Skip to content

ᐃᓕᔅᓯᓐᓂᒃ ᐱᔨᔅᓯᓂᐊᖁᒍᑦ

ᐱᔨᔅᓯᕈᑎᑦ

ᐅᖓᑎᖏᓐᓃᒻᒪᑕ 70 ᐊᕐᕌᒍᐃᑦ ᐊᐅᓚᓂᕆᔭᕗᑦ, ᐋᖅᑭᐅᒪᑎᑦᑎᔨᕗᑦ ᐊᒻᒪᓗ ᓴᓇᓯᒪᓂᒃᓴᓕᕆᓂᕐᒧᑦ ᐱᓕᕆᕕᖁᑎᕗᑦ ᐊᒃᓱᐋᓗᒃ ᐱᓕᕆᖃᑦᑕᖅᓯᒪᓂᖃᒻᒪᑕ ᐃᖃᓇᐃᔭᖅᑎᑦ ᑐᑭᓯᐊᓪᓗᑎᓪᓗ ᐊᒻᒪᓗ ᐃᑲᔪᕈᒪᑦᑎᐋᖅᑐᑎᒃ ᐊᔾᔨᐅᒌᖏᑦᑐᓂ ᐊᐅᓚᓂᕆᔭᑦᑎᓐᓂ, ᐱᔭᐅᑎᑦᑎᖃᑦᑕᓪᓗᑎᒃ ᐱᐅᓈᖅᓯᒪᔪᓂᒃ ᐃᑲᔪᖅᓱᐃᒍᑎᓂᒃ ᐊᓯᕈᒃᐸᓪᓕᐊᖏᓐᓇᖅᑐᓂᒃ ᖃᖓᑕᓲᖑᖃᑎᒌᓂ ᐊᒻᒪᓗ ᐊᓯᕈᒃᐸᓪᓕᐊᖏᓐᓇᓗᑎᒃ ᓈᒻᒪᖁᓪᓗᒋᑦ ᐱᓕᕆᐊᖑᒐᓱᒋᐊᓕᑦ ᐊᐅᓚᓂᖃᒃᑎᑦᑎᓂᒻᒥᒃ ᐅᑭᐅᖅᑕᖅᑐᕐᒥ.

ᐋᖅᑭᐅᒪᑎᑦᑎᓂᕐᒧᑦ ᐊᐅᓚᔪᑎᓄᓪᓗ ᐃᖃᓇᐃᔭᖅᑎᖁᑎᕗᑦ ᐃᖃᓇᐃᔭᑦᑎᐊᕋᓱᐊᒻᒪᑕ ᐃᑲᔪᕈᒪᓪᓗᑎᒃ ᖃᖓᑕᓲᖑᖃᑎᒋᖁᑎᑦᑎᓐᓂᒃ 32−ᓂᒃ ᖃᖓᑕᓲᓂᒃ. ᐃᑎᓂᖓ ᐱᓕᕆᖃᑦᑕᖅᓯᒪᓂᑦᑕ ᐊᒻᒪᓗ ᓴᙱᔪᐋᓗᒻᒥᒃ ᐱᓕᕆᖃᑎᒋᓂᖃᓐᓂᕗᑦ ᓂᐅᕕᐊᒃᓴᖃᒃᐸᒃᑐᓂᒃ ᐊᒻᒪᓗ ᑭᓱᒃᓴᓕᐅᖅᑎᐅᖃᑦᑕᖅᑐᓂᒃ ᓴᕿᑎᑦᑎᒻᒪᑦ ᐋᖅᑭᐅᒪᑎᑦᑎᒍᓐᓇᓐᓂᒻᒥᒃ ᐊᓯᕈᒃᑕᖏᑦᑐᒥᒃ ᓈᒻᒪᓇᕈᑎᓪᓗᑎᒃ ᐱᓕᕆᓂᐅᔪᓄᑦ ᐃᓚᒋᔭᐅᓪᓗᑎᒃ ᖃᖓᑕᓲᑦ ᐅᑎᖅᑎᑕᐅᓗᑎᒃ ᐱᔨᔅᓯᕆᐊᖃᓐᓂᖏᓐᓄᑦ ᑭᖑᕙᓯᖏᓪᓗᑎᒃ. ᐱᓕᕆᖃᑎᒌᒃᑐᖁᑎᕗᑦ ᑕᐅᒪᖓᓕᒫᖅ ᐋᖅᑭᒃᓯᖃᑦᑕᐃᓐᓇᒻᒪᑕ ᐱᓕᕆᐊᕆᒐᓱᒋᐊᓕᓐᓂᒃ ᐃᓱᒪᒃᓴᖅᓯᐅᕈᑎᖃᓐᓂᒻᒥᓐᓄᑦ ᐋᖅᑭᒃᓯᒍᑎᒃᓴᓂᒃ ᓱᓕ ᓱᕐᕋᓚᐅᕐᓇᑎᒃ ᓴᒃᑯᐃᓯᓚᐅᓇᑎᒃ ᐱᓕᕆᒍᒪᑎᐊᓐᓂᒻᒥᓐᓂᒃ ᐊᑦᑕᓐᓇᖅᑕᐃᓕᒪᓂᕐᒥᒃ ᐊᒻᒪᓗ ᐱᐅᓈᖅᓯᒪᓂᒻᒥᒃ.

