᐊᓕᖅᑐᒥᓂᐅᒃᐸᑦ ᐱᔭᐅᓂᐊᖅᑎᓪᓗᒋᑦ ᐱᒍᒥᓇᖅᑐᖁᑎᑦ ᐅᓯᔭᐅᔪᑦ. ᑕᐃᔅᓱᒪᓂ ᐃᓄᒥᓃᑦ ᐱᔭᐅᑎᓪᓗᒋᑦ, ᐱᓂᐊᓚᐅᖅᑐᖅ ᖃᐅᔨᒍᓐᓇᒻᒪᑦ ᐱᑦᑎᐊᓕᒐᓱᐊᓪᓗᑎᒃ ᐱᓕᕆᕙᓪᓕᐊᓂᒥᓂᖏᓐᓂᒃ ᐊᑐᓂ ᐱᓕᕆᐊᖑᕙᓪᓕᐊᓂᖏᓐᓂᒃ ᐊᐅᓪᓚᖅᐸᓪᓕᐊᑎᓪᓗᒍ ᑕᒪᒃᑯᑎᒎᓇ ᐱᔭᕇᒃᑕᐅᓯᒪᔪᑎᒍ ᖃᖓᑕᓲᒃᑰᖅᑎᑦᑎᒍᑎ ᐊᑭᓕᕆᐊᓕᒃ (AWB).
ᐊᑏ ᐅᖃᕝᕕᒋᓚᐅᒃᑭᑦ ᐅᓯᔭᐅᓂᐊᖅᑐᓄᑦ ᐃᓂᒃᓴᓕᐅᕐᕖᑦ ᐅᕘᓇ 1-800-267-1247−ᑯᑦ ᐱᖁᓪᓗᑎᑦ ᐊᑭᓪᓗᐊᖅᓯᐅᖅᑕᐅᓂᖓᓂᒃ ᐊᐅᓪᓚᖅᑎᑦᑎᒍᑎᑦ ᐃᕝᕕᑦ ᐱᒋᐊᖃᒃᑕᖏᓐᓂᒃ. ᑐᒃᓯᕋᒃᑐᒍᑦ 24 ᐃᑲᕐᕋᓂ ᖃᐅᔨᑎᑕᐅᒍᒪᓪᓗᑕ ᓯᕗᓂᖓᒍᑦ ᐊᐅᓪᓚᖅᑎᑦᑎᔪᖃᕆᐊᓚᐅᖏᓐᓂᖓᓂ ᐊᒻᒪᓗ ᐊᐅᓪᓚᖅᑎᑦᑎᔪᖅ ᐱᔭᐅᑎᑦᑎᒋᐊᖃᒻᒪᑦ ᒪᑯᓂᖓ ᑐᔪᐃᑎᓪᓗᒍ ᐴᖅᑲᒃᓯᒪᔪᒥᒃ ᑕᒫᖓᑦ ᓄᓇᓕᐅᑉ ᐅᓯᔭᐅᓂᐊᖅᑐᓂᒃ ᐊᒡᓚᒡᕕᖓᓄᑦ:
- ᓇᓕᖃᖓᓂᒃ ᐃᓕᓴᕆᔭᐅᓯᒪᓗᓂ ᑐᖁᔪᒧᑦ ᓇᓗᓇᐃᑯᑕᒻᒥᒃ ᐅᕝᕙᓘᓐᓃᑦ ᓇᓗᓇᐃᒃᑯᑕᒻᒥᒃ ᐊᕐᔭᓕᐅᕐᓂᕈᒃᑎᑕᐅᓯᒪᓂᖓᓄᑦ
- ᐊᑭᓕᖅᑕᐅᕙᒌᕐᓗᓂ (ᑮᓇᐅᔭᑯᕕᖃᐅᑎᒃᑯᑦ, ᐊᑭᓖᑦᑕᐅᑎᒋᒍᑎ ᐱᓯᒪᔭᒐᒻᒧᑦ, ᐅᕝᕙᓘᓐᓃᑦ ᑮᓇᐅᔭᓚᕆᒃᑎᒍ)
- ᐅᖃᕝᕕᐅᒍᓐᓇᖅᑐᖅ ᑐᓴᐅᒪᕕᐅᒍᓐᓇᖅᑐᖅ ᑐᔪᐃᕕᐅᔪᒧᑦ (ᑎᑭᕝᕕᐅᓂᐊᖅᑐᒧᑦ)
ᑕᐃᒪᓕ ᐅᓯᔭᐅᓂᐊᖅᑐᓄᑦ ᐃᓂᒃᓴᓕᐅᕖᑦ ᐅᖄᓚᕕᒃᓴᐅᓂᖓ ᒪᑐᓯᒪᒃᐸᑦ, ᓄᓇᓕᔅᓯᓐᓃᖅᑐᖅ ᐅᓯᔭᐅᓂᐊᖅᑐᓕᕆᔨ ᐊᑐᐃᓐᓇᐅᑐᐃᓐᓇᕆᐊᓕᒃ ᐃᑲᔪᖁᓪᓗᒍ ᐃᓕᓐᓂᒃ. ᐊᑏ ᑕᑯᒋᐊᓚᐅᒃᑭᑦ ᐃᑲᕐᕋᖅᓯᐅᑎᖏᑦ ᐊᒻᒪᓗ ᑐᓴᕆᐊᕐᕕᒃᓴᖅ ᑐᓴᐅᒪᔾᔪᑎᒃᓴᓂᒃ ᐅᕘᓇ.