ᐃᓚᒋᔭᐅᒃᑲᓐᓂᕐᓗᓂ, ᖃᖓᑕᓲᖁᑎᒋᔭᑦᑕ ᐋᖅᑭᐅᒪᑎᑦᑎᓂᒻᒧᑦ ᐱᓕᕆᕕᖁᑎᖓ ᐱᔭᐅᑎᑦᑎᓲᖑᒻᒪᑦ ᐱᖓᔪᒋᔭᐅᔪᓄᑦ ᐱᓕᕆᖃᑕᐅᔪᓄᑦ ᐋᖅᑭᐅᒪᑎᑦᑎᓂᒻᒥᒃ ᐱᔨᔅᓯᕈᑎᓂᒃ ᐊᓐᓂᖅᑐᔪᐋᓗᓐᓄᑦ ᑎᑭᐅᒪᔪᓂᒃ ᖃᖓᑕᓲᓂᒃ ᖃᓄᐃᑐᑐᐃᓐᓇᓐᓄᑦ. ᐱᓕᕆᒍᒪᒐᑦᑕ ᐱᔭᐅᑎᑦᑎᒍᒪᓪᓗᑕ ᐃᖃᓇᐃᔭᖅᑎᓚᕆᐅᓂᕐᒧᑦ ᐱᔨᔅᓯᕈᑎᒥᒃ ᐊᒻᒪᓗ ᐊᑑᑎᖃᑦᑎᐊᖅᑐᒥᒃ ᐋᖅᑭᐅᒪᑎᑦᑎᓂᒻᒥᒃ ᐋᖅᑭᒃᓯᒍᑎᓂᒃ ᓯᓚᑖᓂᑦᑐᓄᑦ ᐊᑭᓕᖅᓱᐃᔨᒋᕙᒃᑕᑦᑎᓐᓄᑦ ᓱᓕᔪᒥᒃ ᓂᕈᐊᖅᑕᐅᖔᕈᓐᓇᕈᑎᒋᒐᑦᑎᒍ ᐋᖅᑭᐅᒪᑎᑦᑎᓂᒻᒧᑦ ᐱᔨᔅᓯᕈᑎᓂᒃ ᐱᔭᐅᔪᖃᕆᐋᖃᓕᕌᖓᑦ.

Canadian North SRR VGP Heavy Maintenance in Progress
Canadian North

ᐱᔨᔅᓯᕈᑎᑦ

Fly YEG to YZF
Ottawa-Kuujjuaq Route
Advisory - Power Banks

Canadian North will now redirect you to the new Canadian North Cargo portal.