ᐱᑐᐃᓐᓇᐅᖏᑐᑦ ᐱᖁᑎᑦ
ᐱᑐᐃᓐᓇᐅᖏᑐᑦ ᐱᖁᑎᑦ ᐱᓕᐅᑎᓂᒻᒧᑦ ᐱᓕᕆᔾᔪᑎ
ᐱᓐᖑᐊᑐᖅᓯᐅᑏᑦ ᐊᖏᖅᑕᐅᓂᐊᖅᑐᑦ ᐃᑦᑎᕐᕕᐅᓗᑎ, ᐊᒻᒪ ᐅᖓᑕᐅᔾᔨᑎᓪᓗᒋᑦ, ᐊᑐᓂ ᑐᓐᖓᓂᖃᓂᐊᖅᑐᑦ ᐅᖓᑕᐅᔾᔨᔪᑦ ᐃᑦᑎᕐᕖᑦ ᐊᑭᖃᖅᑎᑕᐅᓗᑎ ᐊᑕᐅᓯᔅᒍᑏᐅᓗᑎ. ᖃᐅᔨᒪᑦᑎᐊᓂᐊᖅᑯᓯ ᐊᑐᓂ ᐃᑦᑎᕐᕕᑦ ᐅᖓᑕᐅᔾᔨᖏᓪᓗᑎ ᐊᖏᓛᕆᒋᐊᖃᖅᑕᖓᓂ ᐅᖁᒪᐃᓐᓂᖓ 45 ᑭᓗᒍᕌᒻᔅ (100 ᐸᐅᓐᔅ) ᐅᕝᕙᓘᓐᓃᑦ ᐊᖏᓂᖓ 292 ᓯᓐᑕᒦᑕᔅ ᐊᖏᖅᑕᐅᓗᑎ ᐃᑦᑎᕐᕕᐅᓗᑎ.
ᑐᒃᑲᕆᐊᓖᑦ
ᑐᒃᑲᕆᐊᓖᑦ ᐊᖏᖅᑕᐅᓂᐊᖅᑐᑦ ᐃᑦᑎᕐᕕᐅᑎᑕᐅᓗᑎ ᑭᓪᓕᖃᖅᑎᑕᐅᓗᑎ. ᐃᑭᒪᓂᐊᖅᑐᖅ ᑲᒪᒋᔭᖃᒃᑐᖅ ᐴᖅᑲᑦᑎᐊᖅᓯᒪᓂᖓᓂᒃ ᑐᒃᑲᕆᐊᓕᐅᑉ. ᐊᒃᓱᐊᓗᒃ ᐃᒫᖑᖁᔨᕗᒍᑦ ᑐᒃᑲᕆᐊᓕᒃ ᑕᐃᒫᑦᑎᐊᖅ ᐴᖃᑦᑎᐊᖅᓯᒪᖁᓪᓗᑎᒍ ᐴᖃᒃᓯᒪᕕᖓᓂ ᐅᕝᕙᓘᓐᓃᑦ ᑐᒃᑲᕆᐊᓕᒻᒧᑦ ᐴᒃᓴᖁᑎᒧᑦ ᐊᖂᑎᖏᒃ ᑐᑭᖓᓪᓗᐊᓕᖅᑎᓯᒪᓗᑎᒃ, ᐊᒃᓴᓗᐊᖏᑦ ᐳᓪᓚᐃᖅᑎᓯᒪᓗᑎᒃ ᐊᒻᒪᓗ ᑐᒃᑲᕐᕕᖏᒃ ᐲᖅᓯᒪᓗᑎᒃ ᓴᐳᒻᒥᔭᐅᑎᐊᕐᓂᖅᓴᐅᖁᓪᓗᒍ.
ᑐᒃᑲᕆᐊᓖᑦ ᐱᖃᓯᐅᔾᔮᖏᑦᑐᑦ ᓇᓗᓇᐃᖅᑕᐅᓂᖏᓐᓄᑦ ᐊᑭᖃᖏᑦᑐᒥᑦ ᐃᑦᑎᕐᕕᒃ ᐊᒻᒪ ᑐᓐᖓᓂᖃᐃᓐᓇᓂᐊᖅᑐᑦᐅᖓᑕᐅᔾᔨᔪᓂᑦ ᐃᑦᑎᕐᕕᓂᑦ ᐊᑭᖃᖅᑐᑦ $75.00 ᐊᑕᐅᓯᖅ ᐊᒻᒪ ᐊᑐᖅᑎᑕᐅᔪᓐᓇᖅᑐᑦ ᑖᒃᓯᖏᑦ
ᓂᔾᔮᑎᑦᑎᒍᑎ ᓂᔾᔮᐅᓯᔭᕈᑎᑦ
ᑲᓇᐃᑎᐊᓐ ᓄᐊᑦ ᐊᖏᖅᓯᓂᐊᖅᑐᑦ ᐴᖅᓯᒪᑦᑎᐊᖅᑐᓂᑦ ᓂᔾᔭᐅᓯᔭᐅᑎᓂᑦ ᐃᑦᑎᕐᕕᐅᑎᑕᐅᓗᑎ, ᑐᓐᖓᓂᖃᖅᑐᑦ ᐅᖓᑕᐅᔾᔨᔪᓄᑦ ᐊᑭᖏᓐᓄᑦ (ᐅᖁᒪᐃᓕᐊᖅᑐᑦ, ᐃᓚᒍᑕᒃᑲᓐᓂᖓ) ᐊᑐᖅᑕᐅᔪᓐᓇᕈᓂ.
ᓱᕈᓐᓂᐅᓴᔪᑦ, ᓱᕋᒃᓴᕋᐃᑦᑐᑦ ᐊᒻᒪᓗ ᐱᖁᑎᑦᑎᐊᕙᐃᑦ ᐱᖁᑏᑦ
ᐊᓯᕈᒃᑎᓪᓗᒍ ᐊᓂᖅᑎᕆᔭᒐᐅᑉ ᓇᕿᓐᓂᖓ, ᐊᑯᓂ ᖃᖓᑕᓂᐅᔪᓂ ᐅᕝᕙᓘᓐᓃᑦ ᑭᖑᕙᕆᐊᓯᒪᔪᖃᒃᑎᓪᓗᒍ ᐋᖅᑭᒃᓯᒪᑎᑕᐅᒋᐊᖃᒻᒪᑕ ᓱᕈᒃᓴᕋᐃᑦᑐᑦ ᐱᖁᑎᑦ. ᑲᓇᐃᑎᐊᓐ ᓄᐊᑦ ᐊᑭᓖᒋᐊᑐᔾᔮᖏᑦᑐᑦ ᖃᓄᐃᑦᑐᑐᐃᓐᓇᓐᓂᒃ ᓱᕈᒃᓴᕋᐃᑦᑐᓂᒃ ᐱᖁᑎᓂᒃ ᐅᕝᕙᓘᓐᓃᑦ ᓱᕋᐃᓂᕋᓗᐊᖃᑕ ᓱᕋᒃᑎᑦᑎᓗᑎᒃ.
ᐊᐅᓪᓚᖅᑎᑦᑎᔪᖃᒃᑎᓪᓗᒍ ᓱᕋᒃᓴᕋᐃᑦᑐᓂᒃ ᐱᖁᑎᓂᒃ, ᐃᑭᒪᓂᐋᖅᑐᑦ ᐋᖅᑭᒃᓯᓯᒪᑦᑎᐊᕆᐊᓕᑦ ᐊᑦᑕᓐᓇᖁᓇᒋᑦ ᐴᖅᑲᒃᓯᒪᔪᑦ ᐊᒥᒐᖏᑦᑐᒥᒃ ᓂᕈᒻᒫᑯᑕᖃᓪᓗᑎᒃ ᑭᓱᕋᔭᓂᒃ ᓱᕋᒃᑐᖃᖁᓇᒍ.
ᑲᓇᐃᑎᐊᓐ ᓄᐊᑦ ᐊᑭᓖᒋᐊᑐᔾᔮᖏᑦᑐᑦ ᓱᕋᒃᓴᕋᐃᑦᑐᓂᒃ, ᐱᖁᑎᑦᑎᐊᕙᓐᓂᒃ, ᐅᕝᕙᓘᓐᓃᑦ ᓱᕈᒃᓴᕋᐃᑦᑐᓂᒃ ᐱᖁᑎᒋᔭᐅᔪᓂᒃ ᐃᓚᒋᔭᐅᓗᑎᒃ (ᑭᓯᐊᓂ ᑭᒡᓕᒋᔭᐅᓇᑎᒃ) ᑮᓇᐅᔭᑦ, ᑕᑯᒥᓇᖅᓴᐅᑎᑦ, ᐊᔾᔨᓕᐅᕈᑎᑦ, ᑕᕐᕆᔭᒃᓴᐃᑦ ᐊᒻᒪᓗ ᓱᑲᓐᓇᖅᑐᒨᖅᑐᑦ ᐱᓕᕆᔾᔪᑎᑦ, ᓯᐅᕕᕆᖁᑏᓂᒃ, ᐱᓕᕆᐊᖁᑎᒧᑦ ᑎᑎᕋᒃᓯᒪᔪᖁᑎᓂᒃ, ᖃᐅᔨᓴᒐᒃᓴᓂᒃ, ᐊᒥᐊᒐᖁᑎᓂᒃ, ᓴᓇᙳᐊᒐᓐᓂᒃ, ᒥᖅᑯᓕᓐᓂᒃ, ᑎᑎᕋᒃᓯᒪᔪᑦ ᒪᓕᒃᑕᐅᑎᑦᑎᔾᔪᑎᓂᒃ, ᐅᕝᕙᓘᓐᓃᑦ ᑕᐃᒪᐃᑦᑐᓪᓗᐊᐸᓗᓐᓂᒃ ᐱᖁᑎᓂᒃ.
ᓇᒡᔪᐃᑦ ᐊᒻᒪᓗ ᐅᐱᒍᓲᒍᑎᑦ
ᑲᓇᐃᑎᐊᓐ ᓄᐊᑦ ᐊᖏᖅᓯᓂᐊᖅᑐᑦ ᐱᓐᖑᐊᓂᕐᒧᑦ ᐱᔾᔪᓯᐊᓂᑦ ᓲᕐᓗ ᐆᒪᔪᓄᑦ ᓇᔾᔪᐃᑦ ᐊᒻᒪ ᓇᔾᔫᔪᑦ ᖃᖓᑕᓲᒃᑯᑦ ᐅᓯᔭᐅᓗᑎ; ᓇᔾᔪᐃᑦ ᐴᖅᑲᖅᓯᒪᑦᑎᐊᕆᐊᓖᑦ ᓱᕋᑦᑕᐅᖁᓇᒋᑦ. ᐊᑏ ᐅᓇ ᓇᕿᓪᓗᒍ ᓇᓗᓇᐃᔭᖅᓯᒪᓂᖏᓐᓄᑦ ᑎᑎᕋᖅᑕᐅᓂᖏᓐᓄᑦ ᐊᒻᒪ ᐴᖅᑲᖅᑕᐅᓂᖏᓐᓄᑦ.
ᐊᑭᕋᒃᓯᒍᑏᑦ
ᐊᑭᕋᒃᓯᒍᑏᑦ ᐃᓂᖃᒃᑎᑕᐅᒍᓐᓇᖅᑐᑦ ᑕᐃᑯᓇᓂᓪᓗᐊᖅ ᖃᖓᑕᓲᓂ ᖃᓄᐃᑦᑐᕋᔭᓂ. ᓯᕗᓂᖓᒍᑦ ᐋᖅᑭᒃᓱᖅᑕᐅᒋᐊᓕᑦ ᑲᓇᐃᑎᐊᓐ ᓄᐊᑦᑯᑦ ᐃᓂᒃᓴᓕᐅᕐᕕᖓᒍᑦ 48 ᐃᑲᕐᕋᓂ ᐅᖃᐅᔾᔨᓯᒪᓗᓯ.
ᐆᒪᔪᐃᑦ
ᐆᒪᔪᐃᑦ ᓄᔪᐋᖏᑦᑐᖅ ᐆᒪᔪᖅ
ᑲᓇᐃᑎᐊᓐ ᓄᐊᑦ ᐊᖏᖅᓯᓂᐊᖅᑐᑦ ᐆᒪᔪᓂᑦ ᐃᕝᕕᑦ ᖃᖓᑕᕕᖓᓂ ᐃᖏᕋᑎᑕᐅᓗᓂ ᐃᑭᒪᕕᖓᓂ ᐅᕝᕙᓘᓐᓃᑦ ᐅᓯᔭᐅᒥᕕᖓᓂ. ᐋᖅᑭᒃᓱᐃᒋᐊᖃᒃᑐᑎᑦ ᖃᔅᓰᓐᓇᐅᓛᖏᓐᓂ 48 ᐃᑲᕐᕋᓂ ᓯᕗᓂᖓᒍᑦ ᐊᐅᓪᓚᓚᐅᖏᓐᓂᔅᓯᓐᓂ ᐅᖄᓚᓗᓯ ᑲᓇᐃᑎᐊᓐ ᓄᐊᑦ ᐃᓂᒃᓴᓕᐅᕐᕕᖓᓄᑦ ᐅᕗᖓ 1-800-267-1247. ᐃᓘᓐᓇᖏᓐᓄᑦ ᓴᒻᒥᑦ ᐊᐅᓚᑕᐅᔪᑦ ᖃᖓᑕᓃᑦ, ᐊᒃᓱᐊᓗᒃ ᐱᑦᑕᐃᓕᑎᑦᑎᒻᒪᑕ ᑎᒍᐊᖁᑎᒋᔭᐅᔪᑦ ᐅᓯᕕᒻᒦᑎᑕᐅᑦᑕᐃᓕᓪᓗᑎᒃ ᐱᓯᒪᒃᓯᕕᒻᒥ. ᑭᒡᓕᖃᒃᑎᑦᑎᒻᒪᑕ ᐱᓯᒪᒍᓐᓇᖅᑎᑕᐅᓪᓗᑎᒃ ᐊᑕᐅᓯᑐᐊᒥᒃ 1 ᐊᑯᓐᓈᕿᔪᒥᒃ ᕿᒻᒥᕐᒥᒃ 35−ᒥᒃ ᐸᐅᓐᔅ, ᐊᖏᓂᖃᑎᓪᓗᒍ ᕿᒻᒥᒃᑯᕕᒃ ᐅᖓᑖᓂᒍᓐᓇᖅᑎᑕᐅᖏᑦᑐᖅ 26 ᐃᓐᓴᓯᑦ ᐳᖅᑐᓂᖓ. ᐊᒥᓲᓂᕆᒍᓐᓇᖅᑕᖏᑦ ᐆᒪᔪᐃᑦ ᐊᖏᖅᑕᐅᒍᓐᓇᖅᑐᑦ ᑭᒡᓕᖃᒃᑎᑕᐅᒻᒪᑕ ᐊᑐᓂ ᖃᖓᑕᓂᐅᔪᓂ ᐊᒻᒪᓗ ᐋᖅᑭᒋᐊᖅᑕᐅᒋᐊᖃᑐᐃᓐᓇᕆᐊᓖᒃ ᐃᓂᒃᓴᓕᐅᕆᓯᒪᔭᐃᑦ ᐱᕕᖃᒃᑎᑕᐅᖁᓪᓗᑕ ᐃᓂᖃᒃᑎᑦᑎᒐᔭᓐᓂᑦᑎᓐᓂᒃ ᐃᕝᕕᑦ ᑎᒍᐊᖁᑎᖓᓂᒃ. ᒪᑯᐊ ᒪᓕᒃᑕᐅᖁᔭᐅᔪᑦ ᒪᓕᒃᑕᐅᑦᑎᐊᕆᐊᓖᑦ:
- ᐊᖏᓂᖓ ᕿᒻᒥᒃᑯᕕᒃᐱᑦ ᐊᒻᒪᓗ ᐅᖁᒪᐃᓂᖓ ᑎᒍᖁᑎᕕᑦ ᐱᔭᐅᑎᒋᐊᖃᒃᑕᐃᑦ ᑕᐃᔅᓱᒪᓂ ᐃᓂᒃᓴᓕᐅᓕᖅᑎᓪᓗᑎᑦ.
- ᐴᖅᓯᒪᕕᒃ ᑭᓈᕆᒍᓐᓇᕆᐊᖃᖏᑦᑐᖅ ᐊᒻᒪᓗ ᐊᓂᖅᑎᕆᕕᒃᓴᐅᑦᑎᐊᕐᓗᓂ ᓯᓚᑐᑦᑎᐊᓐᓇᑎᓪᓗᒍ ᐆᒪᔪᕐᒧᑦ. ᓴᕕᕋᔭᐃᑦ ᐅᐊᔭᕋᔭᑎᑑᖓᓗᑎᒃ ᐴᖅᓯᒪᕕᑦ ᐊᖏᖅᑕᐅᒍᓐᓇᖏᑦᑐᑦ ᐱᓯᒪᒃᓯᒍᑕᐅᓂᐊᕐᓗᑎᒃ. ᐴᖅᓯᒪᕕᑦ ᐊᖏᓂᖃᑦᑎᐊᕆᐊᓕᑦ ᓈᒻᒪᓪᓗᑎᒃ ᐃᕝᕕᒃ ᑎᒍᐊᖁᑎᖓᓄᑦ ᓇᖏᕐᕕᐅᒍᓐᓇᓪᓗᑎᒃ, ᓇᓕᐊᓐᓄᑦ ᓵᒍᓐᓇᑦᑎᐊᓪᓗᑎᒃ ᐊᒻᒪᓗ ᐊᖁᐱᒍᓐᓇᑦᑎᐊᓪᓗᑎᒃ, ᐊᒻᒪᓗ ᑭᒡᓕᖃᓪᓗᑎᒃ ᐊᑕᐅᓯᒻᒥᒃ ᐆᒪᔪᑕᖃᕈᓐᓇᑎᓪᓗᒍ ᐊᑐᓂ ᐴᖅᓯᒪᕕᑦ.
- ᐆᒪᓗᑎᒃ ᐆᒪᔪᐃᑦ ᐊᓯᐊᓅᖅᑎᑕᐅᔾᔮᖏᑦᑐᑦ ᐃᑭᑎᑕᐅᓗᑎᒃ ᐊᓯᒃᑲᓐᓂᖓᓄᑦ ᖃᖓᑕᓲᖁᑎᒋᔭᐅᔪᒧᑦ ᐊᒻᒪᓗ ᐋᖅᑭᒃᓯᖃᑎᖃᕆᐊᖃᕋᔭᖅᑐᑎᑦ ᐊᓯᐊᓂᒃ ᐅᓯᖃᑦᑕᖅᑐᒥᒃ.
- ᑲᓇᐃᑎᐊᓐ ᓄᐊᑦ ᐸᓯᔭᒃᓴᐅᓂᔾᔮᖏᑦᑐᖅ ᖃᓄᐃᓕᔪᖃᓐᓂᖃᒃ ᐊᓯᐅᔪᖃᑎᓪᓗᒍ, ᑭᖑᕙᖅᑐᖃᑎᓪᓗᒍ, ᐋᓐᓂᖅᑐᖃᒃᑎᓗᓂ, ᖃᓂᒻᒪᒃᑐᖃᑎᓪᓗᒍ ᐅᕝᕙᓘᓐᓃᑦ ᑐᖁᔪᖃᓐᓂᖃᒃ ᓇᓪᓕᐊᓐᓂᑐᐃᓐᓇᖅ ᑎᒍᐊᖁᑎᒥᒃ ᐅᕝᕙᓘᓐᓃᑦ ᐆᒪᔪᒥᒃ ᐊᖏᖅᑕᐅᓚᐅᖅᑐᒥᒃ ᐊᐅᓚᕈᓐᓇᖅᑎᑕᐅᓗᓂ.
ᑎᒍᐊᖁᑎᑦ ᐃᓂᖃᒃᑎᑦᑎᕕᒻᒦᑦᑐᑦ
ᑎᒍᐊᑦ ᐊᐅᓪᓚᕈᓐᓇᖅᑐᖅ ᐃᓕᓐᓃᓪᓗᓂ ᐃᓂᖃᒃᑎᑦᑎᕕᒻᒥ ᐃᓘᓐᓇᑲᓴᖏᓐᓂ ᑲᓇᐃᑎᐊᓐ ᓄᐊᑦ ᖃᖓᑕᓂᖏᓐᓂ ᐃᒫᖑᑐᐊᖃᑕ ᓈᒻᒪᓪᓗᑎ ᒪᓕᒡᓗᒋᑦ ᐊᖏᓂᖏᑦ ᒪᓕᒃᑕᐅᖁᔭᐅᔪᓄᑦ. ᑎᒍᐊᖁᑏᑦ ᐊᐅᓪᓚᕆᐊᓕᒃ ᐴᖅᓯᒪᓗᓂ ᐊᑖᓂᓪᓗᓂ ᐃᒃᓯᕚᕐᕕᐅᑉ ᓯᕗᓂᑎᐊᓐᓂ.
ᐊᖏᓛᖑᒍᓐᓇᖅᑎᑕᐅᔪᑦ ᐴᖅᓯᓯᒪᕕᑦ ᐊᖏᓂᖃᕐᓗᑎᒃ (ᑕᑭᓂᖓ [L] X ᐊᔭᓂᖅᑐᓂᖓ [W] X ᐳᖅᑐᓂᖓ [H]) | ᐅᖁᒪᐃᓛᕆᒍᓐᓇᖅᑕᖓ | ᐊᑭᓪᓗᐊᑐᐃᓐᓇᖓ* |
|---|---|---|
737 ᖃᖓᑕᓱᖅ: 19 x 16 x 9 ᐃᓐᓴᓯᑦ ᐅᕝᕙᓘᓐᓃᑦ 48 x 40 x 22 ᓯᓐᑕᒦᑕᔅ | 1-22 ᐸᐅᓐᔅ | $86.25 |
ᐊᕕᒃᑐᖅᓯᒪᓂᕐᒥ ᐃᖏᕐᕋᔾᔪᑎ ᖃᖓᑕᓱᖅ (ATR) ᖃᖓᑕᓱᖅ/DH8: 18 x 8 x 9 ᐃᓐᓴᓯᑦ ᐅᕝᕙᓘᓐᓃᑦ 46 x 20 x 22 ᓯᓐᑕᒦᑕᔅ | 1 – 22 ᐸᐅᓐᔅ | $86.25 |
*ᑭᓯᐊᓂ ᐊᓯᐊᒍᑦ ᐅᖃᖅᑕᐅᓯᒪᒍᓂ, ᐊᑭᖏᑦ ᑲᓇᑕᒥ ᑮᓇᐅᔭᑎᖓᒎᖅᑐᑦ (CAD) ᐊᒻᒪ ᐱᖃᓯᐅᔾᔨᔪᑦ ᓂᑭᓛᕆᔪᓐᓇᖅᑕᖓᓂ (5%) ᑎᑭᑦᑐᒍ ᐊᖏᓛᕆᔪᓐᓇᖅᑕᖓ (15%) ᑖᒃᓯᓄᑦ ᐊᑐᖅᑎᑕᐅᔪᓐᓇᖅᑐᑦ, ᑐᓐᖓᓂᖃᖅᑐᑦ ᐃᕝᕕᑦ ᖃᖓᑕᕕᒋᓂᐊᖅᑕᖓᓂ.
ᓇᒻᒥᓂᕆᔭᐅᔪᑦ ᐆᒪᔪᐃᑦ ᐃᑦᑎᕕᒃᑯᕕᒻᒦᑦᑐᑦ
ᐊᖏᓛᖑᒍᓐᓇᖅᑎᑕᐅᔪᑦ ᐴᖅᓯᓯᒪᕕᑦ ᐊᖏᓂᖃᕐᓗᑎᒃ (ᑕᑭᓂᖓ [L] X ᐊᔭᓂᖅᑐᓂᖓ [W] X ᐳᖅᑐᓂᖓ [H]) | ᐅᖁᒪᐃᓛᕆᒍᓐᓇᖅᑕᖓ | ᐊᑭᓪᓗᐊᑐᐃᓐᓇᖓ* |
|---|---|---|
ᒥᑭᔪᑦ: 21 x 16 x 15 ᐃᓐᓴᓯᑦ ᐅᕝᕙᓘᓐᓃᑦ 53 x 40 x 38 ᓯᓐᑕᒦᑕᔅ | 1 – 20 ᐸᐅᓐᔅ | $226.05 |
ᐊᑯᓐᓈᕿᔪᑦ: 32 x 23 x 24 ᐃᓐᓴᓯᑦ ᐅᕝᕙᓘᓐᓃᑦ 81 x 58 x 61 ᓯᓐᑕᒦᑕᔅ | 21 – 70 ᐸᐅᓐᔅ | $226.05 |
ᐊᖏᔪᑦ: 40 x 27 x 30 ᐃᓐᓴᓯᑦ ᐅᕝᕙᓘᓐᓃᑦ 102 x 69 x 76 ᓯᓐᑕᒦᑕᔅ | 71 – 100 ᐸᐅᓐᔅ | $226.05 |
*ᑭᓯᐊᓂ ᐊᓯᐊᒍᑦ ᐅᖃᖅᑕᐅᓯᒪᒍᓂ, ᐊᑭᖏᑦ ᑲᓇᑕᒥ ᑮᓇᐅᔭᑎᖓᒎᖅᑐᑦ (CAD) ᐊᒻᒪ ᐱᖃᓯᐅᔾᔨᔪᑦ ᓂᑭᓛᕆᔪᓐᓇᖅᑕᖓᓂ (5%) ᑎᑭᑦᑐᒍ ᐊᖏᓛᕆᔪᓐᓇᖅᑕᖓ (15%) ᑖᒃᓯᓄᑦ ᐊᑐᖅᑎᑕᐅᔪᓐᓇᖅᑐᑦ, ᑐᓐᖓᓂᖃᖅᑐᑦ ᐃᕝᕕᑦ ᖃᖓᑕᕕᒋᓂᐊᖅᑕᖓᓂ.
ᖃᐅᔨᒪᑎᑦᑎᒍᑎ ᐃᑭᒪᓂᐊᖅᑐᓄᑦ
ᐊᖏᓗᐊᖅᑐᑦ ᐆᒪᔪᒃᑯᕖᑦ ᐊᖏᖅᑕᐅᔮᖏᑦᑐᑦ ᐃᑦᑎᕐᕕᐅᑎᑕᐅᓗᑎ ᐊᒻᒪ ᐊᐅᓪᓚᖅᑎᑕᐅᔭᕆᐊᓖᑦ ᐅᓯᔭᐅᓂᐊᕐᓗᑎ ᐊᑐᖅᑎᑕᐅᔪᓐᓇᖅᑐᓂᑦ ᐅᓯᔭᐅᔪᓄᑦ ᐊᑭᖏᓐᓄᑦ. ᐊᑏ ᖃᐅᔨᒋᐊᕐᕕᒋᓗᒍ ᐅᓯᔭᐅᔪᓄᑦ ᐃᖅᑲᓇᐃᐃᔭᐅᑏᑦ 24 ᐃᑲᕐᕋᓂᑦ ᓯᕗᓂᐊᒍᑦ ᖃᐅᔨᒋᐊᕐᓗᒍ ᐃᖏᕋᑎᑕᐅᓂᖏᓐᓄᑦ ᐊᒻᒪ ᖃᖓᑕᓲᒧᑦ ᐊᑐᐃᓐᓇᐅᓂᖓᓄᑦ ᐱᖃᓯᐅᔾᔨᔪᓐᓇᓂᐊᕐᒪᖔᑕ ᐃᕝᕕᑦ ᐆᒪᔪᖁᑎᖓᓂᑦ ᐊᐅᓪᓚᖅᑎᑕᐅᓂᖓᓄᑦ ᐊᒻᒪ ᐃᓂᔅᓴᓕᐅᓂᕐᒧᑦ.
Travel Info
